BREAKING NEWS

ഇല ശേഖരിക്കാന്‍ വനത്തില്‍ പോയ ദമ്പതികളെ വളഞ്ഞ് കരടിക്കൂട്ടം, ഭര്‍ത്താവിനെ കടിച്ചു കീറി, കോടാലികൊണ്ട് കരടിയെ വെട്ടിയിട്ട് ഭാര്യ

· · 1 min read
Share: Copied!

ഭുവനേശ്വർ: ഭർത്താവിനെ കടിച്ചുകീറിയ കരടിയെ കോടാലികൊണ്ട് വെട്ടിപ്പരിക്കേൽപ്പിച്ച് ഭര്‍ത്താവിന്റെ ജീവൻ രക്ഷിച്ച് ഭാര്യ.  ഒഡീഷയിലെ മയൂർഭഞ്ച് ജില്ലയിലെ ഹാതിസാലബേദ വനത്തിലായിരുന്നു സംഭവം. മയൂർഭഞ്ചിലെ മിലു ഗ്രാമത്തിൽ താമസിക്കുന്ന ഗോത്രവിഭാഗക്കാരായ മാൾഡെ സോറനും(48) ഭാര്യ ലിലി സോറനും(41) ഇലകളും മറ്റും ശേഖരിക്കാനായാണ് വനത്തിൽ പോയത്.

ഉൾവനത്തിൽ എത്തിയപ്പോഴാണ് ഇവർക്കുമുന്നിൽ കരടിക്കൂട്ടം പ്രത്യക്ഷപ്പെട്ടത്. ആറ് കരടികളാണ് ദമ്പതിമാരുടെ മുന്നിലുണ്ടായിരുന്നത്. തൊട്ടുപിന്നാലെ കരടികളിലൊന്ന് മാൾഡെ സോറന് നേരേ ചാടിവീണ് കടിച്ചുകീറി. ഇതോടെയാണ് ഒപ്പമുണ്ടായിരുന്ന ലിലി സോറൻ ഭർത്താവിനെ രക്ഷിക്കാൻ ശ്രമിച്ചത്.

കരടികളുടെ ആക്രമണത്തിൽ ഭയന്ന് പിന്തിരിഞ്ഞോടാൻ ശ്രമിക്കാതെ ലിലി സോറൻ ഭർത്താവിന്റെ പ്രാണൻ രക്ഷിക്കാൻ മുന്നിട്ടിറങ്ങി. ഒട്ടുംവൈകാതെ തന്റെ കൈയിലുണ്ടായിരുന്ന കോടാലി കൊണ്ട് ലിലി സോറൻ കരടിയെ തിരിച്ച് ആക്രമിച്ചു. വെട്ടേറ്റതോടെ കരടി മാൾഡെയെ ആക്രമിക്കുന്നതിൽനിന്ന് പിന്തിരിഞ്ഞു. പിന്നാലെ മുറിവേറ്റ കരടിയും മറ്റുകരടികളും വനത്തിനുള്ളിലേക്ക് ഓടിമറഞ്ഞു. ആക്രമണത്തിൽ ഗുരുതരമായി പരിക്കേറ്റ മാൾഡെ സോറനെ ആദ്യം കരഞ്ജിയ സർക്കാർ ആശുപത്രിയിലും പിന്നീട് വിദഗ്ധ ചികിത്സയ്ക്കായി കിയോഞ്ചാർ ജില്ലാ ആശുപത്രിയിലേക്കും മാറ്റി.

BREAKING NEWS
കുഞ്ഞ് കരഞ്ഞത് ഇഷ്ടപ്പെട്ടില്ല, കുട്ടിയെ പിടിച്ചുവലിച്ച് മുഖം തറയില്‍ അടിച്ചു, രണ്ടാമത്തെ അടിയോടെ അനക്കം ഇല്ലാതായി, തടയാന്‍ ശ്രമിച്ച മൂത്തമകളെയും മര്‍ദിച്ചു, ഒന്നരവയസുകാരിയുടെ കൊലപാതകത്തില്‍ കൂടുതല്‍ വിവരങ്ങള്‍ പുറത്ത്
16 Nov 2026
BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026
BREAKING NEWS
മാർക്കറ്റ് ഗേറ്റ് ചാടിക്കടന്ന് അടക്ക മോഷണം; 3.64 ലക്ഷം രൂപയുടെ 16 ചാക്ക് കവർന്ന പ്രായപൂർത്തിയാകാത്ത രണ്ടുപേരടക്കം അഞ്ചംഗ സംഘം പിടിയിൽ
16 Nov 2026