മാനന്തവാടി: വെറും അഞ്ച് മീറ്റർ മാത്രം അകലെ നരഭോജി കടുവ… ഓർക്കാൻ പോലുമാകാത്ത ഞെട്ടലിലാണ് പണ്ട്യത്തുംപറമ്പിൽ റിജോയും കുടുംബവും. പിലാക്കാവിൽ നിന്ന് പഞ്ചാരക്കൊല്ലിക്ക് പോകുന്ന വഴിയിലാണ് റിജോയുടെ വീട്. വീടിന്റെ പിറകുവശം കാടാണ്. ഇതിന്റെ 5 മീറ്റർ മാത്രം അകലെയാണ് കടുവയുടെ ജഡം കണ്ടത്. ‘‘പുലർച്ചെ രണ്ടര മുതൽ വനംവകുപ്പ് ഉദ്യോഗസ്ഥർ വീടിനു സമീപത്തെത്തിയിരുന്നതായി റിജോ പറഞ്ഞു.
അഞ്ചു മണിയോടെ കൂടുതൽ വനംവകുപ്പ് ഉദ്യോഗസ്ഥർ എത്തി. ഇതിനു ശേഷമാണ് കടുവയെ കണ്ടെത്തിയ കാര്യം വനംവകുപ്പ് ഞങ്ങളെ അറിയിച്ചത്. ആരെയും അറിയിക്കരുതെന്നും വീഡിയോ എടുക്കരുതെന്നും വനംവകുപ്പ് ഉദ്യോഗസ്ഥർ പറഞ്ഞു.
പഞ്ചാരക്കൊല്ലിയെ വിറപ്പിച്ച നരഭോജിക്കടുവ ചത്ത നിലയിൽ, കഴുത്തിൽ ആഴത്തിലുള്ള മുറിവ്, കടുവകൾ തമ്മിലുള്ള ആക്രമണത്തിലാണോ മുറിവു പറ്റിയതെന്ന് സംശയം
നേരം വെളുത്തപ്പോഴാണ് വീടിനു തൊട്ടടുത്താണ് കടുവ ചത്തു കിടക്കുന്നതെന്ന വിവരം മനസിലാക്കിയത്. ആദ്യം ഞെട്ടലുണ്ടായെങ്കിലും പിന്നീട് വലിയ ആശ്വാസമായി’’ – റിജോ പറഞ്ഞു. ദിവസങ്ങളായി ഉറക്കം കെടുത്തിക്കൊണ്ടിരുന്ന നരഭോജി കടുവ ചത്തതോടെ പിലാക്കാവിൽ നാട്ടുകാർ മധുരം വിതരണം ചെയ്തു. സമരം നടത്തിയ നാട്ടുകാർക്ക് അഭിവാദ്യങ്ങൾ അർപ്പിച്ച് മുദ്രാവാക്യം വിളിയും ഉയർന്നു. അതേസമയം കടുവ ചത്തുവെങ്കിലും രണ്ടാംഘട്ട തെരച്ചിൽ ആരംഭിക്കുമെന്ന് മന്ത്രി എകെ ശശീന്ദ്രൻ പറഞ്ഞു.
Related Post
