തിരുവനന്തപുരം: തുടർച്ചയായ വിലയിടിവിന് പിന്നാലെ കേരളത്തിലെ സ്വർണവിലയിൽ ഉച്ചയോടെ വീണ്ടും കുതിപ്പ്. രാവിലെ താഴ്ന്ന നിരക്കിൽ വ്യാപാരം തുടങ്ങിയ സ്വർണവിലയാണ് ഉച്ചയ്ക്ക് ശേഷം പവന് 960 രൂപ ഉയർന്നത്. 22 കാരറ്റ് സ്വർണത്തിന് ഗ്രാമിന് 120 രൂപയാണ് വർധിച്ചത്. ഇതോടെ ഒരു ഗ്രാം സ്വർണത്തിന്റെ വില 14,770 രൂപയും ഒരു പവന്റെ വില 1,18,160 രൂപയുമായി. കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷനാണ് നിരക്ക് വ്യക്തമാക്കിയത്.
രാവിലെ ഒരു ഗ്രാം സ്വർണത്തിന് 14,650 രൂപയും ഒരു പവന് 1,17,200 രൂപയുമായിരുന്നു വില. ഉച്ചയോടെ ഗ്രാമിന് 120 രൂപയും പവന് 960 രൂപയും വർധിച്ചതോടെ ഒറ്റ ദിവസം തന്നെ വിലയിൽ വലിയ മാറ്റമാണ് രേഖപ്പെടുത്തിയത്. കഴിഞ്ഞ ദിവസങ്ങളിലെ കുത്തനെയുള്ള ഇടിവിന് പിന്നാലെയാണ് സ്വർണവില വീണ്ടും ഉയർന്നത്.
അതേസമയം, സംസ്ഥാനത്തെ വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 255 രൂപയും 10 ഗ്രാം വെള്ളിക്ക് 2,550 രൂപയുമാണ് നിലവിലെ വില.
കഴിഞ്ഞ പത്ത് ദിവസത്തെ സ്വർണവില പരിശോധിച്ചാൽ ഓഗസ്റ്റ് 28ന് രാവിലെ പവന് 1,17,200 രൂപയായിരുന്ന വില ഉച്ചയോടെ 1,18,160 രൂപയായി. ഓഗസ്റ്റ് 27ന് രാവിലെ 1,19,520 രൂപയായിരുന്ന വില ഉച്ചയ്ക്ക് 1,17,800 രൂപയായി കുറഞ്ഞിരുന്നു. ഓഗസ്റ്റ് 26നും 25നും 1,20,080 രൂപയായിരുന്നു പവന്റെ വില. ഓഗസ്റ്റ് 24ന് 1,02,240 രൂപയും ഓഗസ്റ്റ് 23നും 22നും 1,19,600 രൂപയുമായിരുന്നു. ഓഗസ്റ്റ് 21ന് 1,17,680 രൂപയും 20ന് 1,16,800 രൂപയും 19ന് 1,13,640 രൂപയും 18ന് 1,14,320 രൂപയുമായിരുന്നു കഴിഞ്ഞ പത്ത് ദിവസത്തെ നിരക്കുകൾ.
