BREAKING NEWS

ഇല്ല, ​ഗാഡി പോവാൻ വിടത്തില്ല…മാസ് ആകാൻ ശ്രമിച്ച് ബിജെപി ജില്ലാ പ്രസിഡന്റ് … പക്ഷെ ചേച്ചിമാർ തടയാൻ ശ്രമിച്ചത് പോലീസ് വാഹനത്തിന്റെ പിന്നിൽ നിന്ന്…. പിന്നാലെ വാഹനം സു​ഗമമായി മുന്നോട്ട്… ‘ഞാൻ പുറകിൽ വന്നപ്പോൾ എല്ലാവരും പിന്നിൽ വന്നോ? വണ്ടി തടയാൻ മുന്നിൽ ആരെങ്കിലും നിൽക്കണ്ടേ’- എംഎൽ അശ്വിനി!! കോമഡിയായി വിദ്യാഭ്യാസ മന്ത്രിക്കെതിരെയുള്ള പ്രതിഷേധം

· · 1 min read
Share: Copied!

കാസർകോട്: ബിജെപി പ്രവർത്തകരെ അറസ്റ്റ് ചെയ്ത് കയറ്റിയ പോലീസ് ജീപ്പ് തടയാനായി ബിജെപി ജില്ലാ പ്രസിഡന്റ് എം എൽ അശ്വിനിയുടെ നേതൃത്വത്തിലുള്ള സംഘം നടത്തിയ ശ്രമം സോഷ്യൽ മീഡിയയിൽ തമാശയാകുന്നു. പ്രവർത്തകരെ കയറ്റിയ പോലീസ് ജീപ്പിന് പിന്നിലേക്കു മുദ്രാവാക്യവുമായി ബിജെപി കാസർകോട് ജില്ലാ പ്രസിഡൻ്റ് എം എൽ അശ്വിന് എത്തുന്നതും കൈ വച്ചു തള്ളുന്നതും അതേസമയം തന്നെ ജീപ്പ് സുഗമമായി മുന്നോട്ട് എടുത്ത് പോകുന്നതുമായ ദൃശ്യങ്ങളാണ് സോഷ്യൽ മീഡിയയിൽ വൈറലാകുന്നത്. കാസർകോട് എത്തിയ വിദ്യാഭ്യാസ മന്ത്രി എൻ ഷംസുദ്ദീനെതിരെ നടന്ന പ്രതിഷേധത്തിലാണ് വൈറൽ സംഭവം ഉണ്ടായത്.

ആവേശകരമായ മുദ്രാവാക്യവുമായി ബിജെപി ജില്ലാ പ്രസിഡന്റ് മറ്റ് പ്രവർത്തകരെ അറസ്റ്റ് ചെയ്ത് കയറ്റിയ പോലീസ് ജീപ്പിന് പിന്നിലെ സ്റ്റെപ്പിനി ടയറിൽ പിടിച്ച് മുദ്രാവാക്യം വിളിക്കുന്നതും വാഹനം മുന്നോ‌ട്ടു പോകാൻ അനുവദിക്കില്ലെന്നു പറയുന്നതുമാണ് വീഡിയോയിലുള്ളത്. ഇത് സർക്കാർ വക സ്ഥലമാണെന്നും ഇവിടെ നിൽക്കാൻ ആർക്കും അവകാശമുണ്ടെന്നും ബിജെപി നേതാവ് പറയുന്നുണ്ടായിരുന്നു. ഈ വണ്ടി ഇവിടെ നിന്ന് എങ്ങനെ പോകുമെന്ന് കാണണമെന്ന് പറഞ്ഞ പ്രസിഡന്റ് പിന്നാലെ സവർക്കർ അനുകൂല മുദ്രാവാക്യങ്ങളും വിളിക്കാൻ തുടങ്ങി. ഈ സമയമെല്ലാം വാഹനം തടയാൻ ശ്രമിച്ചത് പിന്നിൽ നിന്നുകൊണ്ടാണെന്നു മാത്രം. ഇതോടെ യാതൊരു പ്രയാസവുമില്ലാതെ വാഹനം മുന്നിലേക്ക് എടുത്തപ്പോഴാണ് വാഹനം തടയാൻ മുന്നിൽ ആളുണ്ടായിരുന്നില്ല എന്ന് ജില്ലാ പ്രസിഡൻ്റിന് മനസിലാകുന്നത്. ആദ്യം മുന്നിൽ നിന്ന് വണ്ടി തടഞ്ഞിരുന്നെങ്കിലും ജില്ലാ പ്രസിഡന്റ് പിന്നിലേക്ക് പോയപ്പോൾ എല്ലാവരും അവരോടൊപ്പം പുറകിലേക്ക് പോകുകയായിരുന്നു. പിന്നാലെ, താൻ പുറകിൽ വന്നപ്പോൾ എല്ലാവരും പിന്നിൽ വന്നോ എന്നും വണ്ടി തടയാൻ മുന്നിൽ ആരെങ്കിലും നിൽക്കണ്ടെ എന്നും എംഎൽ അശ്വിനി ചോദിക്കുന്നതും വീഡിയോയിൽ വ്യക്തമാണ്.

വാഹനം പോയതിന് ശേഷം വീണ്ടും ജില്ലാ പ്രസിഡന്റ് മുദ്രാവാക്യം തുടരുകയായിരുന്നു. സവർക്കർ അനുകൂല ചോദ്യാവലി തയ്യാറാക്കിയ അധ്യാപകനെ സസ്‌പെൻഡ് ചെയ്തതിനായിരുന്ന വിദ്യാഭ്യാസ മന്ത്രിക്കെതിരെ ബിജെപി പ്രതിഷേധമുണ്ടായത്.

BREAKING NEWS
ശിവൻകുട്ടിക്ക് രാഷ്ട്രീയബോധം നഷ്ടപ്പെട്ടോ?? സിപിഐയെ അറിയില്ലെങ്കിൽ അത് അറിയാൻ ശ്രമിക്കണം, അനവസരത്തിൽ ആർക്കുവേണ്ടി എന്തിനുവേണ്ടിയാണ് ഇത്തരം പ്രസ്താവന നടത്തുന്നത്- ബിനോയ് വിശ്വം
20 Nov 2026
BREAKING NEWS
വടക്കഞ്ചേരിയിൽ സ്വകാര്യ ബസും ലോറിയും കൂട്ടിയിടിച്ചു; നിയന്ത്രണം വിട്ട് കാറിലും ബൈക്കിലും ഇടിച്ച് ലോറി; മുപ്പതോളം പേർക്ക് പരുക്ക്
20 Nov 2026
BREAKING NEWS
‘കണ്ണുതുറക്കാനാവാത്തത്ര പൂസ്, വണ്ടി നിറയെ കുപ്പികൾ‘; മദ്യലഹരിയിൽ പൊലീസുകാരന്റെ കാർ പാഞ്ഞുകയറി; 12-കാരി കാറിനടിയിൽ, ഗുരുതര പരുക്ക്; നാട്ടുകാർ പിടികൂടി
20 Nov 2026
BREAKING NEWS
'തിരിച്ചുവരുന്നത് വെറുമൊരു പത്മജ, തുറന്നിട്ട വാതിൽപ്പടിയിലേക്ക് കാലെടുത്തുവയ്ക്കും മുൻപേ തിരുത്തി പറയേണ്ട ചില രാഷ്ട്രീയ പ്രശ്നങ്ങളുണ്ട്, അതെല്ലാം തിരുത്തിപറഞ്ഞു തന്നെ വേണം പ്രവേശനോത്സവം!! ആങ്ങളയും പെങ്ങളും വീട്ടിലാണെന്നും തെരഞ്ഞെടുപ്പ് സമയത്ത് പ്രാർത്ഥിക്കാൻ അസുഖം വന്ന് കിടപ്പല്ലല്ലോയെന്നും പറഞ്ഞ...
20 Nov 2026