BREAKING NEWS

‘എട്ടിന്റെ പണി‘; റഷ്യൻ എണ്ണ വാങ്ങുന്ന രാജ്യങ്ങൾക്ക് 100% വരെ തീരുവ; ട്രംപ് ബിൽ ഒപ്പുവച്ചു, ഇന്ത്യയ്ക്കും ചൈനയ്ക്കും ഭീഷണി

· · 1 min read
Share: Copied!

വാഷിങ്ടൺ: റഷ്യയിൽനിന്ന് എണ്ണയും പ്രകൃതിവാതകവും വാങ്ങുന്ന രാജ്യങ്ങൾക്കെതിരെ കടുത്ത നടപടിക്ക് അമേരിക്കൻ പ്രസിഡന്റ് ഡൊണാൾഡ് ട്രംപിന് അധികാരം നൽകുന്ന റഷ്യ-ഇറാൻ ഉപരോധ ബില്ലിൽ ട്രംപ് ഒപ്പുവച്ചു. ഇതോടെ റഷ്യൻ ഊർജം വാങ്ങുന്ന പ്രധാന രാജ്യങ്ങളായ ഇന്ത്യയ്ക്കും ചൈനയ്ക്കും മേൽ 100 ശതമാനം വരെ അധിക തീരുവ ചുമത്താനുള്ള വഴി തുറന്നു. എന്നാൽ ഇന്ത്യയ്ക്കോ ചൈനയ്ക്കോ 100 ശതമാനം തീരുവ ഇപ്പോൾ തന്നെ ഏർപ്പെടുത്തിയിട്ടില്ല. അത് പ്രയോഗിക്കണമോ, എത്ര നിരക്കിൽ ഏർപ്പെടുത്തണമോ എന്നത് ട്രംപ് ഭരണകൂടത്തിന്റെ തീരുമാനമായിരിക്കും.

‘ലിൻഡ്സി ഒ. ഗ്രഹാം സാങ്ക്ഷനിങ് റഷ്യ ആൻഡ് ഇറാൻ ആക്ട് 2026’ എന്ന പേരിലുള്ള ബില്ലിലാണ് ട്രംപ് ഒപ്പുവച്ചത്. റഷ്യയുടെ യുദ്ധശ്രമങ്ങൾക്ക് ലഭിക്കുന്ന സാമ്പത്തിക പിന്തുണ കുറയ്ക്കുകയാണ് നിയമത്തിന്റെ പ്രധാന ലക്ഷ്യം. റഷ്യൻ സർക്കാർ ഉദ്യോഗസ്ഥർ, ബാങ്കുകൾ, ഊർജമേഖല, സൈനിക പ്രവർത്തനങ്ങളെ സഹായിക്കുന്ന വിദേശ സ്ഥാപനങ്ങൾ എന്നിവയ്ക്കെതിരെയും നിയമം ഉപരോധം ശക്തമാക്കുന്നു. റഷ്യയുടെ ഉപരോധങ്ങൾ മറികടന്ന് എണ്ണ കയറ്റുമതി നടത്താൻ സഹായിക്കുന്ന ‘ഷാഡോ ഫ്ലീറ്റ്’ കപ്പലുകൾക്കെതിരെയും നടപടിയുണ്ടാകും.

റഷ്യൻ എണ്ണയോ പ്രകൃതിവാതകമോ വാങ്ങുന്ന പ്രധാന രാജ്യങ്ങളുടെ ഉൽപ്പന്നങ്ങൾക്ക് 100 ശതമാനം വരെ തീരുവ ചുമത്താൻ പ്രസിഡന്റിന് നിയമം അധികാരം നൽകുന്നു. റഷ്യൻ ഉൽപ്പന്നങ്ങൾക്ക് 500 ശതമാനം വരെ തീരുവ ചുമത്താനുള്ള വ്യവസ്ഥകളും നിയമത്തിലുണ്ട്. റഷ്യയുമായി വ്യാപാരം നടത്തുന്ന രാജ്യങ്ങൾക്കും ഉപരോധം മറികടക്കാൻ സഹായിക്കുന്ന സ്ഥാപനങ്ങൾക്കും മേൽ സമ്മർദം ശക്തമാക്കുകയാണ് ലക്ഷ്യം.

റഷ്യയിൽനിന്ന് വലിയ തോതിൽ ക്രൂഡ് ഓയിൽ വാങ്ങുന്ന രാജ്യങ്ങളിലൊന്നാണ് ഇന്ത്യ. അതിനാൽ പുതിയ നിയമത്തിലെ വ്യവസ്ഥകൾ ഇന്ത്യയെയും നേരിട്ട് ബാധിക്കാവുന്നതാണ്. ചൈനയും റഷ്യൻ എണ്ണയുടെ പ്രധാന ഉപഭോക്താവാണ്. എന്നാൽ ഇന്ത്യയ്ക്കെതിരെ 100 ശതമാനം തീരുവ ചുമത്തുമെന്ന് അമേരിക്ക ഇതുവരെ പ്രഖ്യാപിച്ചിട്ടില്ല. ട്രംപ് അധികാരം ഉപയോഗിക്കാൻ തീരുമാനിച്ചാൽ മാത്രമേ പുതിയ തീരുവ പ്രാബല്യത്തിൽ വരൂ.

റഷ്യൻ എണ്ണ വാങ്ങുന്ന രാജ്യങ്ങളെ ലക്ഷ്യമിട്ട് 100 ശതമാനം വരെ തീരുവ ഏർപ്പെടുത്താനുള്ള വ്യവസ്ഥ ഉൾപ്പെടുത്തുന്നതിനെക്കുറിച്ച് നേരത്തെ തന്നെ അമേരിക്കൻ കോൺഗ്രസിൽ ചർച്ച നടന്നിരുന്നു. ഇന്ത്യ, ചൈന, യുഎഇ, തുർക്കിയെ ഉൾപ്പെടെയുള്ള രാജ്യങ്ങളുടെ പേരുകൾ പരാമർശിക്കുന്ന ഭേദഗതിയും അവതരിപ്പിച്ചിരുന്നു. എന്നാൽ ഈ ഭേദഗതി ഇന്ത്യയ്ക്ക് 100 ശതമാനം തീരുവ നേരിട്ട് ചുമത്തുന്ന വ്യവസ്ഥയല്ല; അത്തരം നടപടി സ്വീകരിക്കാൻ പ്രസിഡന്റിന് അധികാരം നൽകുന്നതാണ് പ്രധാനമായും നിയമത്തിന്റെ പ്രാധാന്യം.

ഇന്ത്യ-അമേരിക്ക വ്യാപാരബന്ധത്തിൽ പുതിയ അനിശ്ചിതത്വത്തിനും ഇത് വഴിവെച്ചേക്കും. റഷ്യൻ ക്രൂഡ് വാങ്ങുന്നതുമായി ബന്ധപ്പെട്ട് നേരത്തെയും ഇന്ത്യയ്ക്ക് അമേരിക്കൻ അധിക തീരുവ നേരിടേണ്ടിവന്നിരുന്നു. 2026 ഫെബ്രുവരിയിൽ ഇന്ത്യയിൽനിന്നുള്ള ഇറക്കുമതിക്ക് ഏർപ്പെടുത്തിയിരുന്ന അധിക 25 ശതമാനം തീരുവ അമേരിക്ക പിൻവലിച്ചിരുന്നു. അതേസമയം, ഇന്ത്യയിൽനിന്നുള്ള ഇറക്കുമതിക്ക് ബാധകമായ പരസ്പര തീരുവ 18 ശതമാനമായി കുറച്ചിരുന്നു.

പുതിയ നിയമം റഷ്യയ്ക്കെതിരായ ഉപരോധം ശക്തമാക്കുന്നതിനൊപ്പം ഇറാനെതിരായ നിലവിലുള്ള ഉപരോധ നടപടികളും നീട്ടുന്നു. റഷ്യയുടെ ഊർജ, പ്രതിരോധ മേഖലകൾക്കും റഷ്യൻ പ്രസിഡന്റ് വ്ലാദിമിർ പുടിനും മുതിർന്ന ഉദ്യോഗസ്ഥർക്കുമെതിരായ നടപടികളും നിയമത്തിന്റെ ഭാഗമാണ്.

BREAKING NEWS
പത്മജയെ പോലെ നാണവും നേരും നിലപാടും നെറിയും ഇല്ലാത്ത ജന്മങ്ങളെ പാർട്ടിയിലേക്ക് തിരിച്ചുകൊണ്ടുവരുന്നു, പിന്നെ എന്തുകൊണ്ട് രാഹുല്‍ മങ്കൂട്ടത്തിലിന് അവസരം കൊടുക്കുന്നില്ല?? സ്വന്തം നേതാക്കള്‍ തള്ളി പറഞ്ഞപ്പോഴും പാര്‍ട്ടിയ്‌ക്കെതിരെ ഒരക്ഷരം പോലും അയാള്‍ പറഞ്ഞിട്ടില്ല, പത്മജയോ?? അവരെ തിരിച്ചെടുക്കുന്ന...
20 Nov 2026
BREAKING NEWS
കോണ്‍ഗ്രസ് പ്രവര്‍ത്തകര്‍ തെരുവില്‍ കിടന്ന് പോരാടിയത് അധികാര കൊതി മൂത്ത് പാളയങ്ങള്‍ മാറി ചേക്കേറുന്ന പദ്മജമാര്‍ക്ക് വേണ്ടിയല്ല, പദ്മജ-പദ്മിനിമാര്‍ ബൂത്തുകളില്‍ പ്രവര്‍ത്തിക്കട്ടെ, സെലിബ്രേറ്റഡ് പ്രിവിലേജുകളുടെ കാലം കഴിഞ്ഞു, സാധാരണക്കാരായ പാര്‍ട്ടി പ്രവര്‍ത്തകര്‍ പരിഗണിക്കപ്പെടട്ടെ- അലോഷ്യസ് സേവ്യര്‍
20 Nov 2026
BREAKING NEWS
സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ചു, 32കാരിക്ക് ദാരുണാന്ത്യം
20 Nov 2026
BREAKING NEWS
രണ്ട് പെൺമക്കളുടെ അമ്മ, പക്ഷേ മുംബൈയിൽ 40 വർഷമായി ഒറ്റയ്ക്ക്; മരണത്തിനു പിന്നാലെ മക്കളെ തേടി പത്രപരസ്യം നല്കി അയൽവാസികൾ, നൊമ്പരമായി കുറിപ്പ്
20 Nov 2026