കൊച്ചി: വഖഫ് വിഷയത്തിൽ മുഖ്യമന്ത്രി വ്യക്തമായ നിലപാട് വ്യക്തമാക്കുന്നില്ലെന്ന് സി.പി.എം. നേതാവ് പി. രാജീവ്. സുപ്രീംകോടതിയിൽ കേസ് തള്ളിപ്പോയെന്ന ധാരണയാണ് മുഖ്യമന്ത്രിക്കുള്ളതെന്ന് പറഞ്ഞ അദ്ദേഹം, പറഞ്ഞ വാക്ക് പാലിക്കുന്ന മുഖ്യമന്ത്രിയാണെങ്കിൽ ഹൈക്കോടതിയിൽ സുപ്രീംകോടതിയിലെ കേസ് ചൂണ്ടിക്കാണിക്കേണ്ടിയിരുന്നുവെന്നും വിമർശിച്ചു. കൊച്ചിയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.
വഖഫ് വിഷയത്തിൽ മുഖ്യമന്ത്രി വീണ്ടും ജനങ്ങളെ തെറ്റിദ്ധരിപ്പിക്കാൻ ശ്രമിക്കുകയാണെന്നും പി. രാജീവ് ആരോപിച്ചു. വഖഫ് നിയമപ്രകാരം നിയമനാധികാരം സർക്കാരിനാണെന്നും വഖഫ് ബോർഡിനല്ലെന്നും അദ്ദേഹം പറഞ്ഞു.
മുസ്ലിം ലീഗിനെതിരെയും അദ്ദേഹം രൂക്ഷ വിമർശനം ഉന്നയിച്ചു. മുസ്ലിം ലീഗിൽ നിന്ന് നിന്ന് ‘മുസ്ലിം’ എന്ന വാക്ക് ഒഴിവാക്കുന്നതാണ് നല്ലതെന്നും, അത് ഒരു ലിമിറ്റഡ് കമ്പനി മാത്രമായി മാറിയിരിക്കുകയാണെന്നും രാജീവ് പറഞ്ഞു. തങ്ങൾക്ക് താൽപര്യമുള്ളവരെ നിയമിക്കുകയെന്നതാണ് അവരുടെ ലക്ഷ്യമെന്നും സി.പി.എം. സ്വീകരിക്കുന്നത് മതനിരപേക്ഷ നിലപാടാണെന്നും അദ്ദേഹം കൂട്ടിച്ചേർത്തു.
Related Post
മുനമ്പം വിഷയത്തിലും മുഖ്യമന്ത്രി നൽകിയ വാഗ്ദാനങ്ങൾ പാലിക്കപ്പെട്ടില്ലെന്ന് രാജീവ് ആരോപിച്ചു. “പത്ത് മിനിറ്റിനുള്ളിൽ പരിഹാരം കാണുമെന്ന് പറഞ്ഞത് എവിടെപ്പോയി? പ്രതിപക്ഷത്തിരുന്ന് പറഞ്ഞ കാര്യങ്ങൾ ഭരണത്തിലെത്തിയപ്പോൾ നടപ്പാക്കുന്നത് എളുപ്പമല്ലെന്ന് ഇപ്പോഴെങ്കിലും മനസ്സിലായില്ലേ?” എന്നും അദ്ദേഹം ചോദിച്ചു.
