ഒരു ദിവസം സ്‌കൂളിൽ അപരിചിതനായ ഒരാൾ തന്നെ കാണാനെത്തി. അരികിൽ വന്ന്, തന്റെ സഹോദരിയാണ് തന്നെ പ്രസവിച്ച അമ്മ എന്നയാൾ വെളിപ്പെടുത്തി. അമ്പരപ്പും, ഞെട്ടലും ഒരുപോലെ അനുഭവിച്ച നിമിഷമായിരുന്നു അത്…തന്റെ ജീവിതത്തിൽ ജീവിതത്തിൽ തനിക്കുണ്ടായ ഞെട്ടിക്കുന്നതും അപൂർവവുമായ ഒരു വെളിപ്പെടുത്തൽ നടത്തിയിരിക്കുകയാണ് വെയിൽസിൽ നിന്നുള്ള 31 കാരി മേഗൻ ഫിലിപ്‌സ്. വർഷങ്ങളായി തന്റെയൊപ്പം ഉണ്ടായിരുന്ന, താൻ സ്വന്തം ചേച്ചിയെന്ന് കരുതിയ വ്യക്തി യഥാർത്ഥത്തിൽ തന്റെ പെറ്റമ്മയാണ് എന്ന സത്യം അറിഞ്ഞതിലെ അമ്പരപ്പാണ് യുവതി പങ്കുവയ്ക്കുന്നത്. തന്റെ മാതാപിതാക്കൾ എന്ന് യുവതി കരുതിയതാകട്ടെ സ്വന്തം മുത്തച്ഛനേയും മുത്തശിയേയും ആയിരുന്നു. അതായത് താൻ സഹോദരിയായി കരുതിയ മാതാവിന്റെ അച്ഛനേയും അമ്മയേയും.
സംഭവത്തെക്കുറിച്ച് യുവതിയുടെ വെളിപ്പെടുത്തൽ ഇങ്ങനെ- തന്റെ അമ്മയ്ക്ക് വെറും 14 വയസ് മാത്രമുള്ളപ്പോഴാണ് തന്നെ ഗർഭം ധരിച്ചതെന്നും 15ാം വയസിൽ തനിക്ക് ജന്മം നൽകിയെന്നും താൻ തിരിച്ചറിഞ്ഞത് വളരെ അപ്രതീക്ഷിതമായിട്ടാണ്. എന്നാൽ തനിക്ക് അമ്മയുടെ മാതാപിതാക്കളായി മുത്തച്ഛനേയും മുത്തശിയേയും കാണാനാകില്ലെന്നും അവർ തുടർന്നും തന്റെ മനസ്സിൽ മാതാപിതാക്കൾ തന്നെ ആയിരിക്കുമെന്നും യുവതി പറയുന്നു.
ഈ വിവരം അറിയാനുണ്ടായ സാഹചര്യം അമ്മയോ അവരുടെ അച്ഛനമ്മമാരോ അല്ല എന്നും യുവതി പറയുന്നു. ഒരു ദിവസം സ്‌കൂളിൽ നിന്നും ആ വേദനിപ്പിക്കുന്ന സത്യം മനസിലാക്കേണ്ടി വരികയായിരുന്നു. വളരെയേറെ സ്‌നേഹത്തോടെയാണ് താനും ‘സഹോദരി’യും വളർന്നത് എന്ന് യുവതി ഓർക്കുന്നു. എന്നാലും മുത്തച്ഛനും മുത്തശിയും അവരുടെ മകളായി തന്നെ യുവതിയെ വളർത്താൻ തീരുമാനിക്കുകയായിരുന്നു.
Related Post
തന്റെ ജീവിതം മാറിമറിഞ്ഞ വെളിപ്പെടുത്തലിനെ കുറിച്ചും അവർ പറഞ്ഞു. ഒരു ദിവസം സ്‌കൂളിൽ അപരിചിതനായ ഒരാൾ തന്നെ കാണാനെത്തി. അരികിൽ വന്ന്, തന്റെ സഹോദരിയാണ് തന്നെ പ്രസവിച്ച അമ്മ എന്നയാൾ വെളിപ്പെടുത്തി. അമ്പരപ്പും, ഞെട്ടലും ഒരുപോലെ അനുഭവിച്ച നിമിഷമായിരുന്നു അത്. അയാൾ പറഞ്ഞത് വിശ്വസിക്കാൻ ആദ്യം മേഗൻ തയ്യാറായില്ല. എന്നാൽ വീട്ടിലെത്തിയപ്പോൾ താനറിഞ്ഞ കാര്യത്തിന്റെ തെളിവ് സഹിതം തനിക്കു മുന്നിലെത്തിയെന്നും യുവതി പറയുന്നു.
