ഐപിഎൽ താരങ്ങൾക്ക് മൊത്തത്തിൽ മൂക്കുകയറിട്ട് ബിസിസിഐ, പരിശീലനം ഇനി നെറ്റ്സിൽ മാത്രം, പരസ്യക്കാരുടെ പരാതി മാനിച്ച് പരസ്യ ബോർഡുകളോടു ചേർന്ന് റിസർവ് താരങ്ങളും സപ്പോർട്ടിങ് സ്റ്റാഫും ഇരിക്കുന്നതിനും നിയന്ത്രണം

ഐപിഎൽ പെരുമാറ്റച്ചട്ടങ്ങൾ മൊത്തത്തിൽ പരിഷ്കരിച്ച് ബിസിസിഐ. മുൻപ് ഇന്ത്യൻ ടീമിന്റെ ഡ്രസിങ് റൂമിലും യാത്രകൾക്കും ഉൾപ്പെടെ പെരുമാറ്റച്ചട്ടം കൊണ്ടുവന്നിരുന്നു ഇന്ത്യൻ ക്രിക്കറ്റ് ബോർഡ് (ബിസിസിഐ). കളിക്കാരുടെ വസ്ത്രധാരണത്തിന് ഉൾപ്പെടെ കർശന നിയന്ത്രണവുമായാണ് ഐപിഎൽ 18–ാം സീസണ് തിരശീല ഉയരുന്നത്.

മത്സരത്തിനു മുൻപ് ടീമുകൾക്ക് പരിശീലനം നടത്താൻ നെറ്റ്സിന് ഉള്ളിൽ മാത്രമായിരിക്കും അനുമതി. നേരത്തെ ഗ്രൗണ്ടിന്റെ വിവിധ ഭാഗങ്ങളിൽ പരിശീലനം നടത്താനും പ്രധാന പിച്ച് ഒഴികെയുള്ള പിച്ചുകളിൽ കളിക്കാനും ടീമുകൾക്ക് അനുവാദമുണ്ടായിരന്നു. എന്നാൽ ഇത്തവണ പരിശീലനം നെറ്റ്സിന് ഉള്ളി‍ലേക്ക് ചുരുക്കാൻ ബിസിസിഐ തീരുമാനിച്ചു.

‘അതിനെക്കുറിച്ച് എന്നോട് ഒന്നും ചോദിക്കരുത്, എന്റെ വഴി വേറെയാണ്’…, സമരപ്പന്തലിൽ ആശ വർക്കർമാർക്ക് പൊങ്കാലക്കിറ്റെത്തിച്ച് സുരേഷ് ​ഗോപി, ഞങ്ങൾ ഇടുന്നത് പ്രതിഷേധ പൊങ്കാലയല്ല, മറിച്ച് സർക്കാരിന്റെ മനസ് മാറാനുള്ള പ്രാർഥനയാണെന്ന് ആശാ വർക്കർമാർ

Related Post

‘ പവർകട്ടിനിടെ ഓക്സിജൻ കോൺസെൻട്രേറ്റർ നിലച്ചു; ശ്വാസം കിട്ടാതെ രോഗി മരിച്ചു; പരാതിപ്പെട്ടപ്പോൾ ‘ഇൻവെർട്ടർ വാങ്ങിയില്ലേ’ എന്ന് കെഎസ്ഇബി ഉദ്യോഗസ്ഥരുടെ മറുപടി ‘ – സാമൂഹിക പ്രവർത്തക ചിത്ര അഭയ് രം​ഗത്ത്

July 17, 2026

‘അപ്രതീക്ഷിത ഊർജപ്രതിസന്ധി; കേരളം ഇതുവരെ നേരിട്ടിട്ടില്ലാത്ത സാഹചര്യം; സർക്കാർ മാറിയതുകൊണ്ടല്ല ഈ പ്രതിസന്ധി’ : കെഎസ്ഇബി ചെയർമാൻ

July 17, 2026

കെഎസ്‌യു പ്രവർത്തകരുടെ ചോരയും നീരും വിയർപ്പുമാണ് ഈ യുഡിഎഫ് സർക്കാർ, പ്ലീഡർ നിയമനത്തിൽ വീഴ്ച ഉണ്ടായി. മുഖ്യമന്ത്രിയെ കാണുമ്പോൾ ചിരിക്കുകയെന്നത് താൻ പഠിച്ച രാഷ്ട്രീയം, അദ്ദേഹം തന്നെ കണ്ടിട്ടുണ്ടോ ഇല്ലയോ എന്നറിയില്ല- അലോഷ്യസ് സേവ്യർ

July 17, 2026

എല്ലാ കാര്യങ്ങളും കെഎസ്‌യുവിനോടും യൂത്ത് കോൺഗ്രസിനോടും ആലോചിച്ച് തീരുമാനിക്കാൻ പറ്റുമോ?? സർക്കാർ ചെയ്യേണ്ടത് സർക്കാർ ചെയ്യും, വിമർശനം വിവാദമാക്കേണ്ട കാര്യമില്ല- മന്ത്രി റോജി എം ജോൺ

July 17, 2026

മാത്രമല്ല ബൗണ്ടറി ലൈനിന് പുറത്ത്, പരസ്യ ബോർഡുകളോടു ചേർന്ന് റിസർവ് താരങ്ങളും സപ്പോർട്ടിങ് സ്റ്റാഫും ഇരിക്കുന്നതിന് നിയന്ത്രണം ഏർപ്പെടുത്തി. താരങ്ങൾ ഇരിക്കുമ്പോൾ ബോർഡുകൾ മറയുന്നതായി പരസ്യക്കാർ പരാതി ഉന്നയിച്ചതോടെയാണ് പുതിയ തീരുമാനം.

മെഡിക്കൽ ഷോപ്പിൽ നിന്ന് മാറി നൽകിയ മരുന്ന് കുരുന്നിന്റെ കരളിനെ ബാധിച്ചു, കരൾ മാറ്റിവയ്ക്കാൻ ഡോക്ടർമാർ നിർദ്ദേശിച്ചതായി ബന്ധുക്കൾ

കൂടാതെ ടീമുകളുടെ ഡ്രസിങ് റൂമിൽ ഇത്തവണ താരങ്ങളുടെ കുടുംബാംഗങ്ങൾക്കോ, സുഹൃത്തുക്കൾക്കോ പ്രവേശനം അനുവദിക്കില്ല. മത്സരം കാണാൻ എത്തുന്ന താരങ്ങളുടെ ഭാര്യമാർ ഉൾപ്പെടെയുള്ളവർ സ്റ്റേഡിയത്തിൽ പ്രത്യേകം ഒരുക്കിയ ഹോസ്പിറ്റാലിറ്റി ഏരിയയിൽ ഇരിക്കണം. മാത്രമല്ല മത്സരത്തിനു മുൻപോ, ശേഷമോ ഗ്രൗണ്ടിലേക്ക് ഇറങ്ങാനും ഇവർക്ക് അനുവാദമുണ്ടാകില്ല.

നേരത്തെ സ്റ്റേഡിയത്തിലേക്കും തിരികെ ഹോട്ടലിലേക്കും പോകുന്ന ടീം ബസിൽ കളിക്കാരെ മാത്രമേ യാത്ര ചെയ്യാൻ അനുവദിക്കൂവെന്ന് നിർദ്ദേശം നൽകിയിരുന്നു. ടീം ബസിൽ അല്ലാതെ സ്വന്തം വാഹനത്തിൽ ഗ്രൗണ്ടിലേക്ക് വരാൻ കളിക്കാരെ അനുവദിക്കില്ല. കളിക്കാരുടെ കുടുംബാംഗങ്ങൾക്ക് നേരത്തെ ടീം ബസിൽ കയറാൻ അവസരമുണ്ടായിരുന്നു. ഇത്തവണ ആ ആനുകൂല്യവും നീക്കംചെയ്തു.

കൂടാതെ മത്സരശേഷമുള്ള സമ്മാനച്ചടങ്ങിൽ കളിക്കാർ സ്ലീവ്‌ലെസ് ടീ ഷർട്ടുകൾ അണിയുന്നതിന് ഇത്തവണ വിലക്കുണ്ട്. ഡ്രസിങ് റൂമിന് അകത്തിരിക്കുമ്പോൾ മാത്രമേ ഇനി സ്ലീവ്‌ലെസ് വസ്ത്രം ധരിക്കാൻ അനുവാദമുള്ളൂ. മാന്യമായ വസ്ത്രം ധരിച്ച് മാത്രം ഗ്രൗണ്ടിൽ ഇറങ്ങണമെന്നാണ് മറ്റൊരു പുതിയ നിർദേശം.

പുതിയ നിർദ്ദേശങ്ങൾ ഇങ്ങനെ:

1. ടീമുകൾക്ക് പ്രാക്ടീസ് ഏരിയയിൽ 2 നെറ്റുകളും മെയിൻ സ്‌ക്വയറിൽ റേഞ്ച് ഹിറ്റിംഗ് നടത്താൻ ഒരു സൈഡ് വിക്കറ്റും ലഭിക്കും. മുംബൈ വേദിയിൽ, രണ്ട് ടീമുകളും ഒരേ സമയം പരിശീലിക്കുകയാണെങ്കിൽ, ടീമുകൾക്ക് 2 വിക്കറ്റുകൾ വീതം ലഭിക്കും.

2. ഓപ്പൺ നെറ്റ് അനുവദിക്കില്ല.

3. ഒരു ടീം നേരത്തെ പരിശീലനം പൂർത്തിയാക്കിയാൽ, മറ്റ് ടീമിന് അവരുടെ പരിശീലനത്തിനായി വിക്കറ്റുകൾ ഉപയോഗിക്കാൻ അനുവാദമില്ല.

4. മത്സര ദിവസങ്ങളിൽ പരിശീലനത്തിന് അനുവാദമില്ല.

5. മത്സര ദിവസം മെയിൻ സ്‌ക്വയറിൽ ഫിറ്റ്‌നസ് പരിശോധന നടത്തില്ല.

6. പരിശീലന ദിവസങ്ങളിൽ (ടൂർണമെന്റിന് മുമ്പും ടൂർണമെന്റിലും), ഡ്രസ്സിംഗ് റൂമിലും കളിക്കളത്തിലും അംഗീകൃത ജീവനക്കാർക്ക് മാത്രമേ അനുമതിയുള്ളൂ. കളിക്കാരുടെ കുടുംബാംഗങ്ങൾക്കും സുഹൃത്തുക്കൾക്കും മറ്റൊരു വാഹനത്തിൽ യാത്ര ചെയ്യാനും ഹോസ്പിറ്റാലിറ്റി ഏരിയയിൽ നിന്ന് ടീം പരിശീലനം കാണാനും കഴിയും. വിപുലീകൃത സപ്പോർട്ട് സ്റ്റാഫിന്റെ (ത്രോ ഡൗൺ സ്പെഷ്യലിസ്റ്റ്/നെറ്റ് ബൗളർമാർ) പട്ടിക ബിസിസിഐയുടെ അംഗീകാരത്തിനായി സമർപ്പിക്കേണ്ടതുണ്ട്. അംഗീകാരം ലഭിച്ചുകഴിഞ്ഞാൽ, മത്സര ദിവസങ്ങളിലല്ലാത്തവർക്ക് അക്രഡിറ്റേഷനുകൾ നൽകും.

7. പരിശീലനത്തിനായി വരുമ്പോൾ കളിക്കാർക്ക് ടീം ബസ് ഉപയോഗിക്കണം. ടീമുകൾക്ക് രണ്ട് ബാച്ചുകളായി യാത്ര ചെയ്യാം.

8. പരിശീലനവുമായി ബന്ധപ്പെട്ട ഏതൊരു അഭ്യർത്ഥനയ്ക്കും, മത്സര ദിവസങ്ങളിലെ ഫിറ്റ്നസ് പരിശോധനയ്ക്കും, വേദി മാനേജർ പിഒസി ആയിരിക്കും.

മത്സര ദിവസം

1. പിഎംഒഎ അംഗീകൃത ജീവനക്കാർ മത്സര ദിവസം അവരുടെ അക്രഡിറ്റേഷൻ കൊണ്ടുവരേണ്ടത് നിർബന്ധമാണ്. ആദ്യ ഘട്ടത്തിൽ അക്രഡിറ്റേഷൻ കൈവശം വയ്ക്കാത്തതിൽ പരാജയപ്പെടുകയാണെങ്കിൽ, ഒരു മുന്നറിയിപ്പ് നൽകും. രണ്ടാമത്തെ ഘട്ടത്തിൽ, ടീമിന് പണം പിഴ ചുമത്തും.

2. ഹിറ്റിംഗ് നെറ്റ് നൽകിയിട്ടും, കളിക്കാർ എൽഇഡി ബോർഡുകളിൽ അടിക്കുന്നത് തുടരുന്നു. ടീമുകൾ അത് പാലിക്കണം

3. കളിക്കാരും സപ്പോർട്ട് സ്റ്റാഫും എൽഇഡി ബോർഡുകൾക്ക് മുന്നിൽ ഇരിക്കരുത്. ടവലുകളും വാട്ടർ ബോട്ടിലുകളും വഹിക്കുന്ന പകരക്കാർക്ക് ഇരിക്കാൻ കഴിയുന്ന സ്ഥലങ്ങൾ എഫ്ഒപിയിലുടനീളം സ്പോൺസർഷിപ്പ് ടീം അടയാളപ്പെടുത്തും.

4. കളിക്കാർ ഓറഞ്ച്, പർപ്പിൾ തൊപ്പികൾ ധരിക്കണം.

5. മത്സരാനന്തര പ്രസന്റേഷനിൽ, ഫ്ലോപ്പികളും സ്ലീവ്‌ലെസ് ജേഴ്‌സിയും അനുവദനീയമല്ല. അങ്ങനെ ചെയ്യുന്നതിൽ പരാജയപ്പെട്ടാൽ ആദ്യ തവണ മുന്നറിയിപ്പ് നൽകേണ്ടിവരും. രണ്ടാമത്തെ തവണ പിഴ ഈടാക്കും.

6. ഐപിഎൽ 2024 സീസണിന് സമാനമായി, മത്സര ദിവസങ്ങളിൽ, ടീം ഡോക്ടർ ഉൾപ്പെടെ 12 അംഗീകൃത സപ്പോർട്ട് സ്റ്റാഫുകളെ മാത്രമേ അനുവദിക്കൂ.