BREAKING NEWS

14, 11 വയസ്സുള്ള കുട്ടികളോട് പിതൃസഹോദരൻ ചെയ്തത് കൊടുംക്രൂരത; ആലപ്പുഴയിലെത്തിച്ച് ഭിക്ഷാടനം; ആവശ്യപ്പെട്ട തുക ലഭിച്ചില്ലെങ്കിൽ ക്രൂരമർദ്ദനം; ഭക്ഷണവും നൽകില്ല; കൈയ്യോടെ പൊക്കി പോലീസ്

· · 1 min read
Share: Copied!

ഹരിപ്പാട്: തമിഴ്നാട്ടിൽനിന്ന് രണ്ട് കുട്ടികളെ ആലപ്പുഴയിലെത്തി ഭിക്ഷാടനത്തിന് നിർബന്ധിക്കുകയും ക്രൂരമായി പീഡിപ്പിക്കുകയും ചെയ്ത കേസിൽ പിതൃസഹോദരൻ അറസ്റ്റിൽ. തമിഴ്നാട് തൂത്തുക്കുടി കാമരാജ് നഗർ സ്വദേശിയായ അന്തോണി (31)യെയാണ് ഹരിപ്പാട് പൊലീസ് പിടികൂടിയത്.

അന്തോണിയുടെ സഹോദരന്റെ മക്കളായ മഹാരാജ് (14), ചിലമ്പരശൻ (11) എന്നിവരെയാണ് തൂത്തുക്കുടിയിൽനിന്ന് ഹരിപ്പാട്ടിലേക്ക് കൊണ്ടുവന്നത്. ദിവസവും ഭിക്ഷയെടുത്ത് നിശ്ചിത തുക കൈമാറാൻ കുട്ടികളെ നിർബന്ധിച്ചിരുന്നുവെന്നാണ് പൊലീസ് കണ്ടെത്തിയത്. ആവശ്യപ്പെട്ട തുക ലഭിക്കാത്ത ദിവസങ്ങളിൽ ഇരുവരെയും മർദിക്കുന്നത് പതിവായിരുന്നുവെന്നും ആവശ്യത്തിന് ഭക്ഷണം പോലും നൽകാതിരുന്നതായും അന്വേഷണത്തിൽ വ്യക്തമായി.

തുടർച്ചയായ പീഡനം സഹിക്കാനാകാതെ മഹാരാജ് സംഘം താമസിച്ചിരുന്ന സ്ഥലത്തുനിന്ന് രക്ഷപ്പെട്ട് ഹരിപ്പാട് റെയിൽവേ സ്റ്റേഷനിലെത്തുകയായിരുന്നു. പരിഭ്രാന്തനായി അലഞ്ഞുനടന്ന കുട്ടിയെ നാട്ടുകാർ കണ്ടെത്തി പൊലീസിന് കൈമാറി. തുടർന്ന് ചൈൽഡ് വെൽഫെയർ സംവിധാനങ്ങളുടെ നിർദേശപ്രകാരം കുട്ടിയെ താൽക്കാലിക സംരക്ഷണത്തിനായി ബാലഭവനിലേക്ക് മാറ്റി.

സംഭവം പുറത്തറിഞ്ഞതോടെ മൊബൈൽ ഫോൺ സ്വിച്ച് ഓഫ് ചെയ്ത് അന്തോണി ഒളിവിൽ പോയിരുന്നു. ഇതോടെ പ്രത്യേക അന്വേഷണസംഘം രൂപീകരിച്ച് പൊലീസ് തിരച്ചിൽ ശക്തമാക്കി. അന്വേഷണത്തിനിടെ പ്രതിക്കൊപ്പമുണ്ടായിരുന്ന ചിലരിൽനിന്ന് ലഭിച്ച വിവരങ്ങളുടെ അടിസ്ഥാനത്തിൽ നടത്തിയ പരിശോധനയിലാണ് തട്ടാരമ്പലം ഭാഗത്തുനിന്ന് അന്തോണിയെ പിടികൂടിയത്.

അറസ്റ്റിനിടെ മറ്റൊരു ബാലനായ ചിലമ്പരശനെയും പൊലീസ് കണ്ടെത്തി സുരക്ഷിതമായി ഏറ്റെടുത്തു. കുട്ടികളുടെ മൊഴിയും മറ്റ് തെളിവുകളും ശേഖരിച്ച ശേഷമാണ് പ്രതിക്കെതിരെ കേസ് രജിസ്റ്റർ ചെയ്തത്.

സംഭവത്തിൽ ജുവനൈൽ ജസ്റ്റിസ് നിയമപ്രകാരവും കുട്ടികളെ ചൂഷണം ചെയ്തതിനുമായി ജുവനൈൽ ജസ്റ്റിസ് ആക്ട് പ്രകാരം കേസെടുത്തതായി പൊലീസ് അറിയിച്ചു. കുട്ടികളെ ഭിക്ഷാടനത്തിനായി ഉപയോഗിക്കുന്ന സംഘങ്ങളെക്കുറിച്ചും അന്വേഷണം വ്യാപിപ്പിച്ചിരിക്കുകയാണ്.

“എന്റെ പേരും ചിത്രവും ഉപയോഗിച്ച് വ്യാജ പ്രചാരണം നടത്തുന്നു, തന്റെ സത്‌പേരിനും സാമൂഹിക പ്രതിച്ഛായക്കും കടുത്ത രീതിയില്‍ ദോഷം സംഭവിച്ചു”, പിഎസ്‌സി ചോദ്യപേപ്പര്‍ ചോര്‍ത്തി പാസായെന്ന പച്ചക്കള്ളം വരെ പ്രചരിപ്പിക്കുന്നു, പൊലീസ് പരാതിയുമായി എസ് എഫ് ഐ നേതാവ് ശിവപ്രസാദ്.

 

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026