17-ാം ഗോൾ പിറന്നു; ലോകകപ്പ് ചരിത്രം തിരുത്തി ലയണൽ മെസ്സി; ക്ലോസെയെ മറികടന്ന് വിഖ്യാത റെക്കോർഡിൽ! ഇതു തിരുത്താൻ ഇനി ആര് വരും? വരും?

കാൻസാസ് സിറ്റി: ലോകകപ്പ് ഫുട്ബോളിൽ മറ്റൊരു ചരിത്രനേട്ടം കൂടി സ്വന്തമാക്കി അർജന്റീന നായകൻ ലയണൽ മെസ്സി. ലോകകപ്പ് ചരിത്രത്തിൽ ഏറ്റവും കൂടുതൽ ഗോളുകൾ നേടുന്ന താരമെന്ന റെക്കോഡാണ് മെസ്സി സ്വന്തമാക്കിയത്. ഗ്രൂപ്പ് ഘട്ടത്തിൽ ഓസ്ട്രിയക്കെതിരായ മത്സരത്തിൽ ഗോൾ നേടിയതോടെയാണ് മെസ്സി നേട്ടത്തിലെത്തിയത്.

ഈ ഗോളോടെ മെസ്സിയുടെ ലോകകപ്പ് ഗോൾസംഖ്യ 17 ആയി. ഇതോടെ 16 ഗോളുകളുമായി പട്ടികയിൽ ഒന്നാമതുണ്ടായിരുന്ന മുൻ ജർമൻ താരം മിറോസ്ലാവ് ക്ലോസെയെ മെസ്സി പിന്നിലാക്കി. 15 ഗോളുകളുമായി ബ്രസീൽ ഇതിഹാസം റൊണാൾഡോ മൂന്നാം സ്ഥാനത്താണ്.

കഴിഞ്ഞ മത്സരത്തിൽ അൾജീരിയക്കെതിരേ ഹാട്രിക് നേടിയതോടെയാണ് മെസ്സി ക്ലോസെയുടെ റെക്കോഡിനൊപ്പമെത്തിയത്. ലോകകപ്പ് കരിയറിലെ മെസ്സിയുടെ ആദ്യ ഹാട്രിക് കൂടിയായിരുന്നു അത്. അതോടെ ഗോൾസംഖ്യ 16 ആയി ഉയർന്നിരുന്നു.

Related Post

കേന്ദ്ര ന്യൂനപക്ഷകാര്യ സഹമന്ത്രി ജോർജ് കുര്യൻ രാജിവച്ചു; രാജ്യസഭ കാലാവധി പൂർത്തിയായതിന് പിന്നാലെയെടുത്ത തീരുമാനം; കേരളത്തിൽ പ്രവർത്തിക്കാനുള്ള താൽപര്യം കേന്ദ്ര നേതൃത്വത്തോട് പ്രകടമാക്കി

June 23, 2026

‘ആ നിമിഷം എനിക്ക് എന്നോട് തന്നെ കടുത്ത ദേഷ്യമാണ് തോന്നിയത്; കാരണം ഞാൻ ആ കിക്ക് എടുത്തത് വളരെ മോശം രീതിയിലായിരുന്നു‘: ചരിത്ര നേട്ടത്തിന് പിന്നാലെ മെസിയുടെ തുറന്നുപറച്ചിൽ

June 23, 2026

‘ഒറ്റയൊരാളുടെ തീരുമാനം കൂട്ടമായി ന്യായികരിക്കുന്നത് ജനാധിപത്യ മാതൃകയല്ല; ബാർകോഴ ആരോപണം ഒരുപാട് നന്മകളുടെ നേരനുഭവങ്ങൾ സമ്മാനിച്ച ഉമ്മൻ ചാണ്ടി സർക്കാരിനെ തോൽപ്പിച്ച ചിലതിൽ ഒന്നായിരുന്നു‘: വി ഡി സതീശനെ ഉന്നമിട്ട് കോണ്‍‌ഗ്രസ് നേതാവ് ജിന്‍റോ ജോണ്‍

June 23, 2026

‘കടക്ക് പുറത്ത്‘; മമതയെ അധ്യക്ഷ സ്ഥാനത്തു നിന്ന് നീക്കിയെന്ന് വിമതർ; അഭിഷേക് ബാനർജിയെ സസ്‌പെൻഡ് ചെയ്തെന്നും പ്രഖ്യാപനം; അരൂപ് റോയി പുതിയ നേതാവെന്നും പ്രഖ്യാപനം

June 23, 2026

അൾജീരിയക്കെതിരായ മത്സരത്തിൽ കളത്തിലിറങ്ങിയതോടെ ലോകകപ്പിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന റെക്കോഡും മെസ്സി സ്വന്തമാക്കിയിരുന്നു. നിലവിലെ ടൂർണമെന്റ് മെസ്സിയുടെ ആറാം ലോകകപ്പാണ്. ആറു ലോകകപ്പുകളിൽ കളിക്കുന്ന ആദ്യ ഫുട്ബോളറെന്ന ചരിത്രനേട്ടവും അർജന്റീന നായകന്റെ പേരിലായി.