BREAKING NEWS

ലോറി നിയന്ത്രണംവിട്ട് വീടിന് മുകളിലേക്ക് മറിഞ്ഞു, ഡ്രൈവര്‍ക്ക് ദാരുണാന്ത്യം, വീടിന്റെ അടുക്കള പൂർണ്ണമായി തകർന്നു

· · 1 min read
Share: Copied!

കാഞ്ഞങ്ങാട്: ചെങ്കല്ല് കയറ്റിവന്ന ടിപ്പർ ലോറി നിയന്ത്രണംവിട്ട് റോഡിന് താഴെയുള്ള വീടിന് മുകളിലേക്ക് മറിഞ്ഞ് ഡ്രൈവർക്ക് ദാരുണാന്ത്യം. ചായ്യോം സ്വദേശി സാദിഖ് (37) ആണ് മരിച്ചത്. ശനിയാഴ്ച രാവിലെ എട്ടുമണിയോടെ കാഞ്ഞിരപ്പെയിൽ കുളങ്ങാട് കാലിക്കടവിലാണ് അപകടം. കുളങ്ങാട് കാലിക്കടവിലെ പി. ഗോപാലന്റെ വീടിന് മുകളിലേക്കാണ് ഭാരമേറിയ ടിപ്പർ ലോറി തലകീഴായി പതിച്ചത്. ഇടിയുടെ ആഘാതത്തിൽ വീടിന്റെ അടുക്കള ഭാഗം പൂർണ്ണമായും തകർന്നു തരിപ്പണമായി.

കുളങ്ങാട്ടുനിന്ന് ചെങ്കല്ല് കയറ്റി പരേളം കാലിക്കടവ് ഭാഗത്തേക്ക് പോവുകയായിരുന്നു ടിപ്പർ ലോറി. ഇടുങ്ങിയ റോഡിലൂടെ പോകുന്നതിനിടെ റോഡിന്റെ ഒരു ഭാഗത്തെ അരിക് പെട്ടെന്ന് ഇടിഞ്ഞുതാഴുകയായിരുന്നു. ഇതോടെ നിയന്ത്രണം നഷ്ടപ്പെട്ട വാഹനം താഴത്തെ നിരപ്പിലുള്ള വീടിന്റെ മേൽക്കൂരയിലേക്ക് മലക്കം മറിഞ്ഞ് വീഴുകയായിരുന്നു. ഗുരുതരമായി പരിക്കേറ്റ ഡ്രൈവർ സാദിഖിനെ ഉടൻതന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.

വലിയ ശബ്ദത്തോടെ ലോറി വീടിന് മുകളിലേക്ക് പതിക്കുമ്പോൾ വീടിന്റെ അടുക്കള ഭാഗത്ത് വീട്ടുകാർ ആരും തന്നെ ഉണ്ടായിരുന്നില്ല. അതിനാൽ മാത്രമാണ് വീട്ടിലുള്ളവർ പരിക്കേൽക്കാതെ അത്ഭുതകരമായി രക്ഷപ്പെട്ടതും വലിയൊരു ദുരന്തം ഒഴിവായതും. അപകടത്തെ തുടർന്ന് നാട്ടുകാരും പൊലീസും സ്ഥലത്തെത്തി രക്ഷാപ്രവർത്തനം നടത്തി. മൃതദേഹം പോസ്റ്റ്‌മോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റി.

 

BREAKING NEWS
കുഞ്ഞ് കരഞ്ഞത് ഇഷ്ടപ്പെട്ടില്ല, കുട്ടിയെ പിടിച്ചുവലിച്ച് മുഖം തറയില്‍ അടിച്ചു, രണ്ടാമത്തെ അടിയോടെ അനക്കം ഇല്ലാതായി, തടയാന്‍ ശ്രമിച്ച മൂത്തമകളെയും മര്‍ദിച്ചു, ഒന്നരവയസുകാരിയുടെ കൊലപാതകത്തില്‍ കൂടുതല്‍ വിവരങ്ങള്‍ പുറത്ത്
16 Nov 2026
BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026
BREAKING NEWS
മാർക്കറ്റ് ഗേറ്റ് ചാടിക്കടന്ന് അടക്ക മോഷണം; 3.64 ലക്ഷം രൂപയുടെ 16 ചാക്ക് കവർന്ന പ്രായപൂർത്തിയാകാത്ത രണ്ടുപേരടക്കം അഞ്ചംഗ സംഘം പിടിയിൽ
16 Nov 2026