കാഠ്മണ്ഡു: അഗ്നിപഥ് പദ്ധതി വഴി ഇന്ത്യൻ കരസേനയിൽ ചേരാൻ നേപ്പാളി യുവാക്കൾക്കും അവസരം നൽകണമെന്ന ആവശ്യവുമായി നേപ്പാളിൽ പ്രതിഷേധം. രാജ്യത്തെ പ്രധാന വിനോദസഞ്ചാര കേന്ദ്രമായ പൊഖാറയിലാണ് കഴിഞ്ഞ ബുധനാഴ്ച പ്രതിഷേധം നടന്നത്.
ഇന്ത്യൻ എക്സ് സർവീസ്മെൻ ഗൂർഖ ബ്രിഗേഡിന്റെ നേതൃത്വത്തിലായിരുന്നു പ്രതിഷേധം. വിരമിച്ച ഗൂർഖ സൈനികരും അവരുടെ കുടുംബാംഗങ്ങളും പ്രതിഷേധത്തിൽ പങ്കെടുത്തു. ഇന്ത്യൻ കരസേനാ മേധാവി ജനറൽ ധീരജ് സേത്ത് ഞായറാഴ്ച നേപ്പാൾ സന്ദർശിക്കാനിരിക്കെയാണ് പ്രതിഷേധം നടന്നതെന്നതും ശ്രദ്ധേയമാണ്.
നേപ്പാളിൽ തൊഴിലവസരങ്ങൾ പരിമിതമായതിനാൽ നിരവധി യുവാക്കൾക്ക് ഇന്ത്യൻ കരസേനയിൽ ചേരാൻ താൽപര്യമുണ്ടെന്നാണ് റിപ്പോർട്ടുകൾ. ഈ സാഹചര്യത്തിൽ ഇന്ത്യൻ കരസേനയിലേക്കുള്ള റിക്രൂട്ട്മെന്റ് നടപടികൾ പുനരാരംഭിക്കണമെന്നാണ് പ്രധാനമന്ത്രി ബാലേൻ ഷാ നയിക്കുന്ന സർക്കാരിനോടുള്ള പ്രതിഷേധക്കാരുടെ ആവശ്യം.
Related Post
ഗൾഫ് രാജ്യങ്ങളിൽ തൊഴിൽ തേടി പോകേണ്ടിവരുന്ന നേപ്പാളി യുവാക്കൾക്ക് പകരം ഇന്ത്യൻ സൈന്യത്തിൽ അഗ്നിവീർമാരായി ചേരാൻ അവസരം നൽകണമെന്നും പ്രതിഷേധക്കാർ ആവശ്യപ്പെട്ടു. മുൻ സൈനികരെ പ്രതിനിധീകരിക്കുന്ന ‘എക്സ് സർവീസ്മെൻ’ സംഘടനകളുടെ രജിസ്ട്രേഷൻ നടപടികൾ തടസ്സപ്പെടുത്തരുതെന്നും അവർ ആവശ്യപ്പെട്ടു.
പൊഖാറ സ്റ്റേഡിയത്തിൽനിന്ന് ആരംഭിച്ച പ്രതിഷേധ റാലി ജില്ലാ അഡ്മിനിസ്ട്രേഷൻ ഓഫീസ് പരിസരത്ത് സമാപിച്ചു. തുടർന്ന് പ്രതിഷേധ സംഘാടകർ തങ്ങളുടെ ആവശ്യങ്ങൾ ഉന്നയിച്ച് ചീഫ് ഡിസ്ട്രിക്ട് ഓഫീസർക്ക് നിവേദനം നൽകി.കാഠ്മണ്ഡു: അഗ്നിപഥ് പദ്ധതി മുഖേന ഇന്ത്യൻ കരസേനയുടെ ഭാഗമാകാൻ അനുവദിക്കണമെന്ന ആവശ്യവുമായി നേപ്പാളിൽ യുവാക്കളുടെ പ്രതിഷേധം. രാജ്യത്തെ പ്രധാന വിനോദസഞ്ചാര കേന്ദ്രമായ പൊഖാറയിൽ ഇക്കഴിഞ്ഞ ബുധനാഴ്ച ആണ് പ്രതിഷേധം നടന്നത്. ഇന്ത്യൻ എക്സ് സർവീസ്മെൻ ഗൂർഖ ബ്രിഗേഡ് നേപ്പാളിൻ്റെ നേതൃത്വത്തിലാണ് പ്രതിഷേധം നടന്നത്. വിരമിച്ച ഗൂർഖ ജവാന്മാരും അവരുടെ കുടുംബാംഗങ്ങളും പ്രതിഷേധത്തിൽ പങ്കെടുത്തു. ഇന്ത്യൻ കരസേന മേധാവി ജനറൽ ധീരജ് സേത്ത് ഞായറാഴ്ച നേപ്പാൾ സന്ദർശിക്കാനിരിക്കെ ആണ് പ്രതിഷേധം നടന്നതെന്നത് ശ്രദ്ധേയമാണ്.
നേപ്പാളിൽ തൊഴിലവസരങ്ങൾ പരിമിതമായതിനാൽ രാജ്യത്തെ നിരവധി യുവാക്കൾക്ക് ഇന്ത്യൻ കരസേനയിൽ ചേരാൻ താൽപര്യമുണ്ടെന്നാണ് റിപ്പോർട്ട്. ഈ സാഹചര്യത്തിൽ പ്രധാനമന്ത്രി ബാലേൻ ഷാ നയിക്കുന്ന സർക്കാർ ഇന്ത്യൻ കരസേനയിലേക്കുള്ള റിക്രൂട്ട്മെൻ്റ് നടപടിക്രമങ്ങൾ പുനരാരംഭിക്കണമെന്നാണ് പ്രതിഷേധക്കാരുടെ ആവശ്യം.