BREAKING NEWS

ഭാര്യയുടെ സ്വകാര്യ ദൃശ്യങ്ങൾ അശ്ലീല സൈറ്റുകൾക്ക് വിറ്റ സംഭവം; ഭർത്താവിന് പങ്കാളികളെ കൈമാറുന്ന സംഘവുമായി ബന്ധം, കുട്ടികളുടെ മുന്നിൽ പോലും ലൈം​ഗീക വൈകൃതം; തെളിവുകൾ നിരത്തി യുവതി

· · 1 min read
Share: Copied!

കൊല്ലം: ഭാര്യയുടെ സ്വകാര്യ ദൃശ്യങ്ങൾ രഹസ്യമായി പകർത്തി അശ്ലീല വെബ്സൈറ്റുകൾക്ക് വിറ്റതായി ഭർത്താവിനെതിരെ പരാതി. പങ്കാളികളെ പരസ്പരം കൈമാറുന്ന സംഘങ്ങളുമായി ഭർത്താവിന് ബന്ധമുണ്ടെന്നും യുവതി പൊലീസിന് നൽകിയ പരാതിയിൽ ആരോപിക്കുന്നു. സംഭവത്തിൽ കൊട്ടിയം പൊലീസ് കേസെടുത്തു. പ്രതി നിലവിൽ ഒളിവിലാണെന്നാണ് വിവരം.

പങ്കാളികളെ പങ്കുവയ്ക്കുന്നതുമായി ബന്ധപ്പെട്ട ചില ഓൺലൈൻ ഗ്രൂപ്പുകളിൽ ഭർത്താവ് അംഗമായിരുന്നുവെന്നും, ഭാര്യയുടെ സ്വകാര്യ ദൃശ്യങ്ങൾ പങ്കുവയ്ക്കണമെന്ന് ഈ ഗ്രൂപ്പുകളിൽനിന്ന് ആവശ്യപ്പെട്ടിരുന്നുവെന്നും യുവതി മൊഴി നൽകിയതായി പൊലീസ് പറയുന്നു.

തനിക്ക് കാണുന്നതിനായി എന്നുപറഞ്ഞാണ് ഭർത്താവ് സ്വകാര്യ ദൃശ്യങ്ങൾ പകർത്തിയതെന്നും പിന്നീട് അവ വെബ്സൈറ്റുകൾക്ക് വിറ്റതായും യുവതി ആരോപിച്ചു. ദൃശ്യങ്ങൾ പ്രചരിപ്പിച്ചതിലൂടെ ഭർത്താവ് സാമ്പത്തികമായി നേട്ടമുണ്ടാക്കിയെന്നും പരാതിയിൽ പറയുന്നു. സംഭവത്തെക്കുറിച്ച് സുഹൃത്തുക്കളിൽനിന്നാണ് യുവതി പിന്നീട് വിവരം അറിഞ്ഞത്.

ദൃശ്യങ്ങൾ പങ്കുവച്ചതിൽ ഭർത്താവിന് കുറ്റബോധമുണ്ടായിരുന്നില്ലെന്നും യുവതിയുടെ മൊഴിയിലുണ്ട്. കുടുംബജീവിതത്തിലെ പ്രശ്നങ്ങൾ പരിഹരിക്കാൻ കൗൺസിലിങ്ങിന് പോകണമെന്ന് ആവശ്യപ്പെട്ടപ്പോൾ ഭർത്താവ് ക്രൂരമായി മർദിച്ചെന്നും യുവതി ആരോപിക്കുന്നു.

ദമ്പതികൾ കൊല്ലം ജില്ലക്കാരാണ്. യുകെയിലായിരുന്നു ഇരുവരുടെയും താമസം. പ്രശ്നങ്ങൾ പരിഹരിക്കാമെന്ന പ്രതീക്ഷയിൽ ഭർത്താവിനെ യുവതി നാട്ടിലേക്ക് കൊണ്ടുവന്നിരുന്നു. തുടർന്ന് രണ്ടുദിവസം കൗൺസിലിങ്ങിന് കൊണ്ടുപോയി.

എന്നാൽ മൂന്നാം ദിവസം ഭർത്താവ് ക്രൂരമായി മർദിച്ചതിനെത്തുടർന്നാണ് യുവതി പൊലീസിൽ പരാതി നൽകിയത്. മർദനത്തിൽ പരിക്കേറ്റ യുവതി നിലവിൽ ചികിത്സയിലാണ്.

കുട്ടികളുടെ മുന്നിൽവച്ചും ഭർത്താവ് മോശമായ പെരുമാറ്റം നടത്തിയിരുന്നതായും യുവതി പൊലീസിനോട് പറഞ്ഞിട്ടുണ്ട്. സംഭവവുമായി ബന്ധപ്പെട്ട ഫോൺ സംഭാഷണങ്ങൾ ഉൾപ്പെടെയുള്ള തെളിവുകളും യുവതി പൊലീസിന് കൈമാറി.

വിദേശത്തുനിന്ന് നാട്ടിലെത്തിയ ശേഷമാണ് യുവതി പരാതി നൽകിയത്. സ്വകാര്യ ദൃശ്യങ്ങൾ പ്രചരിപ്പിച്ചതുമായി ബന്ധപ്പെട്ട ആരോപണങ്ങൾക്കും മർദനത്തിനുമാണ് പൊലീസ് അന്വേഷണം നടത്തുന്നത്. പ്രതിയെ കണ്ടെത്താനുള്ള നടപടികളും തുടരുകയാണ്.

സ്കൂളിലേക്ക് പോകുകയായിരുന്ന 13കാരിയെ കടന്നുപിടിച്ചു, ബഹളം വച്ചതോടെ ഓടിരക്ഷപ്പെട്ടു, പ്രതിക്കായി അന്വേഷണം ശക്തമാക്കി പൊലീസ്

BREAKING NEWS
'ഒരു വർഷം സ്വർണം വാങ്ങരുതെന്ന് പറഞ്ഞു, ജനങ്ങൾ അനുസരിച്ചു; വിലയും കുറഞ്ഞു; മോദിജി, അങ്ങ് പറഞ്ഞതനുസരിച്ച് ഞങ്ങൾ സ്വർണം വാങ്ങിയില്ല; അതിലൂടെ പണം ലാഭിക്കാൻ കഴിഞ്ഞു'എന്ന് പലരും ഇപ്പോൾ എന്നോട് പറയുന്നുണ്ട്'; പ്രധാനമന്ത്രി മോദി
21 Nov 2026
BREAKING NEWS
അഭിറാമിന്റെ തലയ്ക്കടിച്ച തേങ്ങ കണ്ടെത്തി... പ്രതിക്ക് പ്രായത്തിന്റെ ആനുകൂല്യം നൽകി ജാമ്യം നൽകരുത്, 17 കാരന് പ്രായപൂർത്തിയായ ഒരു കുറ്റവാളിക്ക് സമാനമായ മാനസീകാവസ്ഥ, കൗൺസിലിംഗ് നടത്തിയ ഡോക്ടർമാർ, വിചാരണ നേരിടുന്നതിന് യാതൊരുവിധ മാനസിക തടസങ്ങളുമില്ല- മെഡിക്കൽ ബോർഡ്... ജാമ്യാപേക്ഷ തള്ളി ജുവനൈൽ ജസ്റ്റിസ...
21 Nov 2026
BREAKING NEWS
വൈദ്യുതി മ​ന്ത്രി പങ്കെടുത്ത പരിപാടിക്കിടെ അറ്റകുറ്റപ്പണികൾക്കായി ലൈൻ ഓഫ് ചെയ്തു, മു​ൻ​കൂ​ട്ടി അ​റി​യി​ക്കാ​തെ വൈ​ദ്യു​തി വി​ച്ഛേ​ദി​ച്ച​തി​ന് പി​ന്നി​ൽ ദു​രു​ദ്ദേ​ശ്യ​മു​ണ്ടെന്ന സംശയമുന്നയിച്ച് എംഎൽഎ ടി.​ഒ.​ മോ​ഹ​ന​ൻ- കെ​എ​സ്ഇ​ബി സ​ബ് എ​ൻ​ജി​നീ​യ​ർ​ക്ക് സ​സ്പെ​ൻ​ഷ​ൻ
21 Nov 2026
BREAKING NEWS
എന്താണ് കേരളത്തിൽ നടക്കുന്നത്? 6 മാസം കൊണ്ട് 'ടീം യുഡിഎഫ്' പൂർണമായും തകർന്നു തരിപ്പണമായി, മന്ത്രിസഭായോഗത്തിൽ കോൺഗ്രസ് മന്ത്രിമാർ തമ്മിലും ഘടകകക്ഷി നേതാക്കളും മുഖ്യമന്ത്രിയുമായി മണിക്കൂറുകൾ നീണ്ടുനിൽക്കുന്ന ഏറ്റുമുട്ടലുകൾ, അഴിമതി നടത്താനുള്ള ത്വരയാണ് എല്ലാവരിലും, ഗ്രൂപ്പ് പ്രശ്നങ്ങളും തമ്മിലടിയും ...
21 Nov 2026