BREAKING NEWS

ക്ഷേമ പെൻഷൻ വീട്ടിലെത്തില്ല; കിടപ്പുരോഗികൾക്ക് മാത്രം നേരിട്ട് കൈകളിലെത്തിക്കും, മറ്റുള്ളവർക്ക് ബാങ്ക് അക്കൗണ്ടിലേക്ക്; എതിർപ്പ് ഉയരുന്നു

· · 1 min read
Share: Copied!

തിരുവനന്തപുരം: സാമൂഹിക സുരക്ഷാ പെൻഷൻ സഹകരണ ബാങ്കുകൾ വഴി വീടുകളിലെത്തിക്കുന്ന നിലവിലെ സംവിധാനത്തിൽ മാറ്റം വരുത്താൻ സംസ്ഥാന സർക്കാർ തത്വത്തിൽ തീരുമാനിച്ചു. കിടപ്പുരോഗികൾക്ക് മാത്രമായി വീടുകളിലെ വിതരണം പരിമിതപ്പെടുത്തി, മറ്റെല്ലാ ഗുണഭോക്താക്കൾക്കും ആധാർ ബന്ധിപ്പിച്ച ബാങ്ക് അക്കൗണ്ടിലൂടെ പെൻഷൻ നൽകാനാണ് തീരുമാനം. പുതിയ സംവിധാനം എപ്പോൾ മുതൽ പ്രാബല്യത്തിൽ വരുമെന്ന് സർക്കാർ വ്യക്തമാക്കിയിട്ടില്ല.

2016 മുതൽ ആവശ്യപ്പെടുന്നവർക്ക് പ്രാഥമിക സഹകരണ ബാങ്കുകൾ വഴി വീടുകളിലെത്തിച്ചിരുന്ന പെൻഷൻ സംവിധാനമാണ് ഇപ്പോൾ പുനഃസംഘടിപ്പിക്കുന്നത്. സംസ്ഥാനത്തെ 52 ലക്ഷത്തോളം പെൻഷൻ ഗുണഭോക്താക്കളിൽ ഏകദേശം 23 ലക്ഷം പേരാണ് നിലവിൽ വീടുകളിലെത്തുന്ന സേവനം ഉപയോഗിക്കുന്നത്. പുതിയ തീരുമാനം ഇവരിൽ വലിയൊരു വിഭാഗത്തെ ബാധിക്കുമെന്നാണ് വിലയിരുത്തൽ.

കിടപ്പുരോഗികൾക്ക് പുറമേ അംഗപരിമിതർ, അവശർ, പ്രായമായവർ, വിശ്വസ്തരായ സഹായികൾ ഇല്ലാത്തവർ, ബാങ്ക് അല്ലെങ്കിൽ എടിഎം സൗകര്യം സമീപത്ത് ഇല്ലാത്തവർ എന്നിവർക്കും നിലവിലെ സംവിധാനം വലിയ ആശ്വാസമായിരുന്നു. മാറ്റം നടപ്പായാൽ ഇവർ ബാങ്കുകളെയോ എടിഎമ്മുകളെയോ ആശ്രയിക്കേണ്ട സാഹചര്യമുണ്ടാകും.

നിലവിൽ ഒരാൾക്ക് പെൻഷൻ വീടുകളിലെത്തിക്കുമ്പോൾ ഏജന്റിന് 25 രൂപയും സംഘത്തിന് അഞ്ച് രൂപയും സർക്കാർ ഇൻസെന്റീവായി നൽകുന്നുണ്ട്. 1,625 സംഘങ്ങളിലായി പ്രവർത്തിക്കുന്ന അയ്യായിരത്തോളം ഏജന്റുമാർക്ക് പുതിയ തീരുമാനം വരുമാനനഷ്ടമുണ്ടാക്കും.

അതേസമയം, ആധാർ അധിഷ്ഠിത ബാങ്ക് അക്കൗണ്ടിലൂടെ വിതരണം നടത്തുന്നതിലൂടെ അനർഹരും മരിച്ചുപോയവരുടെ പേരിലും പെൻഷൻ കൈപ്പറ്റുന്നത് തടയാനാകുമെന്നാണ് സർക്കാരിന്റെ വിലയിരുത്തൽ. കൂടാതെ, കേന്ദ്ര സർക്കാരിന്റെ ഡയറക്ട് ബെനിഫിറ്റ് ട്രാൻസ്ഫർ (DBT) മാനദണ്ഡങ്ങളോട് പൊരുത്തപ്പെടാനും, വിതരണം ചെയ്യാതെ ബാക്കി വരുന്ന തുക മടക്കി നൽകുന്നതിലെ കാലതാമസം ഒഴിവാക്കാനും, ഇൻസെന്റീവ് ചെലവ് കുറയ്ക്കാനും പുതിയ സംവിധാനം സഹായിക്കുമെന്നാണ് അധികൃതരുടെ വിശദീകരണം.

 

 

BREAKING NEWS
വ്ലോ​ഗർമാരും നോട്ടപ്പുള്ളികൾ!! മംഗലാപുരം–കാസർകോട് മേഖല കേന്ദ്രീകരിച്ച് കേരളത്തിലേക്ക് അംഗീകാരമില്ലാത്ത സൗന്ദര്യവർധക- ആരോഗ്യ ഉൽപ്പന്നങ്ങളുടെ ഓൺലൈൻ വിൽപന, ഊരും പേരുമില്ലാതെ പാക്കിസ്ഥാൻ വഴിയെത്തുന്ന ഉൽപ്പന്നങ്ങളുടെ ശൃംഖല കണ്ടെത്തി നടപടി സ്വീകരിക്കും... വ്യാജ സൗന്ദര്യവർധക വസ്തുക്കൾക്കെതിരെ കർശന നടപടി...
22 Nov 2026
BREAKING NEWS
തിരക്കേറിയ ന​ഗരത്തിലെ ഓടയിൽ ഒരു മനുഷ്യൻ ജീവനായി നിലവിളിച്ച് കിടന്നത് നാല് ദിവസം!! ഒടുവിൽ അതുവഴി പോയ വഴിയാത്രികർ നേർത്ത ശബ്ദങ്ങളും നിലവിളിയും കേട്ട് ഉറവിടം തിരക്കിയിറങ്ങി... ദിവസങ്ങൾക്കു ശേഷം യുവാവ് ജീവിതത്തിലേക്ക്
22 Nov 2026
BREAKING NEWS
അടുത്തിടെ ബിജെപി ജില്ലാ നേതൃത്വത്തിനെതിരെയുള്ള അതൃപ്തി പ്രകടമാക്കി, പാർട്ടിക്കുള്ളിലെ ആഭ്യന്തര പ്രശ്നങ്ങളെക്കുറിച്ചും രാഷ്ട്രീയ നിലപാടുകളെക്കുറിച്ചും പരസ്യമായി സംസാരിച്ചു... കീടനാശിനി ഉള്ളിൽച്ചെന്ന് എംഎൽഎ രേഖ പത്ര അതീവ ഗുരുതരാവസ്ഥയിൽ വെന്റിലേറ്ററിൽ!! ഭക്ഷ്യവിഷബാധയെന്ന് പാർട്ടി... എംഎൽഎയുടെ ശരീരത്...
22 Nov 2026
BREAKING NEWS
പോപ്കോണിൽ ഉപ്പ് കുറഞ്ഞുപോയതിനെച്ചൊല്ലി കയ്യാങ്കളി, തർക്കം പരിഹരിക്കാനെത്തിയ സിവിൽ പോലീസ് ഓഫീസറുടെ കോളറിനു കുത്തിപ്പിടിച്ചു, കൈകൾ പിടിച്ചുതിരിച്ചു, ഒളിവിൽ പോയ പെട്ടിക്കട തൊഴിലാളിക്കായി അന്വേഷണം
22 Nov 2026