തൃശൂര്: ഭാവഗായകന് പി. ജയചന്ദ്രന് അന്തരിച്ചു. ഇന്നു വൈകീട്ട് 7.54ന് തൃശൂര് അമല ആശുപത്രിയിലായിരുന്നു അന്ത്യം. ഒരാഴ്ചയിലേറെയായി കരള് സംബന്ധമായ അസുഖങ്ങളെത്തുടര്ച്ചു ചികിത്സയിലായിരുന്നു. ഇടയ്ക്കു ബോധം തിരിച്ചുകിട്ടി മരുന്നുകളോടു പ്രതികരിച്ചെങ്കിലും ഇന്നലെ വൈകീട്ടോടെ അന്തരിക്കുകയായിരുന്നു.
ജയചന്ദ്രന്. മലയാളം, തമിഴ്, കന്നഡ, തെലുഗു, ഹിന്ദി എന്നീ ഭാഷകളില് അദ്ദേഹം ഗാനങ്ങള് ആലപിച്ചിട്ടുണ്ട്. ഭാവഗായകന് എന്ന പേരില് അറിയപ്പെടുന്നു. കുഞ്ഞാലി മരയ്ക്കാര് എന്ന ചിത്രത്തിനു വേണ്ടിയാണ് ആദ്യം പാടിയതെങ്കിലും, ആദ്യം പുറത്തു വന്നത് കളിത്തോഴന് എന്ന ചിത്രത്തിനു വേണ്ടി പാടിയ-എക്കാലവും മലയാളികള് മലയാളികള് ഇഷ്ടപ്പെടുന്ന – മഞ്ഞലയില് മുങ്ങിത്തോര്ത്തി; ധനു മാസ ചന്ദ്രിക വന്നു എന്നു തുടങ്ങുന്ന ഗാനമാണ്.
Related Post
1944 മാര്ച്ച് 3 ന് എറണാകുളം ജില്ലയിലെ രവിപുരത്ത് ഭദ്രാലയത്തിലാണ് ജയചന്ദ്രന് ജനിച്ചത്. അദ്ദേഹത്തിന്റെ കുടുംബം പിന്നീട് ഇരിങ്ങാലക്കുടയിലേക്ക് താമസം മാറ്റി.[1] രവിവര്മ്മ കൊച്ചനിയന് തമ്പുരന്റേയും പാലിയത്ത് സുഭദ്രക്കുഞ്ഞമ്മയുടേയും അഞ്ച് മക്കളില് മൂന്നാമനായിരുന്നു അദ്ദേഹം. പരേതനായ സുധാകരന് (1940-1989), പരേതയായ സരസിജ (1942-2018), കൃഷ്ണകുമാര് (ജനനം: 1946), ജയന്തി (ജനനം: 1950) എന്നിവരാണ് സഹോദരങ്ങള്.
1973 മെയ് മാസത്തില് തൃശൂര് സ്വദേശിയായ ലളിതയെ അദ്ദേഹം വിവാഹം കഴിച്ചു. അവര്ക്ക് ലക്ഷ്മി എന്ന മകളും ദിനനാഥ് എന്ന പുത്രനുമാണുള്ളത്. പുത്രന് ഏതാനും സിനിമകളില് ഗാനങ്ങള് ആലപിച്ചിട്ടുണ്ട്
ക്രൈസ്റ്റ് കോളേജില് നിന്ന് ജയചന്ദ്രന് ബിരുദം നേടി. ഇരിങ്ങാലക്കുടയിലെ നാഷണല് ഹൈസ്കൂളിലെ ഒരു വിദ്യാര്ത്ഥിയായിരുന്ന അദ്ദേഹം അക്കാലത്ത് സംസ്ഥാന സ്കൂള് യുവജനോത്സവത്തില് മൃദംഗ വായന, ലൈറ്റ് മ്യൂസിക് എന്നിവയില് നിരവധി സമ്മാനങ്ങള് നേടിയിരുന്നു. 1958 ലെ സംസ്ഥാന യുവജനമേളയില് പങ്കെടുക്കവേ ജയചന്ദ്രന് തന്റെ സമകാലികനായ യേശുദാസിനെ കണ്ടുമുട്ടുകയും മികച്ച ക്ലാസിക്കല് ഗായകനുള്ള പുരസ്കാരം യേശുദാസ് നേടിയപ്പോള് അതേ വര്ഷം മികച്ച മൃദംഗവിദ്വാനുള്ള അവാര്ഡ് നേടുകയും ചെയ്തിരുന്നു.
ഒരു തവണ മികച്ച പിന്നണി ഗായകനുള്ള ദേശീയ പുരസ്കാരം നേടിയ ജയചന്ദ്രന് അഞ്ചുതവണ മികച്ച പിന്നണി ഗായകനുള്ള കേരള സംസ്ഥാന അവാര്ഡുകളും നാലു തവണ തമിഴ്നാട് സംസ്ഥാന അവാര്ഡുകളും നേടിയിട്ടുണ്ട്. അദ്ദേഹത്തിന്റെ ഗാനങ്ങള് മലയാളം, തമിഴ്, കന്നഡ, തെലുങ്ക്, ഹിന്ദി ഭാഷകളില് റെക്കോര്ഡ് ചെയ്യപ്പെട്ടിരിക്കുന്നു.
1967 ല് പി. വേണു സംവിധാനം ചെയ്ത ഉദ്യോഗസ്ഥ എന്ന ചിത്രത്തിനുവേണ്ടി എം.എസ്. ബാബുരാജ് സംഗീതം നല്കിയ ‘അനുരാഗ ഗാനം പോലെ’ എന്ന പ്രശസ്ത ഗാനം അദ്ദേഹം ആലപിച്ചു. പിന്നീട് പി. വേണുവും ജയചന്ദ്രനും ചേര്ന്ന് ‘നിന്മണിയറയിലെ’ (സി. ഐ. ഡി. നസീര്, 1971), ‘മലയാള ഭാഷതന് മാദക ഭംഗി’ (പ്രേതങ്ങളുടെ താഴ്വര, 1973) തുടങ്ങിയ കൂടുതല് ഹിറ്റുകള് മലയാള സിനിമയ്ക്ക സമ്മാനിച്ചു. പണിതീരാത്ത വീട് എന്ന ചിത്രത്തിനുവേണ്ടി ആലപിച്ച ‘നീലഗിരിയുടെ സഖികളേ, ജ്വാലാ മുഖികളേ” എന്ന ഗാനത്തിന് 1972 ലെ മികച്ച പിന്നണി ഗായകനുള്ള കേരള സംസ്ഥാന ചലച്ചിത്ര അവാര്ഡ് ആദ്യമായി ജയചന്ദ്രന് ലഭിച്ചു. എം എസ് വിശ്വനാഥനായിരുന്നു പ്രസ്തുത ചിത്രത്തിന്റെ സംഗീതം നിര്വ്വഹിച്ചത്. എം.എസ്.?വിശ്വനാഥനാണ് അദ്ദേഹത്തെ തമിഴില് അവതരിപ്പിക്കുന്നത്. 1973 ല് പുറത്തിറങ്ങിയ ‘മണിപ്പയല്’ എന്ന സിനിമയിലെ ‘തങ്കച്ചിമിഴ് പോല്…’ ആയിരുന്നു ജയചന്ദ്രന്റെ ആദ്യ തമിഴ്ഗാനം.[3] എം. ബി. ശ്രീനിവാസന് സംഗീതം നല്കിയ ബന്ധനം എന്ന ചിത്രത്തിലെ ‘രാഗം ശ്രീരാഗം’ എന്ന ഗാനത്തിലൂടെ 1978 ല് അദ്ദേഹത്തിന് മറ്റൊരു കേരള സംസ്ഥാന അവാര്ഡ് ലഭിച്ചു. 1985 ല് ജി. ദേവരാജന് സംഗീതം നല്കിയ ശ്രീ നാരായണ ഗുരു എന്ന ചിത്രത്തിലെ ‘ശിവശങ്കര സര്വ്വ ശരണ്യ വിഭോ’ എന്ന ഗാനത്തിന് മികച്ച പിന്നണി ഗായകനുള്ള ദേശീയ ചലച്ചിത്ര പുരസ്കാരം ലഭിച്ചു. നിറം എന്ന ചിത്രത്തിലെ ‘പ്രായം നമ്മില്’ എന്ന ഗാനം 1998 ല് മികച്ച ഗായകനുള്ള മൂന്നാമത്തെ കേരള സംസ്ഥാന പുരസ്കാരത്തിന് അദ്ദേഹത്തെ അര്ഹനാക്കിയിരുന്നു. 1975 ല് ആര്.കെ ശേഖറിന്റെ സംഗീത സംവിധാനത്തില്, അക്കാലത്ത് കേവലം 9 വയസ് പ്രായമുണ്ടായിരുന്ന ദിലീപ് ശേഖര് (ഇപ്പോള് എ. ആര് റഹ്മാന്) ആദ്യമായി ചിട്ടപ്പെടുത്തിയ പെണ്പട എന്ന മലയാള സിനിമയ്ക്കുവേണ്ടിയുള്ള ‘വെള്ളിത്തേന് കിണ്ണം പോല്’ എന്ന ഗാനം അദ്ദേഹം ആലപിച്ചിരുന്നു.
ജയചന്ദ്രന് സംഗീതസംവിധായകന് ഇളയരാജയുമായി അടുത്തു സഹകരിച്ചു പ്രവര്ത്തിക്കുകയും ”രാസാത്തി ഒന്നെ കാണാതെ നെഞ്ച് കാത്താടി പോലാട്ത്…’, ‘കാത്തിരുന്തു കാത്തിരുന്തു’ (1984 ല് പുറത്തിറങ്ങിയ വൈദേഹി കാത്തിരുന്താള്),[4] ‘മയങ്കിനേന് സൊല്ല തയങ്കിനേന്’ (1985 ല് പുറത്തിറങ്ങിയ നാനേ രാജ നാനേ മന്തിരിയില് നിന്ന്), ‘വാഴ്കയേ വേഷം’ (1979 ല് പുറത്തിറങ്ങിയ ”ആറിലിരുന്തു അറുപതു വരൈ” എന്ന ചിത്രത്തിലെ), ‘പൂവാ എടുത്തു ഒരു’ (1986 ല് പുറത്തിറങ്ങിയ അമ്മന് കോവില് കിഴക്കാലെ), ‘താലാട്ടുതേ വാനം’ (1981 ല് പുറത്തിറങ്ങിയ കടല് മീന്കള്) എന്നിവയുള്പ്പെടെ തമിഴ് ഭാഷയില് നിരവധി ജനപ്രിയ ഹിറ്റുകള് സൃഷ്ടിക്കുകയും ചെയ്തിരുന്നു. 1994 ല് എ. ആര്. റഹ്മാന് സംഗീതം നല്കിയ കിഴക്കു ചീമയിലെ എന്ന ചിത്രത്തിലെ ഗാനം ആലപിച്ചതിന്റെ പേരില് മികച്ച ഗായകനുള്ള തമിഴ്നാട് സംസ്ഥാന ചലച്ചിത്ര അവാര്ഡ് ലഭിച്ചു. തമിഴ് ചലച്ചിത്ര സംഗീതത്തിന് നല്കിയ സംഭാവനകള്ക്കുള്ള അംഗീകാരമെന്ന നിലയില് 1997 ല് തമിഴ്നാട് സര്ക്കാരിന്റെ കലൈമാമണി അവാര്ഡിന് അര്ഹനായി.
2001 ന്റെ തുടക്കത്തില് ജയചന്ദ്രന് ‘സ്വരലയ കൈരളി യേശുദാസ് അവാര്ഡ്’ നല്കി ആദരിക്കുകയും ഈ പുരസ്കാരം ലഭിച്ച ആദ്യ ഗായകനാകുകയും ചെയ്തു. 30 വര്ഷക്കാലയളവിലെ ഗായകരില് നിന്നും ഗാനരചയിതാക്കളില് നിന്നുമുള്ള മികച്ച വ്യക്തിയെ തിരഞ്ഞെടുക്കുക എന്നതാണ് ഈ പുരസ്കാരത്തിനു പിന്നിലെ ലക്ഷ്യം. എംഎസ്ഐ ഇന്ഫര്മേഷന് ഡാറ്റാബേസ് അനുസരിച്ച് മലയാള സിനിമകള്ക്കായി ഏകദേശം ആയിരത്തോളം ഗാനങ്ങള് അദ്ദേഹം ആലപിച്ചിട്ടുണ്ട്.
2008 ല് എ. ആര്. റഹ്മാന് സംഗീതം നല്കിയ ‘ADA … എ വേ ഓഫ് ലൈഫ്” എന്ന ചിത്രത്തിനായി അല്ക യാഗ്നിക്കിനൊപ്പം പാടിക്കൊണ്ട് ജയചന്ദ്രന് ആദ്യമായി ഹിന്ദി ഗാനരംഗത്തേയ്ക്കും പ്രവേശനം നടത്തി.
മലയാള സിനിമയിലെ സമഗ്ര സംഭാവനയ്ക്കുള്ള 2020ലെ ജെ. സി ഡാനിയേല് അവാര്ഡ് നല്കി കേരള സര്ക്കാര് അദ്ദേഹത്തെ ആദരിച്ചു.
