BREAKING NEWS

മൂവാറ്റുപുഴയാറിൽ നിർധന കുടുംബത്തിന്റെ കൂട്ട ആത്മഹത്യ; മൂത്ത കുട്ടി ഹന്ന മോളുടെ മൃതദേഹവും കണ്ടെടുത്തു; ദാരിദ്ര്യത്തെ തുടര്‍ന്നുളള കടുംകൈ

· · 1 min read
Share: Copied!

കോതമംഗലം: പിറവത്ത് അമ്മയും അച്ഛനും രണ്ട് മക്കളും ജീവനൊടുക്കിയെന്ന ദുരന്തവാർത്ത ഞെട്ടലോടെയാണ് കോതമംഗലം പൊലീസ് ഏറ്റുവാങ്ങിയത്. ജീവിതത്തിലേക്ക് തിരിച്ചെത്തിക്കാൻ എല്ലാ ശ്രമങ്ങളും നടത്തിയിരുന്ന കുടുംബമാണ് ഒടുവിൽ മരണം തിരഞ്ഞെടുത്തതെന്ന് വേദനയോടെ ഓർക്കുകയാണ് കോതമംഗലം എസ്‌എച്ച്ഒ കെ.ആർ. പ്രശാന്ത് കുമാർ.

ഒന്നര ആഴ്ച മുമ്പാണ് കുടുംബം താമസിക്കാൻ ഇടമില്ലാത്ത സാഹചര്യത്തിൽ പോലീസിനെ സമീപിച്ചത്. എറണാകുളം റൂറൽ ജില്ലാ പൊലീസ് മേധാവിയുടെ നിർദേശത്തെ തുടർന്ന് കുടുംബത്തിന്റെ സ്ഥിതി നേരിട്ട് മനസ്സിലാക്കിയ പൊലീസ്, ഉടൻ തന്നെ സഹായങ്ങൾ ഒരുക്കുകയായിരുന്നു.

ആദ്യം കുടുംബത്തെ സുരക്ഷിത കേന്ദ്രത്തിൽ താമസിപ്പിക്കാൻ ശ്രമിച്ചെങ്കിലും അവിടെ സ്ത്രീകൾക്ക് മാത്രമായിരുന്നു സൗകര്യം. കാഴ്ചപരിമിതിയുള്ള ബിജിമോളും ഭർത്താവും രണ്ട് മക്കളും ഒരുമിച്ച് കഴിയേണ്ട സാഹചര്യം പരിഗണിച്ചാണ് കോതമംഗലത്തെ ഒരു ലോഡ്ജിൽ മുറിയെടുത്ത് നൽകിയത്. ഭക്ഷണവും വസ്ത്രങ്ങളും ഉൾപ്പെടെയുള്ള അടിസ്ഥാന ആവശ്യങ്ങളും പൊലീസ് തന്നെ ഏറ്റെടുത്തിരുന്നു.

അതേസമയം, കുടുംബത്തിന് സ്ഥിരമായി താമസിക്കാനാകുന്ന ഒരു വാടകവീട് കണ്ടെത്താനുള്ള ശ്രമവും തുടർന്നു. മൂന്ന്-നാല് വീടുകൾ പരിശോധിച്ചശേഷമാണ് നെല്ലിക്കുഴിയിൽ ഒരു വീട് കണ്ടെത്തിയത്. വീട് നേരിൽ കണ്ട് കുടുംബം തൃപ്തി അറിയിക്കുകയും അവിടേക്ക് താമസം മാറാൻ സമ്മതിക്കുകയും ചെയ്തിരുന്നുവെന്ന് എസ്‌എച്ച്ഒ പറഞ്ഞു.

പുതിയ വീട്ടിലേക്ക് മാറേണ്ട ദിവസം രാവിലെ ആവശ്യമായ വീട്ടുപകരണങ്ങളുമായി പൊലീസ് ലോഡ്ജിലെത്തിയപ്പോൾ കുടുംബം പള്ളിയിൽ പോകുകയാണെന്ന് പറഞ്ഞ് നേരത്തെ തന്നെ പുറത്തുപോയതായി അറിഞ്ഞു. പിന്നീട് കേട്ടത് അവരുടെ മരണവാർത്തയായിരുന്നു.

കുടുംബത്തിന് ഒരു മൊബൈൽ ഫോൺ വാങ്ങി നൽകാനും പൊലീസ് തീരുമാനിച്ചിരുന്നു. ആധാർ കാർഡ് കൊണ്ടുവന്നാൽ പുതിയ സിം എടുത്ത് ഫോൺ നൽകാമെന്നും, എന്തെങ്കിലും ആവശ്യമുണ്ടായാൽ നേരിട്ട് ബന്ധപ്പെടാമെന്നും അവരോട് പറഞ്ഞിരുന്നുവെന്ന് പ്രശാന്ത് കുമാർ ഓർക്കുന്നു.

വൈകീട്ട് പൊലീസ് ഗ്രൂപ്പിൽ പിറവത്ത് കണ്ടെത്തിയ സ്ത്രീയുടെയും കുട്ടിയുടെയും മൃതദേഹങ്ങളുടെ ചിത്രം കണ്ടപ്പോൾ സംശയം തോന്നി വിളിച്ചന്വേഷിച്ചപ്പോഴാണ് അത് തങ്ങൾ സഹായിച്ചിരുന്ന കുടുംബമാണെന്ന് തിരിച്ചറിഞ്ഞത്.

സ്റ്റേഷനിലെ പിആർഒയും ഡ്രൈവറും ഉൾപ്പെടെ നിരവധി പൊലീസുകാർ വ്യക്തിപരമായി ഇടപെട്ട് ഈ കുടുംബത്തിന് വീട് കണ്ടെത്താനും മറ്റ് സഹായങ്ങൾ ഒരുക്കാനും പരിശ്രമിച്ചിരുന്നുവെന്നും, ഒടുവിൽ ഇത്തരമൊരു ദുരന്തവാർത്ത കേൾക്കേണ്ടിവന്നത് എല്ലാവരെയും ആഴത്തിൽ വേദനിപ്പിച്ചുവെന്നും എസ്‌എച്ച്ഒ കെ.ആർ. പ്രശാന്ത് കുമാർ പറഞ്ഞു.

‘താല്ക്കാലികമായി ഒരു ലോഡ്ജിൽ താമസിപ്പിച്ചിക്കുകയായിരുന്നു; വാടകവീട്ടിലേക്ക് മാറ്റാനിരുന്നതാണ്; ഫോണും നല്കാൻ പ്ലാനിട്ടിരുന്നു; പുതിയൊരു ജീവിതത്തിലേയ്ക്ക് കൈപിടിച്ചു നടത്താൻ ശ്രമിച്ചു; പക്ഷേ, അവര് പോയി‘: മൂവാറ്റുപുഴയാറിൽ മരിച്ച നിലയിൽ കണ്ടെത്തിയ കുടുംബത്തെക്കുറിച്ച് കോതമം​ഗലം എസ്എച്ച്ഒ

BREAKING NEWS
'ഒരു വർഷം സ്വർണം വാങ്ങരുതെന്ന് പറഞ്ഞു, ജനങ്ങൾ അനുസരിച്ചു; വിലയും കുറഞ്ഞു; മോദിജി, അങ്ങ് പറഞ്ഞതനുസരിച്ച് ഞങ്ങൾ സ്വർണം വാങ്ങിയില്ല; അതിലൂടെ പണം ലാഭിക്കാൻ കഴിഞ്ഞു'എന്ന് പലരും ഇപ്പോൾ എന്നോട് പറയുന്നുണ്ട്'; പ്രധാനമന്ത്രി മോദി
21 Nov 2026
BREAKING NEWS
അഭിറാമിന്റെ തലയ്ക്കടിച്ച തേങ്ങ കണ്ടെത്തി... പ്രതിക്ക് പ്രായത്തിന്റെ ആനുകൂല്യം നൽകി ജാമ്യം നൽകരുത്, 17 കാരന് പ്രായപൂർത്തിയായ ഒരു കുറ്റവാളിക്ക് സമാനമായ മാനസീകാവസ്ഥ, കൗൺസിലിംഗ് നടത്തിയ ഡോക്ടർമാർ, വിചാരണ നേരിടുന്നതിന് യാതൊരുവിധ മാനസിക തടസങ്ങളുമില്ല- മെഡിക്കൽ ബോർഡ്... ജാമ്യാപേക്ഷ തള്ളി ജുവനൈൽ ജസ്റ്റിസ...
21 Nov 2026
BREAKING NEWS
വൈദ്യുതി മ​ന്ത്രി പങ്കെടുത്ത പരിപാടിക്കിടെ അറ്റകുറ്റപ്പണികൾക്കായി ലൈൻ ഓഫ് ചെയ്തു, മു​ൻ​കൂ​ട്ടി അ​റി​യി​ക്കാ​തെ വൈ​ദ്യു​തി വി​ച്ഛേ​ദി​ച്ച​തി​ന് പി​ന്നി​ൽ ദു​രു​ദ്ദേ​ശ്യ​മു​ണ്ടെന്ന സംശയമുന്നയിച്ച് എംഎൽഎ ടി.​ഒ.​ മോ​ഹ​ന​ൻ- കെ​എ​സ്ഇ​ബി സ​ബ് എ​ൻ​ജി​നീ​യ​ർ​ക്ക് സ​സ്പെ​ൻ​ഷ​ൻ
21 Nov 2026
BREAKING NEWS
എന്താണ് കേരളത്തിൽ നടക്കുന്നത്? 6 മാസം കൊണ്ട് 'ടീം യുഡിഎഫ്' പൂർണമായും തകർന്നു തരിപ്പണമായി, മന്ത്രിസഭായോഗത്തിൽ കോൺഗ്രസ് മന്ത്രിമാർ തമ്മിലും ഘടകകക്ഷി നേതാക്കളും മുഖ്യമന്ത്രിയുമായി മണിക്കൂറുകൾ നീണ്ടുനിൽക്കുന്ന ഏറ്റുമുട്ടലുകൾ, അഴിമതി നടത്താനുള്ള ത്വരയാണ് എല്ലാവരിലും, ഗ്രൂപ്പ് പ്രശ്നങ്ങളും തമ്മിലടിയും ...
21 Nov 2026