BREAKING NEWS

വെളിച്ചെണ്ണ കുപ്പിയിൽ ഹാഷിഷ് ഓയിൽ, കോഴിക്കോട് മെഡിക്കൽ കോളേജിൽ പ്രസവ വാർഡിൽ കൂട്ടിരിപ്പുകാരി പിടിയിൽ; ജയിലിൽ കഴിയുന്ന ഭർത്താവിന് കൈമാറാനാണ് ലഹരി കൊണ്ടുവന്നതെന്ന് മൊഴി

· · 1 min read
Share: Copied!

കോഴിക്കോട്: മെഡിക്കൽ കോളേജ് ആശുപത്രിയിൽ വെളിച്ചെണ്ണ കുപ്പിയിൽ ഒളിപ്പിച്ച നിലയിൽ ഹാഷിഷ് ഓയിൽ കടത്താൻ ശ്രമിച്ച രോഗിയുടെ കൂട്ടിരിപ്പുകാരിയായ യുവതിയെ പൊലീസ് പിടികൂടി. വയനാട് മേപ്പാടി സ്വദേശിനി അശ്വതിയെയാണ് മെഡിക്കൽ കോളേജ് പൊലീസ് കസ്റ്റഡിയിലെടുത്തത്.

പ്രസവ വാർഡിൽ രോഗിയുടെ കൂട്ടിരിപ്പുകാരിയായാണ് അശ്വതി ആശുപത്രിയിലെത്തിയത്. യുവതിയുടെ പെരുമാറ്റത്തിൽ അസ്വാഭാവികത തോന്നിയതിനെ തുടർന്ന് ആശുപത്രി ജീവനക്കാരും മറ്റുള്ളവരും പൊലീസിനെ വിവരം അറിയിക്കുകയായിരുന്നു.

പരിശോധനയിൽ വെളിച്ചെണ്ണ കുപ്പിയിൽ ഒളിപ്പിച്ച നിലയിൽ 28 ഗ്രാം ഹാഷിഷ് ഓയിൽ കണ്ടെത്തി. പിടിച്ചെടുത്ത ലഹരിവസ്തു പൊലീസ് കസ്റ്റഡിയിലെടുത്തു.

ജയിലിൽ കഴിയുന്ന ഭർത്താവിന് കൈമാറാനാണ് ലഹരി കൊണ്ടുവന്നതെന്നാണ് യുവതി പൊലീസിനോട് മൊഴി നൽകിയിരിക്കുന്നത്. ആശുപത്രിയിൽ ചികിത്സയിലുള്ള തടവുകാരുടെ കൈവശം ഇത് എത്തിക്കാനായിരുന്നു പദ്ധതിയെന്നാണ് പൊലീസ് സംശയിക്കുന്നത്.

സംഭവത്തിൽ കേസെടുത്ത പൊലീസ് ലഹരി എത്തിക്കാനുണ്ടായിരുന്ന ലക്ഷ്യവും ഇതിന് പിന്നിൽ മറ്റാർക്കെങ്കിലും പങ്കുണ്ടോയെന്നും അന്വേഷിച്ചുവരികയാണ്.

BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026
BREAKING NEWS
മനുഷ്യരെ ആക്ഷേപിക്കുക എന്നത് ചിലരുടെ സ്വാഭാവ വൈകൃതമാണ്, അതൊരു ലൈസന്‍സ് ആയി കൊണ്ടു നടക്കരുത്, ജി സുധാകരനെതിരെ എം ശിവപ്രസാദ്
16 Nov 2026
BREAKING NEWS
'ഒരു ബുള്ളറ്റ് പ്രൂഫ് കവചവും രക്ഷിക്കില്ല, വെടിവെച്ചുകൊല്ലും; അതിനായി മുംബൈയിൽ 200 പേർ തയ്യാറായി നില്ക്കുന്നു'; അമിതാഭ് ബച്ചനും അഭിഷേകിനും വധഭീഷണിയുമായി ഗുണ്ടാത്തലവൻ ഗോൾഡി ധില്ലൻ
16 Nov 2026