BREAKING NEWS

ഇറാനിൽ എട്ട് വനിതകൾ വധശിക്ഷയുടെ വക്കിൽ ; നാല് പേർ പ്രക്ഷോഭ കേസുകളിലുൾപ്പെട്ടവർ; ആശങ്ക പ്രകടിപ്പിച്ച് രാജ്യാന്തര മനുഷ്യാവകാശ സംഘടനകൾ

· · 1 min read
Share: Copied!

ടെഹ്റാൻ: ഇറാനിലെ വിവിധ ജയിലുകളിൽ കഴിയുന്ന എട്ട് സ്ത്രീകളെങ്കിലും വധശിക്ഷാ കാത്ത് ദിനങ്ങൾ തള്ളി നീക്കുകയാണെന്ന് മനുഷ്യാവകാശ സംഘടനയായ എച്ച്ആർഎഎൻഎയുടെ റിപ്പോർട്ട്. ഇതിൽ നാല് പേർക്ക് ജനുവരിയിൽ രാജ്യത്ത് നടന്ന പ്രക്ഷോഭങ്ങളുമായി ബന്ധപ്പെട്ട കേസുകളിലാണ് വധശിക്ഷ വിധിച്ചിരിക്കുന്നത്. ഇവരിൽ രണ്ട് പേരുടെ വധശിക്ഷ ഇറാൻ സുപ്രീം കോടതി ശരിവെച്ചതായും പ്രാദേശിക മാധ്യമങ്ങൾ റിപ്പോർട്ട് ചെയ്തു.

ടെഹ്‌റാനിലെ ഈവിൻ ജയിലിൽ കഴിയുന്ന മറിയം ഹദവന്ദ്, മഹ്‌നാസ് ചാർദൗലി, ലൈല അബുൽഹസനി, തരാനെ റഹീമി എന്നിവരാണ് പ്രക്ഷോഭവുമായി ബന്ധപ്പെട്ട കേസുകളിൽ വധശിക്ഷ നേരിടുന്ന നാല് പേർ. നിരോധിത സംഘടനകളിൽ പ്രവർത്തിക്കുകയും സായുധ കലാപത്തിന് ശ്രമിക്കുകയും ചെയ്തെന്നതാണ് ഇവർക്കെതിരായ പ്രധാന കുറ്റം. പള്ളിക്ക് തീയിട്ടു, ബസിജ് സേനാംഗങ്ങളെ വധിക്കാൻ ഗൂഢാലോചന നടത്തി, പൊതുമുതൽ നശിപ്പിച്ചു തുടങ്ങിയ കുറ്റങ്ങളും ഇവർക്കെതിരെ ചുമത്തിയിട്ടുണ്ട്.

റഷ്തിലെ ലാക്കാൻ ജയിലിൽ കഴിയുന്ന 68കാരിയായ സഹ്‌റ ഷഹ്ബാസ് തബാരിയുടെ ആദ്യ വധശിക്ഷ സുപ്രീം കോടതി നേരത്തെ റദ്ദാക്കിയിരുന്നു. എന്നാൽ പുനർവിചാരണയ്ക്ക് ശേഷം ഇവർക്ക് വീണ്ടും വധശിക്ഷ വിധിച്ചു.

സുരക്ഷാ ലംഘനം, സൈനിക കേന്ദ്രങ്ങളുടെ ചിത്രങ്ങൾ വിദേശ മാധ്യമങ്ങൾക്ക് കൈമാറൽ, ഇറാന്റെ പരമോന്നത നേതാവിനെ അപമാനിക്കൽ തുടങ്ങിയ കുറ്റങ്ങൾ ചുമത്തി ബന്ദർ അബ്ബാസിൽ 32കാരിയായ സെവ്ദ (മർസിയ ഇബ്രാഹിം)ക്കും വധശിക്ഷ വിധിച്ചിട്ടുണ്ട്.

ഇവയിൽ അഞ്ച് കേസുകൾ ഇപ്പോഴും പ്രാഥമിക വിചാരണ ഘട്ടത്തിലാണെന്നും എച്ച്ആർഎൻഎ വ്യക്തമാക്കി. ബിത ഹെമ്മതി, വരീഷ മൊറാദി എന്നിവരുടെ വധശിക്ഷ സുപ്രീം കോടതി നേരത്തെ റദ്ദാക്കിയിരുന്നെങ്കിലും ഇവരുടെ കേസുകളിലെ വിചാരണ നടപടികൾ ഇതുവരെ പൂർത്തിയായിട്ടില്ല.

പ്രക്ഷോഭകരെയും രാഷ്ട്രീയ തടവുകാരെയും ലക്ഷ്യമിട്ട് ഇറാൻ അധികൃതർ വധശിക്ഷ നടപ്പാക്കുന്ന നടപടിക്കെതിരെ രാജ്യാന്തര മനുഷ്യാവകാശ സംഘടനകൾ കടുത്ത ആശങ്ക പ്രകടിപ്പിക്കുന്നുണ്ട്.

BREAKING NEWS
വലവിരിച്ചിരുന്ന് പൊലീസ്, ഒടുവിൽ യൂട്യൂബർ നിഷാന്തിനെ പിടുത്തം കിട്ടി; സേലത്തേക്ക് ബസിൽ യാത്ര ചെയ്യുന്നതിനിടെ അറസ്റ്റ്; കവർച്ച നടത്തിയത് കാമുകിക്ക് വേണ്ടി; വസ്ത്രങ്ങൾ കത്തിച്ചു കളഞ്ഞ് തെളിവുനശിപ്പിക്കാൻ സഹായിച്ചത് അച്ഛൻ
16 Nov 2026
BREAKING NEWS
ക്ഷേത്രദർശനത്തിന് കൊണ്ടുപോകാമെന്ന് പറഞ്ഞ് മുറിയിലേക്ക് വിളിച്ചുവരുത്തി, പിന്നാലെ പീഡനം, ഭയന്ന് വിറച്ച് പൊലീസ് സ്റ്റേഷനില്‍ അഭയം തേടി 14കാരന്‍, 52കാരനെതിരെ പോക്സോ കേസ്
16 Nov 2026
BREAKING NEWS
രക്തത്തിൽ കുളിച്ച നിലയിൽ ഇൻഡിഗോ ജീവനക്കാരിയുടെ മൃതദേഹം, മുഖംമൂടി സംഘം തങ്ങളെ ആക്രമിച്ചെന്ന് ആണ്‍സുഹൃത്ത്, യുവാവിനെ കസ്റ്റഡിയിലെടുത്തു
16 Nov 2026
BREAKING NEWS
യമുനയിൽ വെളുത്ത പത, അതിനിടയിൽ ഛഠ് പൂജ; ഡൽഹിയിൽ ബിജെപി-ആം ആദ്മി പോര്; ൻ ഭരണകാലത്ത് ഛഠ് പൂജയ്ക്ക് വിലക്കേർപ്പെടുത്തിയവർ ഇപ്പോൾ വിഷയത്തിൽ രാഷ്ട്രീയം കളിക്കുകയാണെന്ന് ബിജെപി
16 Nov 2026