കപ്പ് കൊടുത്തില്ലേ ട്രംപേ, ഇനിയെങ്കിലും ഇറങ്ങി പൊയ്ക്കൂടെ… റോഡ്രി പുറത്തേക്കുള്ള വഴി കാണിച്ചിട്ടും പോയില്ല, സ്പെയിൻ വിജയാഘോഷത്തിലേക്ക് കടന്നുകയറാൻ ശ്രമിച്ച് അമേരിക്കൻ പ്രസിഡന്റ്, ഒടുവിൽ കൈയ്ക്ക് പിടിച്ച് പുറത്തുചാടിച്ച് ഫിഫ പ്രസിഡന്റ്, കൈകൊടുക്കാൻ മടിച്ച് ലമീൽ, മൈൻഡ് ചെയ്യാതെ മെസി- വീഡിയോ വൈറൽ

ന്യൂജഴ്‌സി: ഫിഫ ലോകകപ്പ് കിരീടം സമ്മാനിച്ചിട്ടും വേദി വിടാൻ തയാറാകാത്ത തത്തിക്കളിച്ച് വെളുക്കെ ചിരിച്ചുകൊണ്ടു നിൽക്കുന്ന യുഎസ് പ്രസിഡന്റ് ‍ഡൊണാൾഡ് ട്രംപിന്റെ വീഡിയോ സമൂഹമാധ്യമങ്ങളിൽ വൈറലാകുന്നു. സ്പെയിൻ വിജയം ആഘോഷിക്കുന്നതിനിടയിലും ട്രംപ് വേദി വിടാതെ ഫ്രെയിമിൽ തന്നെ നിൽക്കാൻ കിണഞ്ഞു പരിശ്രമിക്കുകയായിരുന്നു. ഒടുവിൽ ഫിഫ പ്രസിഡന്റ് എത്തിയാണ് ട്രംപിനെ വേദിയിൽനിന്നു മാറ്റിയത്.

സംഭവം ഇങ്ങനെ- ലോകകപ്പ് കിരീടം സ്പെയിൻ ടീമിന് സമ്മാനിച്ച ശേഷം അവിടെത്തന്നെ തുടരുകയായിരുന്നു ട്രംപ്. ഇതിനിടെ തങ്ങൾക്ക് ആ ഘോഷം തുടങ്ങുന്നതിനായി ക്യാപ്റ്റൻ റോഡ്രി ട്രംപിന് പുറത്തേക്കുള്ള വഴി കാണിച്ചെങ്കിലും പുറത്തേക്ക് പോകാൻ പ്രസിഡന്റ് കൂട്ടാക്കിയില്ല. ഒരു സൈഡിൽ സ്പെയിൻ താരങ്ങൾ ലോകകപ്പുമായി ആഘോഷം തുടങ്ങിയപ്പോഴും ട്രംപ് കളിക്കാരുടെ തോളിൽ തട്ടിയും അഭിനന്ദിച്ചും അവർക്ക് സമീപം തന്നെ നിൽക്കുകയായിരുന്നു. ഇതിനിടെ ഫ്രെയിമിൽ കയറാനും ശ്രമിക്കുന്നുണ്ട്.

Donald Trump did not want to let Spain celebrate their win without him #WorldCupFinal pic.twitter.com/6zB9FaCVwC

— sᴜᴘᴇʀ ᴛᴠ (@superTV247) July 19, 2026

Related Post

വാക്കുതര്‍ക്കം, ചോറുവിളമ്പുന്ന തവികൊണ്ട് അച്ഛനെ അടിച്ചുകൊന്ന് യുവാവ്

August 10, 2026

കുടുംബ വഴക്ക് അക്രമണത്തില്‍ കലാശിച്ചു, വെട്ടുകത്തികൊണ്ട് ഭാര്യയുടെ കൈപ്പത്തി വെട്ടി ഭര്‍ത്താവ്, ഒളിവില്‍ പോയ 54കാരന്‍ പൊലീസ് പിടിയില്‍

August 10, 2026

കുളിപ്പിക്കാന്‍ ബക്കറ്റില്‍ ഒഴിച്ചുവച്ച ചൂടുവെള്ളം ദേഹത്തേക്ക് മറിഞ്ഞു, രണ്ട് വയസുകാരിക്ക് ദാരുണാന്ത്യം

August 10, 2026

’27 വർഷം മുൻപ് ഒരു തിരുവോണ നാളിൽ ആർഎസ്എസ് ക്രിമിനലുകൾ വെട്ടിയരിഞ്ഞതാണ് എന്റെ ഇടതുകൈയിലെ പെരുവിരൽ; ഇപ്പോൾ ചിലർ എഐ സർജറിയിലൂടെ നഷ്ടപ്പെട്ട വിരൽ ചേർത്ത് തന്നിട്ടുണ്ട്’- അർജുൻ ആയങ്കിയ്ക്കൊപ്പമുള്ള വ്യാജ എഐ ചിത്രം പങ്കിട്ട് പി. ജയരാജൻ

August 10, 2026

ഒടുവിൽ ഫിഫ പ്രസിഡന്റ് ജിയാനി ഇൻഫന്റിനോ ഓടിയെത്തി ട്രംപിന്റെ കയ്യിൽ പിടിച്ച് പുറത്തേക്ക് കൊണ്ടുപോകാൻ ശ്രമിച്ചെങ്കിലും ട്രംപ് കയ്യടിച്ചുകൊണ്ട് അവിടെത്തന്നെ തുടർന്നു. ഇതിനിടെ ഇൻഫന്റിനോ ട്രംപിനോട് എന്തോ പറയാൻ ശ്രമിക്കുന്നതും വീഡിയോയിൽ കാണാം. ഇതിന് ശേഷമാണ് ഇൻഫന്റിനോയ്ക്കൊപ്പം ട്രംപ് വേദി വിട്ടത്.

🇦🇷🇪🇸 | Cristian Cuti Romero le negó el saludo a Donald Trump. pic.twitter.com/YKRYFNHU67

— Mundo en Conflicto 🌎 (@MundoEConflicto) July 19, 2026

അതേസമയം അർജന്റീന താരം ക്രിസ്റ്റ്യൻ റൊമെരോ ട്രംപിൽ നിന്ന് മെഡൽ സ്വീകരിച്ചെങ്കിലും കൈകൊടുത്തില്ല. മെസിയാകട്ടെ ട്രംപിന് മുഖം പോലും കൊടുത്തില്ല. സ്പാനിഷ് സൂപ്പർ താരം ലമീൻ യമാൽ ട്രംപിന് കൈകൊടുക്കാൻ ആദ്യം മടിച്ചെങ്കിലും ട്രംപ് കൈനീട്ടിത്തന്നെ പിടിച്ചതോടെ കൈകൊടുത്തു മാറുകയായിരുന്നു.

വീഡിയോകൾ വൈറലായതിന് പിന്നാലെ ട്രംപനെതിരെ വിമർശനവും പരിഹാസവുമുയരുന്നുണ്ട്. ട്രംപ് നാണമില്ലാതെ സ്പെയിനിന്റെ ആഘോഷത്തിൽ ഇടിച്ചുകയറാൻ ശ്രമിക്കുകയാണെന്നാണ് പലരും കമന്റ് ചെയ്യുന്നത്. ട്രംപിന് ഔചിത്യബോധം ഇല്ലേ എന്നും പലരും ചോദിക്കുന്നു.

He almost left the President hanging… then made a business decision 😭 pic.twitter.com/DxBPe3bHwQ

— Matt Wallace (@MattWallace888) July 20, 2026