BREAKING NEWS

ഡ്രൈവിങ് ടെസ്റ്റിൽ വൻ മാറ്റം; ഗണേഷ് കുമാറിന്റെ ഉത്തരവ് തിരുത്തി യുഡിഎഫ് സർക്കാർ, സ്ലോട്ടുകളുടെ എണ്ണം വർധിപ്പിച്ചു

· · 1 min read
Share: Copied!

തിരുവനന്തപുരം: ഡ്രൈവിങ് ടെസ്റ്റ് സംബന്ധിച്ച് മുൻ ഗതാഗതമന്ത്രി കെ.ബി. ഗണേഷ് കുമാർ കൊണ്ടുവന്ന തീരുമാനങ്ങളിൽ മാറ്റം വരുത്തി മോട്ടോർ വാഹന വകുപ്പ് പുതിയ സർക്കുലർ പുറത്തിറക്കി. ഡ്രൈവിങ് ടെസ്റ്റുകൾ വൈകുന്നുവെന്ന വ്യാപക പരാതിയെ തുടർന്നാണ് പുതിയ നടപടി.

അടുത്ത മൂന്ന് മാസത്തേക്ക് ആഴ്ചയിൽ അഞ്ച് പ്രവൃത്തി ദിവസങ്ങളിലും ഡ്രൈവിങ് ടെസ്റ്റ് നടത്തും. ടെസ്റ്റിനുള്ള പ്രതിദിന സ്ലോട്ടുകളുടെ എണ്ണം 50 ആയും വർധിപ്പിച്ചു. നടപടികൾ നിരീക്ഷിക്കാൻ ഡെപ്യൂട്ടി ട്രാൻസ്പോർട്ട് കമ്മീഷണറെ ചുമതലപ്പെടുത്തിയിട്ടുണ്ട്.

പുതിയ ക്രമീകരണമനുസരിച്ച് 50 സ്ലോട്ടുകളിൽ 28 എണ്ണം പുതിയ ഡ്രൈവിങ് ലൈസൻസ് പരീക്ഷയ്ക്കും 20 എണ്ണം റീ-ടെസ്റ്റിനും രണ്ട് എണ്ണം വിദേശ തൊഴിൽ, വിദേശ പഠനം തുടങ്ങിയ അടിയന്തര ആവശ്യങ്ങൾക്കുമായി മാറ്റിവെക്കും.

പുതിയ സർക്കുലർ പ്രകാരം ബുക്കിങ് തീയതി മുതൽ 30 ദിവസത്തിനകം പുതിയ ഡ്രൈവിങ് ലൈസൻസ് ടെസ്റ്റിനുള്ള സ്ലോട്ട് ലഭ്യമാക്കും. റീ-ടെസ്റ്റിന് എട്ട് ദിവസത്തിനകവും ലേണേഴ്സ് ലൈസൻസ് ടെസ്റ്റിന് മൂന്ന് ദിവസത്തിനകവും സ്ലോട്ട് അനുവദിക്കുമെന്നും മോട്ടോർ വാഹന വകുപ്പ് അറിയിച്ചു.

കെ.ബി. ഗണേഷ് കുമാർ ഗതാഗത മന്ത്രിയായിരുന്നപ്പോൾ ഡ്രൈവിങ് ടെസ്റ്റ് സംവിധാനത്തിൽ സമഗ്ര പരിഷ്കാരങ്ങളാണ് നടപ്പാക്കിയത്. 18 വർഷം വരെ പഴക്കമുള്ള വാഹനങ്ങൾ മാത്രമേ ടെസ്റ്റിന് ഉപയോഗിക്കാവൂ, ടെസ്റ്റ് വാഹനങ്ങളിൽ ക്യാമറ സ്ഥാപിക്കണം തുടങ്ങിയ നിർദേശങ്ങൾ അന്ന് നൽകിയിരുന്നു. ഡ്രൈവിങ് സ്കൂളുകളുടെ ശക്തമായ പ്രതിഷേധത്തെ തുടർന്ന് വാഹനങ്ങളുടെ പ്രായപരിധി പിന്നീട് 22 വർഷമാക്കി ഉയർത്തുകയും ഇൻസ്ട്രക്ടർ ഗ്രൗണ്ടിൽ നിർബന്ധമായും ഹാജരാകണമെന്ന വ്യവസ്ഥയിൽ ഇളവ് അനുവദിക്കുകയും ചെയ്തിരുന്നു. ടെസ്റ്റുകളുടെ എണ്ണം കുറച്ചതിനെതിരെയും അന്ന് വ്യാപക പ്രതിഷേധമുയർന്നിരുന്നു.

തേയിലത്തോട്ടങ്ങൾക്ക് മീതെ ഡ്രോണുകൾ! ഫാക്ടറിയിലേക്ക് കൊളുന്തുകൾ എത്തിക്കാൻ മൂന്നാറിൽ ഡ്രോണുകൾ റെ‍ഡി; 50 കിലോഗ്രാം വരെ ഭാരം വഹിക്കാൻ കഴിയുന്ന ആളില്ലാ വ്യോമ വാഹനങ്ങളാണ് പരീക്ഷണ ഘട്ടത്തിലിറക്കുന്നത്

BREAKING NEWS
മക്കൾ കരഞ്ഞുകാലുപിടിച്ചിട്ടും വെറുതെവിട്ടില്ല, കരണത്ത് മാറിമാറിയടിച്ചു... ട്രെയിനിൽ രണ്ട് പെൺമക്കളുടെ മുന്നിലിട്ട് യുവതിയെ ക്രൂരമായി മർദിച്ച് ജിആർപി ഉദ്യോഗസ്ഥൻ, യുവതിയുടെ തലയ്ക്ക് പരിക്ക്, മർദനത്തിൽ കലാശിച്ചത് സീറ്റുമായി ബന്ധപ്പെട്ട തർക്കം, നാലു യുവതികൾ ഉൾപ്പെടെ ആറുപേർക്കെതിരെ കേസ്
22 Nov 2026
BREAKING NEWS
ഒരു കോടി ഗ്ലൗസുകൾ വാങ്ങി, അതും നാലിരട്ടി വിലയ്ക്ക്; ഗോഡൗണുകളിൽ കൂട്ടിയിട്ട് നശിപ്പിച്ചത് 58.40 ലക്ഷം ഗ്ലൗസുകൾ! 7.09 കോടിയുടെ നഷ്ടം!! അഴിമതി നിരോധന നിയമപ്രകാരം കേസെടുക്കാൻ ശുപാർശ; വിജിലൻസ് അന്വേഷണം
22 Nov 2026
BREAKING NEWS
’പാളയത്തിൽ പട’; കോൺഗ്രസിൽ പോര് മുറുകുന്നു; ഗ്രൂപ്പുപോര് പരസ്യമായി; പ്രശ്ന പരിഹാരം തേടി ഒത്തുതീർപ്പ് സമിതിയുമായി സണ്ണി ജോസഫ് ഡൽഹിയിലേക്ക്
22 Nov 2026
BREAKING NEWS
ആ പ്രസ്താവന എനിക്ക് നല്ലതായി തോന്നി, അതിൽ ഒരു പ്രശ്നവുമില്ല... ഇറാൻ യുദ്ധത്തെ വിമർശിച്ച ജെ.ഡി വാൻസിനോട് അതൃപ്തിയില്ല, വീണ്ടും തീരുമാനമെടുക്കാൻ അവസരം ലഭിച്ചാൽ ഇറാനെതിരായ യുദ്ധം ആരംഭിക്കുമായിരുന്നു...ട്രംപ്!! 2028ലെ പ്രസിഡന്റ് സ്ഥാനാർഥിത്വത്തെച്ചൊല്ലി വാൻസും റൂബിയോയും തമ്മിൽ മത്സരം?
22 Nov 2026