തിരുവനന്തപുരം: സംസ്ഥാന കെഎസ് യുവിൽ കൂട്ട നടപടി. നാല് ജില്ലകളിൽ നിന്നുള്ള 87 ഭാരവാഹികൾക്ക് സസ്പെൻഷൻ. സംസ്ഥാന പ്രസിഡന്റ് അലോഷ്യസ് സേവിയർ നയിക്കുന്ന ലഹരി വിരുദ്ധ ബോധവത്ക്കരണ യാത്രയിൽ പങ്കെടുക്കാഞ്ഞതിനാണ് നടപടിയെന്നാണ് വിശദീകരണം. അതേസമയം മതിയായ കാരണം കാണിക്കാത്തവരെ സംഘടനയിൽ നിന്ന് പുറത്താക്കുമെന്നും അലോഷ്യസ് സേവിയർ പറഞ്ഞു.
കേരളത്തിലെ കോളേജ്ക്യാമ്പസുകൾ കേന്ദ്രീകരിച്ചുള്ള കെഎസ് യുവിൻറെ ലഹരി വിരുദ്ധ ബോധവത്ക്കരണ യാത്ര പുരോഗമിക്കുകയാണ്. സംസ്ഥാന പ്രസിഡന്റ് അലോഷ്യസ് സേവ്യർ നയിക്കുന്ന ക്യാമ്പസ് ജാഗരൺ യാത്ര കാസർകോട് ഗവ. ഐടിഐയിൽ നിന്നാണ് ആരംഭിച്ചത്. ഓരോ ജില്ലയിലും ഒരു ക്യാമ്പസ് എന്ന രീതിയിലാണ് യാത്ര. മാർച്ച് 19ന് തിരുവനന്തപുരം യൂണിവേഴ്സിറ്റി കോളജ് ക്യാംപസിലാണ് സമാപനം. ഇതോടനുബന്ധിച്ച് സംസ്ഥാന തലത്തിൽ കെഎസ് യു ലഹരി വിരുദ്ധ സേനയ്ക്ക് രൂപം നൽകും. ഓരോ ജില്ലയിൽ നിന്ന് അഞ്ച് വീതം പ്രതിനിധികളെ ഉൾപ്പെടുത്തിയാണ് ലഹരി വിരുദ്ധ സേന രൂപികരിക്കുക.
Related Post
