17-കാരനെ മുൻ വൈരാ​ഗ്യത്തെ തുടർന്ന് കൊന്നു; പിടിയിലായ പ്രായപൂർത്തിയാകാത്ത മൂന്ന് പ്രതികളെ പൊലീസ് സ്റ്റേഷനിലേയ്ക്ക് കൊണ്ടുപോയത് കാറിന്റെ ബോണറ്റിൽ കെട്ടിയിട്ട്; പോകും വഴി നാട്ടുകാരുടെ തെറിവിളിയും ചെരുപ്പൂരിയുള്ള അടിയും; വീഡിയോ

പൂനെ: മഹാരാഷ്ട്രയിലെ പൂനെയിൽ കൊലക്കേസിൽ പ്രതികളായ പ്രായപൂർത്തിയാകാത്ത മൂന്ന് പേരെ പൊലീസ് വാഹനത്തിന്റെ ബോണറ്റിൽ കെട്ടിയ നിലയിൽ പൊതുജനങ്ങൾക്കു മുന്നിലൂടെ കൊണ്ടുപോയ സംഭവവുമായി ബന്ധപ്പെട്ട ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ വലിയ വിവാദം ഉയരുകയാണ്. പൊലീസ് നടപടിക്കെതിരെ സാമൂഹിക മാധ്യമങ്ങളിലും നിയമ വിദഗ്ധർക്കിടയിലും വിമർശനം ശക്തമാണ്.

പൂനെയിലെ കത്രജ് മേഖലയിലാണ് സംഭവം. 17-കാരനായ ഗണേഷ് രവീന്ദ്ര മാൽവെയെ മുൻവൈരാഗ്യത്തിന്റെ പേരിൽ ആക്രമിച്ച് കൊലപ്പെടുത്തിയ കേസിലാണ് പ്രായപൂർത്തിയാകാത്ത ഏഴ് പേർക്കെതിരെ അന്വേഷണം നടക്കുന്നത്. ഇവരിൽ മൂന്ന് പേരെ അറസ്റ്റ് ചെയ്തതിന് പിന്നാലെയാണ് പൊലീസ് വാഹനത്തിന്റെ മുൻവശത്ത് ബോണറ്റിൽ കെട്ടിയ നിലയിൽ സ്റ്റേഷനിലേക്ക് കൊണ്ടുപോയതെന്ന് പുറത്തുവന്ന ദൃശ്യങ്ങളിൽ കാണാം.

ശക്തമായ മഴയ്ക്കിടെയായിരുന്നു പ്രതികളെ ഇത്തരത്തിൽ കൊണ്ടുപോയത്. യാത്രയ്ക്കിടെ വഴിയരികിൽ നിന്ന ചിലർ പ്രതികളെ അധിക്ഷേപിക്കുകയും ഒരാളെ ചെരുപ്പ് ഉപയോഗിച്ച് അടിക്കുകയും ചെയ്യുന്ന ദൃശ്യങ്ങളും വൈറലായി. കൊല്ലപ്പെട്ട കൗമാരക്കാരന്റെ ബന്ധുവെന്നാണ് ചെരുപ്പുകൊണ്ട് മർദിച്ച സ്ത്രീയെക്കുറിച്ചുള്ള പ്രചാരണം. എന്നാൽ ഇതുസംബന്ധിച്ച് ഔദ്യോഗിക സ്ഥിരീകരണമില്ല.

Related Post

‘സതീശന്റെ പാർട്ടിയേതാ?‌ ബിജെപിക്കാരനാണോ?‘ വഖഫ് ബോർഡ് വിഷയത്തിൽ മുഖ്യമന്ത്രിയ്ക്കെതിരെ പി. രാജീവ്

July 22, 2026

വീഡിയോ കാണാൻ സമയവുമില്ല, അതിൽ താൽപര്യമില്ല, വെറുതെ ഞങ്ങളുടേയും നിങ്ങളുടെ സമയവും കളയരുത്… രാജ്യ തലസ്ഥാനത്തെ പോലീസിന്റെ അതിക്രമം കാണാൻ വിസമ്മതിച്ച് സുപ്രിം കോടതി!! ‘ഇതിലേക്കൊന്നും കോടതിയെ വലിച്ചിഴക്കരുത്’- ഹൈക്കോടതി

July 22, 2026

ആരുമില്ലാത്ത സമയം 20കാരനെ വീട്ടില്‍ വിളിച്ചു വരുത്തി, ജോലി കഴിഞ്ഞെത്തിയപ്പോള്‍ കണ്ടത് 13 കാരിയുടെ കട്ടിലിനടിയില്‍ ഒളിച്ചിരിക്കുന്ന യുവാവിനെ, വെടിവച്ചുകൊന്ന് മാതാവ്

July 22, 2026

പെൺകുട്ടികളുടെ വസ്ത്രങ്ങൾ കീറിപ്പറിച്ചു, കുട്ടികൾക്ക് നേരെ ലാത്തി പ്രയോഗിച്ചു. അവർ ചോരയൊലിപ്പിച്ചുകൊണ്ടാണ് തെരുവിൽ നടന്നത്, നിങ്ങളുടെ മക്കളായിരുന്നെങ്കിൽ വസ്ത്രം ഇങ്ങനെ വലിച്ചുകീറുമോ?? ഇങ്ങനെയാണോ വിദ്യാർഥികളെ പരിഗണിക്കേണ്ടത്??- അഖിലേഷ് യാദവ്

July 22, 2026

പ്രതികൾ പ്രായപൂർത്തിയാകാത്തവരായിരിക്കെ ഇത്തരത്തിൽ പൊതുജനങ്ങൾക്കു മുന്നിൽ പ്രദർശിപ്പിച്ചത് നിയമപരമായും ധാർമികമായും ഗുരുതര ചോദ്യങ്ങൾ ഉയർത്തുന്നതാണെന്ന് നിരവധി പേർ ചൂണ്ടിക്കാട്ടുന്നു. ജുവനൈൽ ജസ്റ്റിസ് നിയമത്തിന്റെ ആത്മാവിന് വിരുദ്ധമാണ് ഇത്തരം നടപടിയെന്നും വിമർശകർ അഭിപ്രായപ്പെടുന്നു. നിയമം നടപ്പാക്കുന്ന പൊലീസും നിയമനടപടികൾ കൃത്യമായി പാലിക്കേണ്ട ഉത്തരവാദിത്തമുള്ളവരാണെന്നും സമൂഹമാധ്യമങ്ങളിൽ പ്രതികരണങ്ങൾ ഉയരുന്നുണ്ട്.

സംഭവം വിവാദമായിട്ടും വൈറലായ ദൃശ്യങ്ങളെയോ പൊലീസ് സ്വീകരിച്ച നടപടിയെയോ കുറിച്ച് മഹാരാഷ്ട്ര പൊലീസ് ഔദ്യോഗികമായി പ്രതികരിച്ചിട്ടില്ല. അതേസമയം, കേസിന്റെ അന്വേഷണം തുടരുകയാണെന്നും ബന്ധപ്പെട്ട നിയമവകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നതെന്നും റിപ്പോർട്ടുകൾ വ്യക്തമാക്കുന്നു.

മൊബൈൽ ഫോൺ തിരികെ വാങ്ങുന്നതിനായി റിപ്പയർ കടയിലെത്തിയ ഗണേഷ് മാൽവെയെ മുൻവൈരാഗ്യത്തിന്റെ പേരിൽ പ്രതികൾ മാരകായുധങ്ങൾ ഉപയോഗിച്ച് ആക്രമിച്ചെന്നാണ് പൊലീസ് പറയുന്നത്. ഗുരുതരമായി പരിക്കേറ്റ ഗണേഷിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

🎥 Viral from Pune: Three juvenile accused in the Katraj teen murder were seen tied to the bonnet of a police vehicle during a police parade. Another video shows a woman, reportedly related to the victim, striking one accused with her slipper. Police are yet to comment. #Pune pic.twitter.com/a1SgeGU0g0

— Varad Bhatkhande | Journalist (@VaradBhatkhande) July 21, 2026