‘പലിശ രഹിത വായ്പയെടുത്തു തരാം; കേന്ദ്ര സർക്കാരിന്റെ സ്കീമുണ്ട്’; പറഞ്ഞ് പറ്റിച്ച് ലക്ഷങ്ങൾ കൈക്കലാക്കി; യുവാവിന്റെ പരാതിയിൽ പ്രതിയെ തപ്പി പിടിച്ച് പോലീസ്; റിമാൻഡ് ചെയ്തു

പത്തനംതിട്ട: കേന്ദ്രസർക്കാരിൽ നിന്ന് പലിശരഹിത വായ്പ ലഭ്യമാക്കി നൽകാമെന്ന് വിശ്വസിപ്പിച്ച് യുവാവിൽ നിന്ന് 18 ലക്ഷം രൂപ തട്ടിയെടുത്ത കേസിൽ പ്രതി അറസ്റ്റിൽ. റാന്നി പഴവങ്ങാടി കോട്ടയിൽ വീട്ടിൽ പി.കെ. ഭാസ്കരന്റെ മകൻ അജികുമാർ (38) ആണ് കീഴ്വായ്പൂർ പോലീസിന്റെ പിടിയിലായത്.

പത്തനംതിട്ട ജില്ലയിലെ കീഴ്വായ്പൂർ ആനിക്കാട് സ്വദേശിയായ യുവാവിനെയാണ് പ്രതി കബളിപ്പിച്ചത്. കേന്ദ്രസർക്കാരിന്റെ പ്രത്യേക പദ്ധതിയിലൂടെ വൻതുക പലിശരഹിത വായ്പയായി ലഭ്യമാക്കാമെന്ന് വിശ്വസിപ്പിച്ചാണ് 2024 സെപ്റ്റംബർ, ഒക്ടോബർ മാസങ്ങളിലായി രണ്ട് ഘട്ടങ്ങളായി 18 ലക്ഷം രൂപ ഇയാളിൽ നിന്ന് വാങ്ങിയത്.

എന്നാൽ വാഗ്ദാനം ചെയ്ത വായ്പ ലഭിക്കാതിരിക്കുകയും കൈമാറിയ പണം തിരികെ നൽകാതിരിക്കുകയും ചെയ്തതോടെ യുവാവ് കീഴ്വായ്പൂർ പോലീസിൽ പരാതി നൽകി. പരാതിയുടെ അടിസ്ഥാനത്തിൽ 2025 ഒക്ടോബർ ഒന്നിന് കേസ് രജിസ്റ്റർ ചെയ്യുകയായിരുന്നു.

Related Post

ക്ലാസ് എടുക്കുന്നതിനിടെ ശരീരഭാഗങ്ങളിൽ കടന്നുപിടിച്ചു, ലൈം​ഗീകാതിക്രമം; പ്രായപൂർത്തിയാകാത്ത വിദ്യാർത്ഥിനികളോട് ട്യൂഷൻ സാറിന്റെ ക്രൂരത; ക്ളാസിൽ വച്ച് പീഡിപ്പിച്ചു; കുട്ടികളുടെ പെരുമാറ്റത്തിൽ സംശയം തോന്നിയ വീട്ടുകാർ വിവരം ചോദിച്ചതോടെ വെളിപ്പെടുത്തൽ

July 24, 2026

“സർക്കാർ ഒന്ന് നാറിക്കോട്ടെ എന്ന ഉദ്ദേശമാണോ നിങ്ങൾക്കുള്ളത്? ആഭ്യന്തര വകുപ്പിന്റെ ശോഭ ഇല്ലാതാക്കണമെന്ന് ആരെങ്കിലും പറഞ്ഞിട്ടുണ്ടോ? വൈരാ​ഗ്യമുണ്ടോ” നിതിൻ രാജ് മരണക്കേസ് അന്വേഷണ ഉദ്യോ​ഗസ്ഥനോട് കോടതി; മൈക്ക് ഓഫാക്കിയതിലും ശകാരം

July 24, 2026

‘പെപ്പർ സ്പ്രേയടക്കം കൈയ്യിലുണ്ട്; ഗുണ്ടാസംഘാംഗങ്ങളും ഉൾപ്പെട്ടിട്ടുണ്ട്‘; 200 പേരെകരുതൽ കസ്റ്റഡിയിലെടുത്ത് പോലീസ് 17 ഡൽഹി മെട്രോ സ്റ്റേഷനുകൾ ഇന്ന് അടച്ചിടും; സിജെപി- സർക്കാർ ചർച്ചയ്ക്ക് ഇന്ന് സാധ്യത; ‘ധർമ്മേന്ദ്ര പ്രധാന്റെ രാജി വരെ സമരം തുടരും‘

July 24, 2026

പി.എസ് പ്രശാന്ത് നിഷ്കളങ്കനല്ല, ഗൂഢാലോചനയിൽ നേരിട്ട് പങ്കാളി!! തിരുവാഭരണം കമ്മീഷണറുടെ എതിർപ്പ് മറികടന്ന് ദ്വാരപാലക ശിൽപ്പം കൊണ്ടുപോകുന്നതിൽ തീരുമാനമെടുത്തത് പ്രശാന്തിന്റെ നേതൃത്വത്തിലുള്ള ബോർഡ് യോഗം- എസ്ഐടി

July 24, 2026

അന്നത്തെ കീഴ്വായ്പൂർ പൊലീസ് ഇൻസ്പെക്ടർ വിപിൻ ഗോപിനാഥ് രജിസ്റ്റർ ചെയ്ത കേസിൽ നിലവിലെ സ്റ്റേഷൻ ഹൗസ് ഓഫീസർ (എസ്എച്ച്ഒ) അജീബിന്റെ നേതൃത്വത്തിലാണ് അന്വേഷണം പുരോഗമിച്ചത്. എസ്.ഐമാരായ അനീഷ് ടി., ഷാൻ എൻ.എസ്., എ.എസ്.ഐ. മുജീബ്ഖാൻ, സി.പി.ഒമാരായ സോനു, നെവിൻ എന്നിവരടങ്ങിയ അന്വേഷണസംഘം തുടരന്വേഷണം നടത്തി മല്ലപ്പള്ളിയിൽ നിന്നാണ് പ്രതിയെ പിടികൂടിയത്.

കോടതിയിൽ ഹാജരാക്കിയ അജികുമാറിനെ റിമാൻഡ് ചെയ്തു. കേസിൽ കൂടുതൽ ആളുകൾക്ക് പങ്കുണ്ടോയെന്നും സമാനരീതിയിൽ മറ്റ് തട്ടിപ്പുകൾ നടത്തിയിട്ടുണ്ടോയെന്നും പോലീസ് അന്വേഷിച്ചുവരികയാണ്.

‘പെപ്പർ സ്പ്രേയടക്കം കൈയ്യിലുണ്ട്; ഗുണ്ടാസംഘാംഗങ്ങളും ഉൾപ്പെട്ടിട്ടുണ്ട്‘; 200 പേരെകരുതൽ കസ്റ്റഡിയിലെടുത്ത് പോലീസ് 17 ഡൽഹി മെട്രോ സ്റ്റേഷനുകൾ ഇന്ന് അടച്ചിടും; സിജെപി- സർക്കാർ ചർച്ചയ്ക്ക് ഇന്ന് സാധ്യത; ‘ധർമ്മേന്ദ്ര പ്രധാന്റെ രാജി വരെ സമരം തുടരും‘