BREAKING NEWS

ഇരയുടെ അമ്മ വ്യക്തി വൈരാ​ഗ്യം തീർക്കാൻ മകനെ പീഡനകഥ പറഞ്ഞു പഠിപ്പിച്ചു, തുമ്പായത് മാതാപിതാക്കൾ തമ്മിലുള്ള ഇ-മെയിലും മറ്റു രേഖകളും!! 5 വയസുകാരനെ ലൈംഗിക അതിക്രമത്തിന് വിധേയനാക്കിയെന്ന പോക്സോ കേസിൽ പ്രതിയായ മുത്തശ്ശൻ കുറ്റവിമുക്തൻ

· · 1 min read
Share: Copied!

തൊടുപുഴ: 2016-ൽ അഞ്ച് വയസുള്ള കൊച്ചുമകനെ തറവാട്ട് വീട്ടിൽവെച്ച് ലൈംഗിക അതിക്രമത്തിന് ഇരയാക്കിയെന്നാരോപിച്ച് കുട്ടിയുടെ മുത്തശ്ശന്റെ പേരിൽ തിരുവല്ല പോലീസ് ചാർജ് ചെയ്തിരുന്ന പോക്‌സോ കേസിൽ പ്രതിയെ വെറുതേ‌വിട്ടു. തൊടുപുഴ പോക്‌സോ കോടതി ജഡ്ജി ആഷ് കെ.ബാൽ വിധി പ്രസ്താവിച്ചത്. ഇരയായ കുട്ടിയുടെയും അമ്മയുടെയും അപേക്ഷപ്രകാരം കേസ് പത്തനംതിട്ട പോക്‌സോ കോടതിയിൽനിന്ന്‌ തൊടുപുഴ പോക്‌സോ കോടതിയിലേക്ക് ഹൈക്കോടതി ട്രാൻസ്ഫർ ചെയ്തതിനെ തുടർന്നാണ് തൊടുപുഴ പോക്‌സോ കോടതിയിൽ വിചാരണ നടന്നത്.

കേസിൽ ഇരയുടെ അമ്മയും പ്രതിയെന്ന് ആരോപിക്കപ്പെട്ട വ്യക്തിയും അവരുടെ കുടുംബാംഗങ്ങളുമായി വിരോധത്തിലായിരുന്നുവെന്ന് സാക്ഷിമൊഴികളിൽ നിന്നും ഇരയായ കുട്ടിയുടെ മാതാപിതാക്കൾ തമ്മിലുള്ള ഇ-മെയിലുകളിൽനിന്നും മറ്റു രേഖകളിലുംനിന്നും വ്യക്തമാണെന്ന പ്രതിഭാഗത്തിന്റെ വാദം കോടതി അംഗീകരിച്ചു. ഇരയായ കുട്ടിയെ അമ്മ പ്രതിയോടുള്ള വിരോധം കാരണം കളവായ കാര്യങ്ങൾ പഠിപ്പിച്ച് കുട്ടിയെക്കൊണ്ട് പോലീസിലും കോടതിയിലും മൊഴി പറയിപ്പിച്ചതാണെന്ന് പ്രതിഭാഗം കേസ് വാദിച്ചു.

അതേസമയം കുടുംബാംഗങ്ങൾ തമ്മിലുള്ള വിരോധംമൂലം മൈനർ കുട്ടികളെ ഉപയോഗിച്ച് കളവായി കേസെടുപ്പിച്ച് പോക്‌സോ നിയമം ദുരുപയോഗം ചെയ്യുന്ന സംഭവങ്ങൾ കൂടുകയാണ്. അതിനാൽ ഇപ്രകാരമുള്ള പോക്‌സോ കേസുകളിൽ പ്രതിയെ കുറ്റക്കാരനെന്ന് കണ്ടെത്തുവാൻ തെളിവുകൾ സസൂക്ഷ്മം അപഗ്രഥിക്കണമെന്ന ഹൈക്കോടതി വിധികൾ കോടതി സസൂഷ്മം നിരീക്ഷിച്ചു.

കേസിൽ പ്രോസിക്യൂഷൻ ഭാഗത്തുനിന്ന് 17 സാക്ഷികളെ വിസ്തരിച്ചു. 32 പ്രമാണങ്ങൾ തെളിവായി സ്വീകരിച്ചു. പ്രതിഭാഗത്തുനിന്ന് ഇരയുടെ പിതാവ് ഉൾപ്പെടെ രണ്ട് സാക്ഷികളെ വിസ്തരിച്ചു. ഡിജിറ്റൽ തെളിവുകൾ ഉൾപ്പെടെ 14 പ്രമാണങ്ങൾ തെളിവിൽ സ്വീകരിക്കുകയും ചെയ്തിരുന്നു. പ്രതിക്കുവേണ്ടി അഭിഭാഷകരായ സാജു പോൾ അറുകാലിൽ, ഷിജി സാജു അറുകാലിൽ, വിഷ്ണു. എസ്., ജോസ് പി.എ. എന്നിവർ കോടതിയിൽ ഹാജരായി.

ഓട്ടം വിളിച്ചു; സുഹൃത്തുക്കൾ വരാനുണ്ട്, വെയ്റ്റ് ചെയ്യണമെന്ന് ആവശ്യപ്പെട്ടു; ഡ്രൈവർ ചായ കുടിക്കാനായി ഇറങ്ങിയ സമയത്ത് കാറും കൊണ്ട് മുങ്ങി; നിരവധി കേസുകളിൽ പ്രതിയായ യുവാവിനായി തിരച്ചിൽ

BREAKING NEWS
നരേന്ദ്ര മോദിയുടെ അമ്മയ്ക്ക് വേണ്ടി അമ്പലം പണിയും, സമീപം ഗോശാലയും
17 Nov 2026
BREAKING NEWS
സെൻസസ് പോർട്ടലിൽ ഹിന്ദു, ക്രിസ്ത്യൻ, മുസ്ലിം, ജൈന, ബുദ്ധ, സിഖ് വിഭാ​ഗം മാത്രം; സൂഫി, സുന്നി, ഷിയ, പെന്തക്കോസ്ത്, ഇസ്കോൺ, രാമകൃഷ്ണ പരമഹംസ, രാംദേവ് വിഭാ​ഗങ്ങളെ ഒഴിവാക്കി; ​ കേന്ദ്രത്തിനെതിരെ കോൺഗ്രസ്, വിമർശനവുമായി ജയറാം രമേശ് രം​ഗത്ത്
17 Nov 2026
BREAKING NEWS
സ്റ്റേ വയറിൽനിന്ന് ഷോക്കേറ്റ് 13-കാരൻ മരിച്ച സംഭവം; കെഎസ്ഇബി അസിസ്റ്റന്റ് എൻജിനീയർക്ക് സസ്പെൻഷൻ, കുടുംബത്തിന് 10 ലക്ഷം രൂപ; ട്രാക്ടർ ഉപയോഗിച്ച് നിലം ഉഴുതതിനെത്തുടർന്നാണ് സ്റ്റേ വയർ നിലത്തുനിന്ന് ഇളകിമാറിയതെന്ന് ഉദ്യോ​ഗസ്ഥൻ
17 Nov 2026
BREAKING NEWS
ജീന്‍സ് പാന്റില്‍ സ്വര്‍ണമിശ്രിതം തേച്ചുപിടിപ്പിച്ചു, ശരീരത്തില്‍ ക്യാപ്സൂളുകളായി ഒളിപ്പിച്ചു, കരിപ്പൂരില്‍ രണ്ട് കോടി രൂപയുടെ സ്വര്‍ണം പിടികൂടി, നാലുപേര്‍ പിടിയില്‍
17 Nov 2026