ന്യൂഡൽഹി: കേരളത്തിന്റെ പേര് ഔദ്യോഗികമായി ‘കേരളം’ (Keralam) എന്നാക്കി മാറ്റുന്നതിനുള്ള ബില്ലിന് രാഷ്ട്രപതി ദ്രൗപദി മുർമു അംഗീകാരം നൽകി.
പാർലമെന്റിന്റെ ഇരുസഭകളും ബിൽ നേരത്തെ പാസാക്കിയിരുന്നു. ഭരണഘടനയുടെ ഒന്നാം പട്ടികയിൽ ‘Kerala’ എന്നതിന് പകരം ‘Keralam’ എന്ന് രേഖപ്പെടുത്തുന്നതിനുള്ള ഭേദഗതിയാണ് ബില്ലിലൂടെ നടപ്പാക്കുന്നത്.
സംസ്ഥാനത്തിന്റെ പേര് ഔദ്യോഗികമായി മാറ്റുന്നതിന്റെ ഭാഗമായി കേന്ദ്ര, സംസ്ഥാന സർക്കാരുകളുടെ വിവിധ രേഖകൾ, നിയമപരമായ രേഖകൾ, ഡിജിറ്റൽ സംവിധാനങ്ങൾ, സൈൻബോർഡുകൾ എന്നിവയിൽ ഘട്ടംഘട്ടമായി മാറ്റം വരുത്തേണ്ടിവരും.
Related Post
കേരള നിയമസഭ 2024ൽ സംസ്ഥാനത്തിന്റെ പേര് ‘കേരളം’ എന്നാക്കി മാറ്റണമെന്ന് ആവശ്യപ്പെട്ട് ഏകകണ്ഠമായി പ്രമേയം പാസാക്കിയിരുന്നു. തുടർന്ന് കേന്ദ്രസർക്കാർ നടപടികൾ ആരംഭിക്കുകയും 2026ൽ പേരുമാറ്റത്തിനുള്ള ബിൽ പാർലമെന്റിൽ അവതരിപ്പിക്കുകയുമായിരുന്നു.
