അടൂർ: സംസ്ഥാനത്തെ വൈദ്യുതി പ്രതിസന്ധിയുമായി ബന്ധപ്പെട്ട വിവാദങ്ങൾ കത്തിനിൽക്കെ കൈകഴുകാതെയുള്ള മീൻപിടുത്തം തുടർക്കഥയാകുന്നു. പത്തനംതിട്ട ജില്ലയിൽ അടൂർ വൈദ്യുതി സെക്‌ഷനിലെ ഫ്യൂസ് അജ്ഞാതർ ഊരിയതിനെ തുടർന്ന് വൈദ്യുതി തടസപ്പെട്ടു. പന്നിവിഴ നെടുംകുളഞ്ഞി ട്രാൻസ്ഫോമറിലെ രണ്ട് ഫ്യൂസുകളാണ് അജ്ഞാതർ ഊരി മാറ്റിയത്.
കഴിഞ്ഞ ദിവസം രാത്രി 12നാണ് സംഭവം. നെടുംകുളഞ്ഞി ഭാഗത്ത് വൈദ്യുതി മുടങ്ങിയതായി ഒരു ഉപഭോക്താവ് വിളിച്ചറിയിച്ചതനുസരിച്ച് ജീവനക്കാർ നടത്തിയ പരിശോധനയിലാണ് ഫ്യൂസ് മണ്ണിൽ ഊരിയിട്ടിരിക്കുന്നത് കണ്ടത്. ഇതേത്തുടർന്ന് ഈ ഭാഗത്ത് ഒരു മണിക്കൂറോളം വൈദ്യുതി മുടങ്ങി. സംഭവത്തിൽ കെഎസ്ഇബി അധികൃതർ പോലീസിൽ പരാതി നൽകി. അതേസമയം ചിലർ മനഃപൂർവം വൈദ്യുതി മുടക്കുന്നുണ്ടെന്ന് ശ്രദ്ധയിൽപ്പെട്ടിട്ടുണ്ടെന്നും ഇക്കാര്യത്തിൽ കർശന നടപടിയുണ്ടാകുമെന്നും മുഖ്യമന്ത്രി വി.ഡി.സതീശൻ നേരത്തേ പറഞ്ഞിരുന്നു.
