BREAKING NEWS

ഓപ്പറേഷൻ തൂഫാൻ: തിരൂർ കല്പകഞ്ചേരിയിൽ 16 കിലോ കഞ്ചാവ് പിടികൂടി; 23കാരൻ അറസ്റ്റിൽ

· · 1 min read
Share: Copied!

മലപ്പുറം: ഓപ്പറേഷൻ തൂഫാന്റെ ഭാഗമായി തിരൂർ കല്പകഞ്ചേരിയിൽ നടത്തിയ പരിശോധനയിൽ 16 കിലോയിലധികം കഞ്ചാവ് പിടികൂടി. സംഭവത്തിൽ കല്പകഞ്ചേരി കല്ലിങ്ങൽ സ്വദേശി അത്തിക്കപ്പറമ്പിൽ സെയ്തലവിയുടെ മകൻ മുഹമ്മദ് ഹാഷിം (23) അറസ്റ്റിലായി. ഇയാളിൽ നിന്ന് ആൾട്ടോ കാറിൽ സൂക്ഷിച്ച നിലയിലായിരുന്നു കഞ്ചാവ് കണ്ടെത്തിയത്.

ജില്ലാ പോലീസ് മേധാവി ചൈത്ര തെരേസ ജോണിന്റെ നിർദേശപ്രകാരം തിരൂർ, താനൂർ ഡാൻസാഫ് ടീമുകളും കല്പകഞ്ചേരി പോലീസും ചേർന്ന് നടത്തിയ സംയുക്ത പരിശോധനയിലാണ് പ്രതി കുടുങ്ങിയത്.

പ്രദേശത്തെ വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് കഞ്ചാവ് വിൽപ്പന നടത്താനാണ് ലഹരിവസ്തു എത്തിച്ചതെന്ന് പ്രതി പോലീസിനോട് സമ്മതിച്ചതായി അന്വേഷണ ഉദ്യോഗസ്ഥർ അറിയിച്ചു.

മുഹമ്മദ് ഹാഷിമിനെതിരെ നേരത്തെയും നിരവധി ലഹരി കേസുകൾ നിലവിലുണ്ട്. എം.ഡി.എം.എ. കൈവശം വെച്ച കേസുകളിൽ മലപ്പുറം, കോട്ടക്കൽ പോലീസ് സ്റ്റേഷനുകളിൽ കേസുകളുണ്ട്. കഞ്ചാവ് വിൽപ്പനയ്ക്കായി സൂക്ഷിച്ചതിന് പാലക്കാട് എക്സൈസും മുമ്പ് കേസെടുത്തിരുന്നു.

അടുത്തിടെ കുറ്റിപ്പുറത്ത് 500 ഗ്രാം എം.ഡി.എം.എയുമായി പിടിയിലായ മുഫഷിറിനൊപ്പവും ഹാഷിം പ്രതിയായിരുന്നുവെന്ന് പോലീസ് അറിയിച്ചു. പ്രദേശത്ത് സ്ഥിരമായി ലഹരി വിൽപ്പന നടത്തുന്നതായി ലഭിച്ച രഹസ്യവിവരത്തിന്റെ അടിസ്ഥാനത്തിൽ ദിവസങ്ങളോളം നിരീക്ഷണം നടത്തിയ ശേഷമാണ് പ്രതിയെ പിടികൂടിയത്.

അറസ്റ്റിനിടെ പോലീസിനെ ആക്രമിച്ച് രക്ഷപ്പെടാൻ പ്രതി ശ്രമിച്ചെങ്കിലും സാഹസികമായി കീഴടക്കിയെന്ന് പോലീസ് വ്യക്തമാക്കി. സംഭവം അറിഞ്ഞ് നൂറുകണക്കിന് നാട്ടുകാർ സ്ഥലത്ത് തടിച്ചുകൂടി.

സമീപകാലത്ത് കല്പകഞ്ചേരി മേഖലയിൽ നിന്ന് പിടികൂടിയ ഏറ്റവും വലിയ കഞ്ചാവ് വേട്ടകളിലൊന്നാണിതെന്ന് പോലീസ് അറിയിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026