തിരുവനന്തപുരം: തിരുവനന്തപുരം: കേരളം മഴക്കെടുതിയിൽ വളഞ്ഞിരിക്കുന്ന സാഹചര്യത്തിൽ പ്രളയബാധിതപ്രദേശങ്ങൾ സന്ദർശിക്കുക പോലും ചെയ്യാതെ മുഖ്യമന്ത്രി സർക്കാർ ഹെലികോപ്റ്ററിൽ കറങ്ങുകയാണെന്ന വിമർശനങ്ങളിൽ പ്രതികരണവുമായി വിടി ബൽറാം എംഎൽഎ. സർക്കാർ വാടകക്കെടുത്ത ഹെലികോപ്റ്റർ ഏതെങ്കിലും തരത്തിൽ ദുരുപയോഗപ്പെടുത്തുന്നുണ്ടെങ്കിൽ അതിന്റെ പേരിൽ എന്നെ സോഷ്യൽ മീഡിയയിൽ ട്രോളുകയല്ല വേണ്ടത്, നാട്ടിലെ ഔദ്യോഗിക പ്രതിപക്ഷം ഉത്തരവാദബോധത്തോടെ അതിനെതിരെ വിമർശനമുന്നയിക്കുക, സർക്കാരിനെ അക്കൗണ്ടബിൾ ആക്കുക എന്നതാണ്- വിടി ബൽറാം ഫേസ്ബുക്കിൽ കുറിച്ചു.
ഹെലികോപ്റ്റർ വിഷയത്തിൽ ഉത്തരവാദിത്തത്തോടെ വിമർശനമുന്നയിക്കാൻ പ്രതിപക്ഷ നേതാവ് പിണറായി വിജയൻ കടന്നുവരട്ടെ. സർക്കാർ അതിന് മറുപടി നൽകട്ടെ. കാറും ബംഗ്ലാവും പരിവാരങ്ങളുമൊക്കെ അനുവദിച്ച് കാബിനറ്റ് റാങ്കിൽ പ്രതിപക്ഷ നേതാവിനെ വച്ചിരിക്കുന്നത് ഇതിനൊക്കെ വേണ്ടിയാണ്- ബൽറാം പറയുന്നു. മുഖ്യമന്ത്രി വിഡി സതീശന്റെ ഹെലിക്കോപ്റ്റർ യാത്രയെ വിമർശിച്ച് മുൻ മന്ത്രി എംബി രാജേഷ് അടക്കമുള്ളവർ രംഗത്ത് വന്നിരുന്നു. രണ്ടുതവണ വ്യക്തിപരമായ ആവശ്യത്തിന് ഹെലികോപ്റ്റര് പറത്തിയെന്ന് മുന് മന്ത്രി എം ബി രാജേഷ് പറഞ്ഞു.
അതേസമയം മുഖ്യമന്ത്രിയുടെ ഹെലികോപ്റ്റർ യാത്രയെ വിമർശിച്ച് മുൻ മന്ത്രി എം.ബി. രാജേഷ് ഉൾപ്പെടെയുള്ളവർ നേരത്തെ രംഗത്തെത്തിയിരുന്നു. മുഖ്യമന്ത്രിയുടെ ഹെലികോപ്റ്റർ യാത്ര ഔദ്യോഗിക ആവശ്യത്തിനോ പ്രളയദുരിതാശ്വാസ പ്രവർത്തനങ്ങൾക്കോ വേണ്ടിയായിരുന്നില്ലെന്നും വ്യക്തിപരമായ ആവശ്യത്തിനായി രണ്ടുതവണ ഹെലികോപ്റ്റർ ഉപയോഗിച്ചെന്നുമായിരുന്നു എം.ബി. രാജേഷിന്റെ ആരോപണം.
Related Post
‘സർക്കാർ ഹെലികോപ്റ്റർ തിരുവനന്തപുരത്തുനിന്ന് കൊച്ചിയിലേക്ക് പറന്നു. ഒരു തവണയല്ല, പ്രളയദുരിതാശ്വാസത്തിനല്ല, ഔദ്യോഗിക ആവശ്യത്തിനുമല്ല, തികച്ചും വ്യക്തിപരമായ ആവശ്യത്തിനാണ് ഉപയോഗിച്ചത്’ എന്നായിരുന്നു രാജേഷിന്റെ വിമർശനം.
മുൻ മന്ത്രി വി. ശിവൻകുട്ടിയും സംഭവത്തിൽ പരിഹാസവുമായി രംഗത്തെത്തി. മുഖ്യമന്ത്രിയുടെ ഹെലികോപ്റ്റർ യാത്രയെ ‘യു ടേൺ’ എന്നാണ് അദ്ദേഹം വിശേഷിപ്പിച്ചത്.
ഇന്നലെ മുഖ്യമന്ത്രി കൊച്ചിയിലേക്ക് നടത്തിയ ഹെലികോപ്റ്റർ യാത്രയാണ് വിവാദമായത്. ന്യൂമോണിയ ബാധിച്ച് ചികിത്സയിൽ കഴിയുന്ന ഭാര്യാപിതാവിനെ കാണാനാണ് മുഖ്യമന്ത്രി സർക്കാർ ഹെലികോപ്റ്റർ ഉപയോഗിച്ചതെന്നാണ് ഉയർന്ന ആരോപണം.
