BREAKING NEWS

കഴിക്കാനൊന്നുമില്ല; കയറിയിരിക്കാൻ മുറിയില്ല; 14 മണിക്കൂർ കാത്തിരിപ്പ്; ഏഷ്യൻ ഗെയിംസിനെത്തിയ ഇന്ത്യൻ താരങ്ങൾ ജപ്പാനിൽ നേരിട്ട ദുരിതം

· · 1 min read
Share: Copied!

നഗോയ: ജപ്പാനിൽ നടക്കുന്ന ഏഷ്യൻ ഗെയിംസിനെത്തിയ ഇന്ത്യൻ കായികതാരങ്ങൾക്ക് താമസസൗകര്യം ലഭിക്കാൻ മണിക്കൂറുകളോളം കാത്തിരിക്കേണ്ടി വന്നതായി റിപ്പോർട്ട്. ജപ്പാനിലെത്തി നഗോയയിലെ ഗെയിംസ് വില്ലേജിൽ പ്രവേശിച്ച ഇന്ത്യൻ സംഘം മുറികൾക്കായി 14 മണിക്കൂറോളമാണ് കാത്തിരുന്നത്. ഇതിന് ശേഷമാണ് പലർക്കും താമസസൗകര്യം ലഭിച്ചത്.

ലഭിച്ച മുറികളിൽ പലതും താരങ്ങൾക്ക് പങ്കിട്ടെടുക്കേണ്ടി വന്നതായും റിപ്പോർട്ടുകളുണ്ട്. ചില താരങ്ങളെ താൽക്കാലികമായി ഹോട്ടലുകളിലേക്ക് മാറ്റുകയും ചെയ്തു. നിരവധി താരങ്ങളുടെയും ഉദ്യോഗസ്ഥരുടെയും പേരിൽ നേരത്തെ ബുക്ക് ചെയ്തിരുന്ന മുറികൾ പിന്നീട് റദ്ദാക്കിയ നിലയിലായിരുന്നുവെന്നും റിപ്പോർട്ടുകൾ പറയുന്നു.

ഇന്ത്യയ്ക്ക് പുറമെ വിയറ്റ്നാം, ചൈന, ദക്ഷിണ കൊറിയ, തായ്‌ലൻഡ് തുടങ്ങിയ രാജ്യങ്ങളിൽ നിന്നെത്തിയ സംഘങ്ങൾക്കും സമാനമായ താമസപ്രശ്നങ്ങൾ നേരിടേണ്ടിവന്നതായി റിപ്പോർട്ടുണ്ട്.

താമസസൗകര്യത്തിന് പുറമെ പരിശീലനത്തിനും ബുദ്ധിമുട്ടുകൾ നേരിടുന്നതായി താരങ്ങൾ പരാതിപ്പെട്ടു. ഷൂട്ടിങ് സംഘത്തിന് താമസസ്ഥലത്തുനിന്ന് പരിശീലന കേന്ദ്രത്തിലെത്താൻ രണ്ട് മണിക്കൂറിലധികം യാത്ര ചെയ്യേണ്ട സാഹചര്യമാണുള്ളത്. പരിശീലന വേദികളിൽ കുടിവെള്ളം ഉൾപ്പെടെയുള്ള അടിസ്ഥാന സൗകര്യങ്ങൾ ലഭ്യമല്ലെന്നും പരാതിയുണ്ട്.

മുൻ വർഷങ്ങളിൽ എല്ലാ കായികതാരങ്ങൾക്കുമായി ഒരൊറ്റ ഗെയിംസ് വില്ലേജ് ഒരുക്കിയിരുന്നെങ്കിൽ ഇത്തവണ ചെലവ് കുറയ്ക്കുന്നതിന്റെ ഭാഗമായി ക്രൂയിസ് കപ്പലുകളും ഹോട്ടലുകളും ഉൾപ്പെടെയുള്ള വിവിധ താമസസൗകര്യങ്ങളാണ് ഒരുക്കിയിരിക്കുന്നത്. 15,000 താരങ്ങളെയാണ് ആദ്യം പ്രതീക്ഷിച്ചിരുന്നത്. എന്നാൽ പങ്കെടുക്കുന്നവരുടെ എണ്ണം 17,000 ആയി ഉയർന്നതാണ് താമസസൗകര്യങ്ങളുമായി ബന്ധപ്പെട്ട ആശയക്കുഴപ്പത്തിന് കാരണമായതെന്നാണ് റിപ്പോർട്ടുകൾ.

തൃശ്ശൂരിൽ സ്വകാര്യ ബസിൽ നിന്ന് ഗർഭിണി തെറിച്ചുവീണ സംഭവം; ഡ്രൈവറും കണ്ടക്ടറും അറസ്റ്റിൽ, ജാമ്യമില്ലാവകുപ്പ് പ്രകാരം കേസ്; യുവതിയുടെ കാലിനും കൈയ്ക്കും മുഖത്തും പരിക്ക്

BREAKING NEWS
'മനഃപൂർവം ചെയ്തതാണ്, ആരെയും കൊല്ലാനല്ല, ഷോപ്പ് നശിപ്പിക്കാൻ'; കോഴിക്കോട് ഹ്യൂണ്ടായി ഷോറൂമിലേക്ക് അതിവേ​ഗത്തിൽ കാർ ഇടിച്ചു കയറ്റി; ഒഴിവായത് വൻ ദുരന്തം; ജീവനക്കാരെ ആക്രമിച്ചു; ഇടിപ്പിച്ച വാഹനത്തിൽ നാലുപേർ; മൂന്നുപേർ ഓടി രക്ഷപ്പെട്ടു; ഒരാൾ പിടിയിൽ
18 Nov 2026
BREAKING NEWS
ആശുപത്രിക്കെതിരെ വ്യാജവാർത്ത; പിൻവലിക്കാൻ 10 ലക്ഷം വാങ്ങി, ദൃശ്യങ്ങളും ശബ്ദരേഖയും പുറത്ത്; തിരുവനന്തപുരം ഡിസിസി അം​ഗം സുഹൈൽ ഷാജഹാൻ അറസ്റ്റിൽ; പിന്നാലെ നെഞ്ചുവേദന, അഭിനയമെന്ന് പോലീസ്
18 Nov 2026
BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026