ഷെയ്ക്ക് ഹാൻഡിനായി കൈനീട്ടി, മൈൻഡ് ചെയ്തില്ല… എന്നാ പിന്നെ വിടാൻ പറ്റുമോ?… തോൽപിച്ചു കയ്യിൽകൊടുത്തില്ലെ പെൺകൊച്ച്… ഹസ്തദാനം നൽകാൻ വിസമ്മതിച്ച ഉസ്ബെക്കിസ്ഥാൻ ഗ്രാൻഡ് മാസ്റ്ററെ തോൽപിച്ച് ഇന്ത്യൻ താരം ആർ വൈശാലി, വിവാദമായതോടെ മാപ്പ് പറഞ്ഞ് ഉസ്ബെക്കിസ്ഥാൻ താരം, ഹസ്തദാനം നൽകാത്തതിനു പിന്നിൽ മതപരമായ കാരണങ്ങളാണെന്ന് വിശദീകരണം

വിക് ആൻ സീ (നെതർലൻഡ്സ്): ഏതു മത്സരമായാലും പരസ്പരമുള്ള ബഹുമാനമായി ഹസ്തദാനം പതിവാണ്. അങ്ങനെ ഒരു ഹസ്തദാനത്തിനു കൈനീട്ടിയതായിരുന്നു ഇന്ത്യൻ ഗ്രാൻഡ് മാസ്റ്റർ ആർ വൈശാലി. എന്നാൽ എതിരാളി അതു ​ഗൗനിച്ചില്ല. ചെസ് മത്സരത്തിനു മുന്നോടിയായി ഉസ്ബെക്കിസ്ഥാനിൽ നിന്നുള്ള ഗ്രാൻഡ് മാസ്റ്റർ നോദിർബെക് യാക്കുബോയെവാണ് എതിരാളിയായ ഇന്ത്യൻ വനിതാ താരത്തിന് ഹസ്തദാനം നൽകാൻ വിസമ്മതിച്ചത്. നെതർലൻഡ്സിലെ വിക് ആൻ സീയിൽ നടക്കുന്ന ടാറ്റ സ്റ്റീൽ മാസ്റ്റേഴ്സ് ചെസ് ടൂർണമെന്റിനിടെയാണ് സംഭവം.

യാക്കുബോയെവിനെതിരായ നാലാം റൗണ്ട് മത്സരത്തിനു മുന്നോടിയായാണ്, പതിവുള്ള ഹസ്തദാനത്തിനായി വൈശാലി കൈ നീട്ടിയത്. എന്നാൽ, കൈ നീട്ടിയെ വൈശാലിയെ അവഗണിച്ച് യാക്കുബോയെവ് എതിരെയുള്ള കസേരയിൽ ഇരിക്കുന്നതായിരുന്ന ദൃശ്യങ്ങൾ ഇതിനോടകം വൈറലായിക്കഴിഞ്ഞു. ഏതായാലും ഹസ്തദാനത്തിന് വിസമ്മതിച്ച യാക്കുബോയെവിനെ വൈശാലി തോൽക്കുക തന്നെ ചെയ്തു. മത്സരത്തിനു ശേഷം യാക്കുബോയെവിന് ഹസ്തദാനം നൽകാൻ വൈശാലി തയാറായതുമില്ല. ഇരുപത്തിമൂന്നുകാരനായ താരത്തിന് 2019ലാണ് ഗ്രാൻഡ് മാസ്റ്റർ പദവി ലഭിച്ചത്. ചാലഞ്ചേഴ്സ് വിഭാഗത്തിൽ എട്ടു റൗണ്ടുകൾ പൂർത്തിയാകുമ്പോൾ മൂന്നു പോയിന്റാണ് യാക്കുബോയെവിന്റെ സമ്പാദ്യം.

😰 Nouveau scandale dans le monde des échecs ♟ Dans le tournoi Challengers du Tata Steel Chess, le joueur ouzbek arrive en retard et refuse de serrer la main de la joueuse indienne.

Le grand-maître Nodirbek Yakubboev (UZB, 2659) affrontait la grand-maître R Vaishali (IND, 2476)… pic.twitter.com/UyIO1aZoRm

— Échecs & Stratégie (@Chess_Strategy) January 26, 2025

Related Post

ഒരു വ്യക്തിയെ ചുറ്റിപ്പറ്റിയുള്ള വിവാദം കേരള രാഷ്ട്രീയത്തെ എങ്ങനെ ബാധിക്കുന്നു? അർജുൻ ആയങ്കിയും അദ്ദേഹത്തിന്റെ രാഷ്ട്രീയ പശ്ചാത്തലവും സ്വർണക്കടത്ത് ആരോപണങ്ങളും പുതിയ പൊലീസ് നടപടികളും കേരള രാഷ്ട്രീയത്തിൽ എന്ത് പ്രത്യാഘാതമാണ് സൃഷ്ടിക്കുന്നത്?

August 9, 2026

ട്രംപിന്റെ വാക്കിന് പുല്ലുവില നൽകി നെതന്യാഹു… ‘എന്തു പറഞ്ഞാലും ഹമാസ് നിരായുധീകരിക്കുന്നതുവരെ ഒരിഞ്ചുപോലും പിന്നോട്ടു പോകില്ല’… ട്രംപ് മുന്നോ‌ട്ട് വച്ച 15 ഇന സമാധാന പദ്ധതി തള്ളി ഇസ്രയേൽ!! നമ്മുടെ സേനയ്ക്കും നമ്മുടെ പൗരന്മാർക്കും എതിരായ ഭീഷണികൾ തടയുന്നത് തുടരും- നെതന്യാഹു

August 9, 2026

‘കാറിന്റെ ഗ്ലാസ് അടച്ചിരുന്നില്ലെങ്കിൽ എന്റെ തല പിളർന്നേനെ, ഞാൻ മരിച്ചുപോകുമായിരുന്നു, ഇതുപോലൊരു ആക്രമണം ഞാൻ മുമ്പ് നേരിട്ടിട്ടില്ല’- മമത ബാനർജി!! പോലീസ് കസ്റ്റഡിയിൽ മരിച്ച യുവാവിന്റെ വീട് സന്ദർശിക്കാനിറങ്ങിയ മമതയുടെ വാഹനത്തിനു നേരെ ആക്രമണം, കല്ലും കുപ്പികളും ചെളിയും വലിച്ചറിഞ്ഞ് അക്രമികൾ

August 9, 2026

ഖാരി സയീദ് അബ്ദുൽ അസീസിനെ വിഷം കൊടുത്ത് കൊലപ്പെടുത്തിയതോ? പള്ളിയിലേക്ക് പോകുന്നതിനിടെ ഹോട്ടലിൽ കയറി ഭക്ഷണം കഴിച്ചു, പിന്നാലെ ലഷ്കർ കമാൻഡർ കുഴഞ്ഞുവീണു മരിച്ചു

August 9, 2026

അതേസമയം, സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാവുകയും വിവാദം ഉടലെടുക്കുകയും ചെയ്തതോടെ, മതപരമായ കാരണങ്ങളാലാണ് വൈശാലിക്ക് ഹസ്തദാനം നൽകാതിരുന്നതെന്ന് ഉസ്ബെക്കിസ്ഥാൻ താരം വ്യക്തമാക്കി. വൈശാലിയെ അപമാനിക്കാൻ ഉദ്ദേശിച്ചിരുന്നില്ലെന്നും, അന്യസ്ത്രീയെ സ്പർശിക്കുന്ന കാര്യത്തിൽ മതപരമായ വിലക്കുള്ളതിനാലാണ് ഹസ്തദാനം നൽകാതെ പിൻവാങ്ങിയതെന്നുമാണ് താരത്തിന്റെ വിശദീകരണം. തന്റെ പ്രവൃത്തി വൈശാലിക്ക് അപമാനകരമായെങ്കിൽ ക്ഷമ ചോദിക്കുന്നുവെന്നും അദ്ദേഹം വ്യക്തമാക്കി.

‌താൻ വൈശാലിക്ക് ഹസ്തദാനം നൽകാതിരുന്നതിന്റെ ദൃശ്യങ്ങൾ വൻ തോതിൽ പ്രചരിച്ചതോടെയാണ്, എക്സിൽ സുദീർഘമായ കുറിപ്പ് പങ്കുവച്ച് യാക്കുബോയെവ് തന്റെ ഭാഗം വിശദീകരിച്ചത്. വൈശാലിയോടും സഹോദരനും ചെസ് താരവുമായ ആർ പ്രഗ്‌നാനന്ദയോടും തനിക്ക് വലിയ ബഹുമാനമുണ്ടെന്ന് യാക്കുബോയെവ് കുറിച്ചു. തികച്ചും മതപരമായ കാരണങ്ങളാലാണ് വൈശാലിക്ക് ഹസ്തദാനം നൽകാതിരുന്നതെന്നും അദ്ദേഹം വ്യക്തമാക്കി.

അനധികൃത കുടിയേറ്റക്കാർക്കെതിരെ തേടി മുക്കിലും മൂലയിലുംവരെ പരിശോധന, ആരാധനയാലയങ്ങളും ട്രംപിന്റെ ഹോംലാൻഡ് സെക്യൂരിറ്റി ഡിപ്പാർട്ട്‌മെന്റ് വെറുതെ വിടുന്നില്ല, ഗുരുദ്വാരകൾ സിഖ് വിഘടനവാദികളുടെയും അനധികൃത കുടിയേറ്റക്കാരുടെയും കേന്ദ്രമായി മാറുന്നു, സർക്കാർ സുരക്ഷാ ഏജൻസികളുടെ കൈകെട്ടിയിട്ടില്ലെന്ന് സെക്യൂരിറ്റി ഉദ്യോ​ഗസ്ഥർ