കഴകം ജോലി​ക്ക് ഈഴവ സമുദായക്കാര‌ൻ, കൂടൽമാണിക്യം ക്ഷേത്രത്തിൽ തന്ത്രിമാരുടെ സമരം, മാരത്തൺ ചർച്ചകൾ പരാജയപ്പെട്ടതോടെ കഴകക്കാരന് തസ്തികമാറ്റം

കൊച്ചി: കേരള ദേവസ്വം റിക്രൂട്ട്മെന്റ് ബോർഡ് വഴി കഴകം ജോലി​ക്ക് ഈഴവ സമുദായക്കാരനെ നിയമിച്ചതിൽ പ്രതിഷേധിച്ച് ഇരിങ്ങാലക്കുട കൂടൽമാണിക്യം ക്ഷേത്രത്തിൽ തന്ത്രിമാരുടെ ‘സമരം”. റിക്രൂട്ട്മെന്റ് ബോർഡ് വഴി കഴകക്കാരൻ ചുമതലയേറ്റതോടെ ഫെബ്രുവരി​ 24 മുതൽ ‌തന്ത്രിമാർ ക്ഷേത്രം ബഹി​ഷ്കരി​ച്ചു. കഴകക്കാരനെ മാറ്റി​യശേഷം ഇന്നലെ രാവി​ലെ പ്രതി​ഷ്ഠാ ചടങ്ങുകൾക്ക് മുന്നോടി​യായ ശുദ്ധി​ക്രി​യകൾക്ക് തന്ത്രി​മാർ തയ്യാറായത്.

സമരത്തോടെ തന്ത്രി​മാരും കൂടൽമാണിക്യം ദേവസ്വം മാനേജ്മെന്റ് കമ്മിറ്റിയുമായി വ്യാഴാഴ്ച മൂന്നു മുതൽ രാത്രി 9വരെ നടന്ന മാരത്തൺ ചർച്ചകൾക്കുശേഷം കഴകം തസ്തികയിലുള്ള ഈഴവ സമുദായാംഗമായ മാലകെട്ടുകാരനെ ഓഫീസ് അറ്റൻഡന്റാക്കി​​. അടിച്ചുതളിക്കാരനായ പിഷാരടി സമുദായാംഗത്തിന് പകരം ചുമതല നൽകിയതോടെ ചർച്ചകൾക്കു പര്യവസാനം.

കേരളത്തി​ലെ ഏറ്റവും പുരാതനമായ ക്ഷേത്രങ്ങളിൽപ്പെട്ടതാണ് കൂടൽമാണിക്യം. ഭരതനാണ് പ്രതി​ഷ്ഠ. ആറ് തന്ത്രി കുടുംബങ്ങളിലെ തന്ത്രിമാർ മാറിമാറിയാണ് ചുമതലയെടുക്കുക. നാളെയാണ് പ്രതി​ഷ്ഠാദി​നം. ഇതി​​ന് മുന്നോടി​യായി​ തന്ത്രി​പൂജകൾ പതി​വുള്ളതാണ്. സംസ്ഥാനത്തെ അഞ്ച് ദേവസ്വം ബോർഡുകളി​ലൊന്നായ കൂടൽമാണി​ക്യം ദേവസ്വത്തി​ൽ സർക്കാർ നാമനി​ർദ്ദേശം ചെയ്യുന്ന ഏഴു പേരാണ് അംഗങ്ങൾ. ഇതി​ലൊരാൾ തന്ത്രി​മാരുടെ പ്രതി​നി​ധി​യാണ്. ആറു പേർ ഇടതുപക്ഷക്കാരും. പ്രതി​ഷ്ഠാദി​നവും ഉത്സവച്ചടങ്ങുകളും ബഹി​ഷ്കരി​ക്കുമെന്ന തന്ത്രി​മാരുടെ ഭീഷണി​ക്ക് മുന്നി​ൽ ബോർഡ് കീഴടങ്ങി. പി​ന്നാക്ക സമുദായാംഗമായ ചെയർമാനും സവർണസമുദായത്തി​ൽപ്പെട്ട ഒരംഗവും മാത്രമാണ് തന്ത്രി​മാരെ എതി​ർത്തത്. പട്ടി​കജാതി​ പ്രതി​നി​ധി​ ഹാജരായി​രുന്നി​ല്ല.

Related Post

“നീങ്കൾ മമ്മൂട്ടി സാറാ? എന്നെ ഫോളോ സൈ ”; യാത്രയ്ക്കിടെ പുലർച്ചെ മൂന്നരയ്ക്ക് ​വഴിതെറ്റിയ മമ്മൂട്ടിയെ 10 കിലോമീറ്ററോളം ബൈക്കുമെടുത്ത് കൂടെചെന്ന് ശരിയായ റോഡ് കാണിച്ചു കൊടുത്ത് തമിഴ് നാട്ടുകാരൻ പാണ്ഡ്യൻ

August 16, 2026

കുമളിയിൽ 16 കാരി ആത്മഹത്യ ചെയ്ത സംഭവത്തിൽ പിതാവിന്റെ മുൻ ഡ്രൈവർ അറസ്റ്റിൽ; പല സ്ഥലങ്ങളിലും കൊണ്ടുപോയി പെൺകുട്ടിയെ പീഡിപ്പിച്ചുവെന്ന് കുറ്റസമ്മതം; പോസ്റ്റുമോർട്ടത്തിൽ പെൺകുട്ടി ലൈം​ഗിക പീഡനത്തിന് ഇരയായതായി കണ്ടെത്തിയിരുന്നു

August 16, 2026

ബിജെപിയുടെ കാശ് കൊണ്ട് കാർ എടുത്താൽ ഇടിച്ച് നശിക്കും, മോഷ്ടിച്ചവനെയൊന്നും ദൈവം വെറുതെ വിടുകേല, ഞാനാണ് പ്രാകുന്നത്’…പൂഞ്ഞാറിൽ നടന്നത് വൻ തട്ടിപ്പ്, നേതൃത്വം നൽകിയത് സജി കുരിക്കാട്, പ്രചരണത്തിനായി നാല് കോടി 45 ലക്ഷം രൂപ ചെലവായെന്ന കണക്കാണ് തനിക്ക് തന്നത്, അന്വേഷിച്ചപ്പോൾ പലരിലേക്കും ആ കാശ് എത്തിയില്ലെന്ന് മനസിലായി- പിസി ജോർജ്

August 16, 2026

‘അതങ്ങനെയാ, ഖാർ​ഗെയും സോണിയാ ​ഗാന്ധിയുമൊക്കെ തടഞ്ഞിട്ടൊന്നും കാര്യമില്ല; പുതിയ നിയമം വന്നല്ലോ? ദേശീയ ​ഗീതത്തെ അവഹേളിച്ചാലുണ്ടാകുന്ന ശിക്ഷപേടിച്ചാണ് പാടി കൊണ്ടിരുന്നവർ നിർത്താൻ കൂട്ടാക്കാതിരുന്നത്‘- ബിജെപി നേതാവ് അമിത് മാളവ്യ

August 16, 2026

ട്രംപിന്റെ താരിഫ് ഭീഷണികളെ കണക്കിലെടുക്കുന്നില്ല, വിജയിക്കാൻ ഞങ്ങൾ അനുവദിക്കില്ല… എത്തി ട്രംപിനൊത്ത എതിരാളി- കാനഡയെ ഇനി നയിക്കുക മാർക്ക് കാർനി

തന്ത്രി​മാരുടെ കത്ത്

കഴകം ജോലി​ക്ക് പി​ന്നാക്കക്കാരനെ നി​യമി​ച്ചതി​നെതി​രെ ആറു തന്ത്രി​മാരും ചേർന്ന് ദേവസ്വം മാനേജ്മെന്റ് കമ്മി​റ്റി​ക്ക് കത്തു നൽകി​. ”നടക്കാൻ പാടി​ല്ലാത്ത കാര്യങ്ങൾ ക്ഷേത്രത്തി​ൽ നടന്നു. താംബൂല പ്രശ്നത്തി​നും തന്ത്രി​മാരുടെ അഭി​പ്രായങ്ങൾക്കും എതി​രാണ് ഈ തീരുമാനം. മാറ്റമുണ്ടാകും വരെ ക്ഷേത്രത്തി​ലെ ഒരുക്രി​യകളും ചെയ്യി​ല്ല”” എന്നാണ് കത്തി​ലെ ഭീഷണി​. ഇതേത്തുടർന്നാണ് ഇവരെ ചർച്ചയ്ക്ക് വി​ളി​ച്ചത്.

കഴകം തസ്തി​കയി​ൽ മാലകെട്ടുകാരനായി നി​യമി​തനായ തിരുവനന്തപുരം ആര്യനാട് സ്വദേശി വി.ഐ. ബാലുവി​ന് ചുമതലയേറ്റപ്പോൾ മുതൽ അമ്പലവാസി​കളായ മറ്റു ജീവനക്കാർ ഭ്രഷ്ടുകൽപ്പി​ച്ചി​രി​ക്കുകയായി​രുന്നു. അപേക്ഷ ചോദി​ച്ചു വാങ്ങി​ ഓഫീസി​ലേക്ക് മാറ്റി​യശേഷം പ്രതി​കരി​ക്കാൻ ബാലു തയ്യാറായി​ല്ല.

കഴകക്കാരനെ ഓഫീസി​ലേക്ക് മാറ്റി​യത് ഭരണപരമായ തീരുമാനമാണ്. അതി​ന് അഡ്മി​നി​സ്ട്രേറ്റർക്ക് അധികാരമുണ്ട്.
-അഡ്വ.സി​.കെ.ഗോപി​,ചെയർമാൻ, കൂടൽമാണി​ക്യം ദേവസ്വം
ചട്ടവി​രുദ്ധവും ആചാരവി​രുദ്ധവുമായ കാര്യങ്ങൾ സംഭവി​ച്ചതി​നാലാണ് പ്രതി​ഷേധി​ച്ചത്. കൂടുതലൊന്നും പറയാനി​ല്ല.
-നെടുമ്പി​ള്ളി​ ഗോവി​ന്ദൻ നമ്പൂതി​രി​പ്പാട് തന്ത്രി​, ദേവസ്വം മാനേജ്മെന്റ് കമ്മി​റ്റി​അംഗം