BREAKING NEWS

‘യാതൊരു കാരണവശാലും ചരക്ക് കപ്പലുകൾക്കോ നാവികർക്കോ നേരെ ആക്രമണം ഉണ്ടാകരുത്; അത്തരം നീക്കങ്ങളെ ഇന്ത്യ ശക്തമായി അപലപിക്കുന്നു; നയതന്ത്ര ചർച്ചകൾക്ക് ഇന്ത്യയുടെ പിന്തുണയുണ്ടാകും‘- ഇറാൻ വിദേശകാര്യ മന്ത്രിയെ ഫോണിൽ വിളിച്ച് എസ്. ജയശങ്കർ

· · 1 min read
Share: Copied!

ന്യൂഡൽഹി: പശ്ചിമേഷ്യയിൽ തുടരുന്ന സംഘർഷങ്ങളിലും ചരക്ക് കപ്പലുകൾക്കും നാവികർക്കും നേരെയുണ്ടാകുന്ന ആക്രമണങ്ങളിലും കടുത്ത ആശങ്ക രേഖപ്പെടുത്തി ഇന്ത്യ. വിദേശകാര്യ മന്ത്രി എസ്. ജയശങ്കർ ഇറാൻ വിദേശകാര്യ മന്ത്രി സയ്യിദ് അബ്ബാസ് അരാഗ്ചിയുമായി ഫോണിൽ സംസാരിച്ച് ഇന്ത്യയുടെ നിലപാട് വ്യക്തമാക്കി.

ചരക്ക് കപ്പലുകൾക്കും നാവികർക്കും നേരെ ഏത് ഭാഗത്തുനിന്നുണ്ടാകുന്ന ആക്രമണങ്ങളെയും ഇന്ത്യ ശക്തമായി അപലപിക്കുന്നതായി ജയശങ്കർ വ്യക്തമാക്കി. മേഖലയിലെ പ്രശ്നങ്ങൾ പരിഹരിക്കാൻ നയതന്ത്ര ചർച്ചകൾക്കാണ് ഇന്ത്യ എപ്പോഴും പിന്തുണ നൽകുന്നതെന്നും അദ്ദേഹം പറഞ്ഞു.

‘മേഖലയിലെ നിലവിലെ സംഘർഷങ്ങളിൽ ഇന്ത്യയുടെ കടുത്ത ആശങ്ക അറിയിച്ചു. യാതൊരു കാരണവശാലും ചരക്ക് കപ്പലുകൾക്കോ നാവികർക്കോ നേരെ ആക്രമണം ഉണ്ടാകരുത്. ഏത് രാജ്യത്തിന്റെ ഭാഗത്തുനിന്നുണ്ടാകുന്ന ഇത്തരം നീക്കങ്ങളെയും ഇന്ത്യ ശക്തമായി അപലപിക്കുന്നു’, ജയശങ്കർ എക്സിൽ കുറിച്ചു.

സമുദ്രപാതകളിൽ മിസൈൽ, ഡ്രോൺ ആക്രമണങ്ങൾ ശക്തമായതോടെ നിരവധി ഇന്ത്യൻ നാവികരുടെ സുരക്ഷയും ആശങ്കയിലായിട്ടുണ്ട്. ചരക്ക് ഗതാഗതത്തിനുള്ള പ്രധാന സമുദ്രപാതകളിലെ സംഘർഷം ഇന്ത്യയ്ക്ക് നയതന്ത്ര, മാനുഷിക തലങ്ങളിൽ വലിയ വെല്ലുവിളിയാണ് ഉയർത്തുന്നത്.

ചരക്ക് കപ്പലുകളുടെ സുരക്ഷ ഉറപ്പാക്കുന്നതിനും മേഖലയിൽ നിരീക്ഷണം ശക്തമാക്കുന്നതിനുമായി യു.എസ്. സെൻട്രൽ കമാൻഡും നാവിക സന്നാഹം ശക്തമാക്കിയിട്ടുണ്ട്. ജൂലൈ 30 വരെയുള്ള കണക്കുകൾ പ്രകാരം 24 വാണിജ്യ കപ്പലുകളുടെ ദിശ തിരിച്ചുവിടുകയും മറ്റ് സുരക്ഷാ നടപടികൾ സ്വീകരിക്കുകയും ചെയ്തതായി യു.എസ്. സൈന്യം അറിയിച്ചു.

അതിനിടെ, ജോർദാനിലെ യു.എസ്. സൈനിക താവളങ്ങൾക്ക് നേരെ ഇറാൻ നടത്തിയ ബാലസ്റ്റിക് മിസൈൽ ആക്രമണത്തിന് പിന്നാലെ അമേരിക്ക തിരിച്ചടി ശക്തമാക്കി. ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സിന്റെ കേന്ദ്രങ്ങളാണ് യു.എസ്. ആക്രമണത്തിൽ ലക്ഷ്യമിട്ടതെന്നാണ് റിപ്പോർട്ട്.

പേർഷ്യൻ ഉൾക്കടലിലെ ദ്വീപുകളിലും ഇറാനിലെ ഹോർമോസ്ഗാൻ, ഖുസെസ്താൻ പ്രവിശ്യകളിലെ എണ്ണ ഉൽപാദന കേന്ദ്രങ്ങൾക്ക് സമീപവും ശക്തമായ സ്ഫോടനങ്ങൾ ഉണ്ടായതായി ഇറാനിയൻ മാധ്യമങ്ങൾ റിപ്പോർട്ട് ചെയ്തു. സംഘർഷം കൂടുതൽ വ്യാപിക്കാനുള്ള സാധ്യത നിലനിൽക്കുന്നതിനിടെ, സമുദ്രപാതകളുടെ സുരക്ഷയിലേക്കാണ് ഇന്ത്യയടക്കമുള്ള രാജ്യങ്ങളുടെ ശ്രദ്ധ.

മഴക്കെടുതി രൂക്ഷം; മൂന്ന് ജില്ലകളിലായി അഞ്ച് മരണം, റാന്നിയിൽ സ്ഥിതി അതീവ ഗുരുതരം

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026