BREAKING NEWS

30 ദിവസം ജയിലിലായാൽ 31-ാം ദിനം മന്ത്രി സ്ഥാനം പോകും; പുതിയ ബില്ല് തയ്യാർ; ജൂലായ് 17-ന് സംയുക്ത പാർലമെന്ററി സമിതി അം​ഗീകാരം നേടിയേക്കും

· · 1 min read
Share: Copied!

ന്യൂഡൽഹി: ഗുരുതരമായ ക്രിമിനൽ കേസിൽ അറസ്റ്റിലായി തുടർച്ചയായി 30 ദിവസം കസ്റ്റഡിയിൽ കഴിയുന്ന മന്ത്രിമാരെ പദവിയിൽ നിന്ന് നീക്കാൻ വ്യവസ്ഥ ചെയ്യുന്ന ഭരണഘടനാ ഭേദഗതി ബില്ലിന് സംയുക്ത പാർലമെന്ററി സമിതി (ജെപിസി) അംഗീകാരം നൽകാനൊരുങ്ങുന്നതായി റിപ്പോർട്ട്. ജൂലായ് 20-ന് ആരംഭിക്കാൻ സാധ്യതയുള്ള പാർലമെന്റിന്റെ മൺസൂൺ സമ്മേളനത്തിൽ ബിൽ അവതരിപ്പിക്കുന്നതിന് മുന്നോടിയായാണ് ജെപിസി റിപ്പോർട്ട് സമർപ്പിക്കാൻ നീക്കം. ജൂലായ് 17-ന് ബില്ലിന് സമിതിയുടെ അംഗീകാരം ലഭിച്ചേക്കുമെന്നാണ് സർക്കാർ വൃത്തങ്ങളെ ഉദ്ധരിച്ച് ഇന്ത്യൻ എക്‌സ്പ്രസ് റിപ്പോർട്ട് ചെയ്യുന്നത്.

ഭരണഘടനയുടെ 130-ാം ഭേദഗതി ബിൽ, 2025 പ്രകാരം പ്രധാനമന്ത്രി, മുഖ്യമന്ത്രിമാർ, കേന്ദ്ര-സംസ്ഥാന മന്ത്രിമാർ എന്നിവർ അഞ്ച് വർഷമോ അതിൽ കൂടുതലോ ശിക്ഷ ലഭിക്കാവുന്ന കുറ്റകൃത്യത്തിൽ പ്രതിയായി അറസ്റ്റിലായി തുടർച്ചയായി 30 ദിവസം കസ്റ്റഡിയിൽ കഴിയുകയാണെങ്കിൽ മന്ത്രിസ്ഥാനത്ത് തുടരാനാവില്ല. പ്രധാനമന്ത്രിയുടെയോ മുഖ്യമന്ത്രിയുടെയോ ഉപദേശപ്രകാരം രാഷ്ട്രപതിക്കോ ഗവർണർക്കോ നടപടിയെടുക്കാനാകും. അത്തരം നടപടി ഉണ്ടായില്ലെങ്കിലും 31-ാം ദിവസം മുതൽ മന്ത്രിസ്ഥാനം നഷ്ടമാകുന്ന തരത്തിലാണ് ബില്ലിലെ വ്യവസ്ഥ. പ്രധാനമന്ത്രിയുടെയോ മുഖ്യമന്ത്രിയുടെയോ കാര്യത്തിൽ രാഷ്ട്രപതിയോ ബന്ധപ്പെട്ട ഗവർണറോ തീരുമാനമെടുക്കും.

കേന്ദ്ര ആഭ്യന്തര മന്ത്രി അമിത് ഷായാണ് കഴിഞ്ഞ വർഷം ബിൽ പാർലമെന്റിൽ അവതരിപ്പിച്ചത്. തുടർന്ന് ബിജെപി എംപി അപരാജിത സാരംഗിയുടെ അധ്യക്ഷതയിൽ 31 അംഗ സംയുക്ത പാർലമെന്ററി സമിതി രൂപീകരിച്ച് ബിൽ വിശദമായി പരിശോധിക്കാൻ തീരുമാനിക്കുകയായിരുന്നു.

എന്നാൽ ബില്ലിനെതിരെ പ്രതിപക്ഷം ശക്തമായ എതിർപ്പാണ് ഉയർത്തുന്നത്. ശിക്ഷ വിധിക്കപ്പെടുന്നതിന് മുമ്പ്, കസ്റ്റഡിയുടെ അടിസ്ഥാനത്തിൽ മാത്രം ജനപ്രതിനിധികളെ സ്ഥാനത്തുനിന്ന് നീക്കുന്നത് ജനാധിപത്യത്തിനും ഫെഡറൽ സംവിധാനത്തിനും വിരുദ്ധമാണെന്നാണ് പ്രതിപക്ഷത്തിന്റെ ആരോപണം. രാഷ്ട്രീയ എതിരാളികളെ ലക്ഷ്യമിട്ട് നിയമം ദുരുപയോഗം ചെയ്യപ്പെടാൻ സാധ്യതയുണ്ടെന്നും പ്രതിപക്ഷം ചൂണ്ടിക്കാട്ടുന്നു.

അതേസമയം, ഗുരുതരമായ കേസുകളിൽ പ്രതികളാകുന്ന പൊതുപ്രതിനിധികൾ അധികാരത്തിൽ തുടരുന്നത് ഒഴിവാക്കുകയാണ് ബില്ലിന്റെ ലക്ഷ്യമെന്നാണ് ഭരണപക്ഷത്തിന്റെ നിലപാട്. കസ്റ്റഡിയിലായ വ്യക്തിക്ക് 30 ദിവസത്തിനിടെ ഒന്നിലധികം തവണ ജാമ്യത്തിനായി കോടതിയെ സമീപിക്കാനുള്ള അവസരമുണ്ടെന്നും അതിനാൽ നീതിന്യായ നടപടികളെ ബിൽ ലംഘിക്കുന്നില്ലെന്നും അവർ വാദിക്കുന്നു.

പ്രതിപക്ഷ അംഗങ്ങളുടെ വിയോജനക്കുറിപ്പോടെയായിരിക്കും ജെപിസി റിപ്പോർട്ട് സമർപ്പിക്കുകയെന്നാണ് സൂചന. സമിതിയിൽ എൻഡിഎ അംഗങ്ങൾക്ക് ഭൂരിപക്ഷമുള്ളതിനാൽ ബില്ലിന് അംഗീകാരം ലഭിക്കുമെന്ന വിലയിരുത്തലാണ് രാഷ്ട്രീയ വൃത്തങ്ങളിൽ ഉയരുന്നത്.

 

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026