BREAKING NEWS

തലസ്ഥാനത്ത് ഇത്തവണ പൊടിപാറും… ആര്യ രാജേന്ദ്രൻ ഔട്ട്!! തലസ്ഥാനം പിടിച്ച‌ടക്കാൻ 3 ഏരിയ സെക്രട്ടറിമാരടക്കം കരുത്തന്മാരെയിറക്കി സിപിഎം, 93 സീറ്റുകളിൽ 70 ലും സിപിഎം, സിപിഐക്ക് 17 സീറ്റുകൾ

· · 1 min read
Share: Copied!

തിരുവനന്തപുരം: തദ്ദേശ തെരഞ്ഞെടുപ്പിൽ തലസ്ഥാന നഗരിയിലെ പോരാട്ടം അത്യന്തം പൊടിപാറുമെന്ന് തീർച്ച. മൂന്നു മുന്നണികളും ഇത്തവണ കരുത്തന്മാരെയാണ് ഇറക്കിയിരിക്കുന്നത്. യുഡിഎഫ്, ബിജെപി ചിത്രം നേരത്തെ തെളിഞ്ഞിരുന്നു. ഇപ്പോൾ സിപിഎം പട്ടിക കൂടി പുറത്തിറക്കിയതോടെ തലസ്ഥാനത്തെ പോരാട്ടം തീപാറുമെന്ന് ഉറപ്പായി.

3 ഏരിയ സെക്രട്ടറിമാരടക്കമുള്ള ജില്ലാ കമ്മിറ്റി അംഗങ്ങളെയടക്കം രംഗത്തിറക്കിയാണ് സിപിഎം സ്ഥാനാർഥികളെ പ്രഖ്യാപിച്ചത്. പേട്ടയിൽ മത്സരിക്കുന്ന എസ് പി ദീപക്, വഞ്ചിയൂരിൽ മത്സരിക്കുന്ന വഞ്ചിയൂർ ബാബു, ചാക്കയിൽ പോരിനിറങ്ങുന്ന ശ്രീകുമാർ, പുന്നയ്ക്കാമുഗളിലെ സ്ഥാനാർഥി ശിവജി ആർ പി, കുന്നുകുഴിയിലെ ബിനു ഐ പി, ജഗതിയിലെ പൂജപ്പുര രാധാകൃഷ്ണൻ എന്നിവരാണ് ശ്രദ്ധേയ സ്ഥാനാർഥികൾ.

അതേസമയം നിലവിലെ മേയർ ആര്യ രാജേന്ദ്രൻ തലസ്ഥാനത്ത് ഇത്തവണ മത്സരത്തിനില്ലായെന്നതാണ് സിപിഎം പട്ടികയിലെ ശ്രദ്ധേയമായ ഒരു കാര്യം. സ്ഥാനാ‌ർഥി പ്രഖ്യാപന വേദിയിലും മേയർ ആര്യ ഉണ്ടായിരുന്നില്ല. മേയർ കോഴിക്കോട് ആയതിനാലാണ് സ്ഥാനാർഥി പ്രഖ്യാപനത്തിൽ പങ്കെടുക്കാത്തത് എന്നാണ് സ്ഥാനാർഥി പട്ടിക പുറത്തുവിട്ട ജില്ലാ സെക്രട്ടറി വി ജോയ് എംഎൽഎ വ്യക്തമാക്കിയത്.

കോർപ്പറേഷൻ ഭരണം നിലനിർത്താൻ ലക്ഷ്യമിട്ട് പ്രമുഖരെ അണിനിരത്തിയാണ് എൽഡിഎഫ് 93 സീറ്റുകളിലേക്കുള്ള സ്ഥാനാർത്ഥികളെ പ്രഖ്യാപിച്ചത്. ഇതോടെ കോർപ്പറേഷൻ തെരഞ്ഞെടുപ്പിൻറെ മത്സര ചിത്രം തെളിഞ്ഞു. നേരത്തെ കോൺഗ്രസും, ബി ജെ പിയും ആദ്യഘട്ട സ്ഥാനാർത്ഥികളെ പ്രഖ്യാപിച്ചിരുന്നു. 93 സീറ്റുകളിലാണ് എൽഡിഎഫ് സ്ഥാനാർത്ഥികളെ പ്രഖ്യാപിച്ചത്. ബാക്കിയുള്ള എട്ടു സീറ്റിൽ പിന്നീട് പ്രഖ്യാപിക്കും.

സീറ്റ് വിഭജനം ഇങ്ങനെ-

സിപിഎം 70 സീറ്റിലും സിപിഐ 17 സീറ്റുകളിലും മത്സരിക്കും. ജനതാദൾ എസ് 2, കേരള കോൺഗ്രസ് എം 3, ആർ ജെ ഡി 3 എന്നിങ്ങനെയും മത്സരിക്കും. ബാക്കിയുള്ള ഘടകക്ഷികൾ ഓരോ സീറ്റിലും മത്സരിക്കും.

BREAKING NEWS
കാനഡയിൽ കത്തിക്കൊണ്ടിരുന്ന കാറിനുള്ളിൽ ഇന്ത്യൻ യുവാവിന്റെ മൃതദേഹം, തുഷാറിനെ ലക്ഷ്യമിട്ട് നടത്തിയ ആക്രമണമെന്ന് പ്രാഥമിക നി​ഗമനം, അന്വേഷണം ഏറ്റെടുത്ത് പ്രത്യേക സംഘം
19 Nov 2026
BREAKING NEWS
ഗാസയിൽ അഭയാർഥി ക്യാംപിന് സമീപം ഇസ്രയേൽ ആക്രമണം; നുസൈറാത്തിൽ പീരങ്കിവർഷം, ഡ്രോൺ ആക്രമണങ്ങളിൽ മൂന്ന് മരണം; പലായനം ചെയ്ത് ജനങ്ങൾ
19 Nov 2026
BREAKING NEWS
ഉമര്‍ കുടുംബത്തോടെ ക്രിമിനല്‍സാണ്, ബോണ്‍ ക്രിമിനലിന്റെ കയ്യില്‍ നിന്നും തെളിവുകള്‍ കിട്ടിയത് അന്വേഷണ മികവുകൊണ്ട്, ജുവനൈല്‍ ജസ്റ്റിസ് നിയമത്തിനുള്ള പ്രായപരിധി പതിമൂന്നായി കുറയ്ക്കണം- കൊല്ലപ്പെട്ട അഭിറാമിന്റെ സഹോദരി
19 Nov 2026
BREAKING NEWS
ഷുക്കൂറിനെയും സുഹൃത്തുക്കളെയും രണ്ടര മണിക്കൂറോളം തടഞ്ഞുവച്ച് മൊബൈൽ ഫോൺ വഴി ചിത്രങ്ങൾ അയച്ച് ആളെ ഉറപ്പുവരുത്തി, ശേഷം സ്വന്തം നിലയിൽ ‘വിചാരണ’ നടത്തി കൊലപ്പെടുത്തി... സിബിഐ കണ്ടെത്തൽ!! അരിയിൽ ഷുക്കൂർ വധക്കേസിൽ വിധി ഉടൻ!! പി. ജയരാജൻ, ടി.വി. രാജേഷ് ഉൾപ്പെ‌ടെ 33 പ്രതികൾ, എം.വി. ഗോവിന്ദന്റെ മകൻ ശ്യാംജിത...
19 Nov 2026