ചെന്നൈ: തമിഴ്‌നാട് സർക്കാരിന്റെ പുതിയ മന്ത്രിസഭയിലെ വകുപ്പുവിഭജനം പൂർത്തിയായി. മുഖ്യമന്ത്രി വിജയ് ആഭ്യന്തരം, പോലീസ്, വനിതാ-ശിശുക്ഷേമം, പൊതുഭരണം, യുവക്ഷേമം, മുൻസിപ്പൽ അഡ്മിനിസ്‌ട്രേഷൻ തുടങ്ങിയ നിർണായക വകുപ്പുകൾ നേരിട്ട് കൈകാര്യം ചെയ്യും.
മന്ത്രിസഭയിലെ മുതിർന്ന അംഗമായ കെ.എ. സെങ്കോട്ടയ്യൻക്ക് ധനകാര്യ വകുപ്പ് ചുമതലപ്പെടുത്തി. ഏറ്റവും പ്രായം കുറഞ്ഞ മന്ത്രിയായ എസ്. കീർത്തനയ്ക്ക് വ്യവസായ വകുപ്പ് നൽകി.
എൻ. ആനന്ദ് ഗ്രാമവികസനവും ജലവിഭവവകുപ്പും കൈകാര്യം ചെയ്യും. പൊതുമരാമത്ത്, കായികം എന്നീ വകുപ്പുകൾ ആദവ് അർജുന്ക്ക് ലഭിച്ചു.
ആരോഗ്യം, മെഡിക്കൽ വിദ്യാഭ്യാസം, കുടുംബക്ഷേമം എന്നീ വകുപ്പുകളുടെ ചുമതല ഡോ. കെ.ജി. അരുൺരാജ്ക്ക് നൽകി. ഭക്ഷ്യ-പൊതുവിതരണ വകുപ്പ് പി. വെങ്കട്ടരമണൻക്കും ഊർജവും നിയമവകുപ്പും ആർ. നിർമൽകുമാർക്കും ലഭിച്ചു.
സ്കൂൾ വിദ്യാഭ്യാസ വകുപ്പ് രാജ്‌മോഹൻക്ക് നൽകിയപ്പോൾ, പ്രകൃതിവിഭവം, മിനറൽ ആൻഡ് മൈൻസ് വകുപ്പ് ഡോ. ടി.കെ. പ്രഭുവിനെ ചുമതലപ്പെടുത്തി.
