തിരുവനന്തപുരം: ബാലരാമപുരത്ത് അമ്മാവന് കിണറ്റിലെറിഞ്ഞു കൊലപ്പെടുത്തിയ രണ്ട് വയസുകാരിയുടെ അമ്മ ശ്രീതു സാമ്പത്തിക തട്ടിപ്പ് കേസില് അറസ്റ്റില്. ദേവസ്വം ബോര്ഡില് ഡ്രൈവര് ജോലി വാഗ്ദാനം ചെയ്ത് പണം തട്ടിയെന്ന പരാതിയിലാണ് അറസ്റ്റ്. ദേവസ്വം ബോര്ഡ് സെക്ഷന് ഓഫീസറെന്ന പേരില് ഇവര് ഷിജു എന്നയാള്ക്ക് നിയമന ഉത്തരവ് കൈമാറി 10 ലക്ഷം രൂപ തട്ടിയെടുത്തുവെന്നാണ് പരാതി. ഇതടക്കം പത്ത് പരാതികളാണ് haലീസിന് കിട്ടിയത്.മറ്റ് പരാതികളില് അന്വേഷണം നടക്കുകയാണെന്ന് എസ്പി കെഎസ് സുദര്ശന് അറിയിച്ചു.
ദേവേന്ദുവിനെ കൊലപ്പെടുത്തിയത് സംബന്ധിച്ചുള്ള ദുരൂഹത നാലാം ദിനവും തുടരുകയാണ്. കുഞ്ഞിനെ അമ്മാവന് കൊലപ്പെടുത്തിയത് എന്തിനെന്ന ചോദ്യത്തിന് അന്വേഷണം തുടരുന്നതിനിടെയാണ് അമ്മക്കെതിരെ സാമ്പത്തിക തട്ടിപ്പില് പോലീസ് കേസെടുത്തത്. ദേവസ്വം ബോര്ഡിലെ ജീവനക്കാരി എന്നായിരുന്നു ശ്രീതു നാട്ടുകാരോട് പറഞ്ഞിരുന്നത്. കരാര് അടിസ്ഥാനത്തില് പോലും ദേവസ്വം ബോര്ഡില് ജോലി ചെയ്തിട്ടില്ലാത്ത ശ്രീതു, ജോലി വാഗ്ദാനം ചെയ്താണ് പലരില് നിന്നുമായി പണം തട്ടിയത്.
Related Post
ജോലി വാഗ്ദാനം ചെയ്ത് പല തവണകളായി 10 ലക്ഷം രൂപ ശ്രീതു തട്ടിയെന്നാണ് ബാലരാമപുരം സ്വദേശിയുടെ പരാതി. വിശ്വാസവഞ്ചന, സാമ്പത്തിക തട്ടിപ്പ്, വ്യാജരേഖ ചമക്കല് എന്നീ വകുപ്പുകളാണ് ശ്രീതുവിനെതിരെ ചുമത്തിയത്. തട്ടിപ്പില് ഇടനിലക്കാരെ കേന്ദ്രീകരിച്ചും അന്വേഷണം തുടരുകയാണ്. നേരത്തെ പോലീസ് ചോദ്യം ചെയ്ത് വിട്ടയച്ച, കരിക്കകം സ്വദേശിയായ ജ്യോത്സന് ദേവിദാസന് ഈ ഇടപാടുകളില് പങ്കുണ്ടോ എന്ന് സംശയിക്കുന്നുണ്ട്.
അതേസമയം സാമ്പത്തിക തട്ടിപ്പുകള്ക്ക്, കുഞ്ഞിന്റെ കൊലപാതകവുമായി ബന്ധമുണ്ടോ എന്നും പരിശോധിക്കുന്നുണ്ട്. കൊലക്കേസില് റിമാന്ഡില് കഴിയുന്ന ഹരികുമാറിനെ തിങ്കളാഴ്ച കസ്റ്റഡിയില് വാങ്ങും. മാനസിക ആരോഗ്യ വിദഗ്ധരുടെ നേതൃത്വത്തില് ഇയാളെ ചോദ്യം ചെയ്യാനാണ് നീക്കം. അടിക്കടി ഇയാള് മൊഴി മാറ്റിയതും, മാനസിക അസ്വാസ്ഥ്യം പ്രകടിപ്പിച്ചതും പോലീസിനെ വെട്ടിലാക്കിയിരിന്നു.
