മലയാറ്റൂർ: മദ്യലഹരിയിലായിരുന്ന മകന്റെ ആക്രമണത്തിൽ പരിക്കേറ്റ് ചികിത്സയിലായിരുന്ന പിതാവ് മരിച്ചു. മലയാറ്റൂർ സ്വദേശി ദേവസികുട്ടി (87) ആണ് മരിച്ചത്. സംഭവത്തിൽ മകൻ ഡേവിസിനെതിരെ പൊലീസ് കേസെടുത്ത് അന്വേഷണം ആരംഭിച്ചു.
തിങ്കളാഴ്ച വൈകീട്ട് മൂന്നുമണിയോടെയായിരുന്നു സംഭവം. ഡേവിസ് സ്ഥിരമായി മദ്യപിച്ചെത്തി വീട്ടിൽ ബഹളമുണ്ടാക്കാറുണ്ടെന്നാണ് നാട്ടുകാർ പറയുന്നത്. സംഭവദിവസവും മദ്യപിച്ച് വീട്ടിലെത്തിയ ഡേവിസ് ഭാര്യയെ ആക്രമിക്കുകയായിരുന്നു.
ഇത് തടയാൻ ശ്രമിച്ച പിതാവ് ദേവസികുട്ടിയെ ഡേവിസ് ശക്തമായി തള്ളിമാറ്റിയെന്നാണ് പരാതി. നിലത്തുവീണ ദേവസികുട്ടിയുടെ തല നിലത്തിടിക്കുകയും ഗുരുതരമായി പരിക്കേൽക്കുകയും ചെയ്തു.
Related Post
നാട്ടുകാർ ഉടൻ ദേവസികുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്.