ഡിങ് ലിറനു ചെക്കുവച്ച് ഗുകേഷ് ദൊമ്മരാജു, ചതുരംഗക്കളത്തിലെ രാജാവ് ഇനി ഈ 18 കാരൻ, സമനില പ്രതീക്ഷിച്ച് ചെയ്ത ഒരു പിഴവിനു അടിയറവ് വയ്ക്കേണ്ടി വന്നത് ലോകചാമ്പ്യൻ പട്ടം

സിങ്കപ്പുർ: ചിന്ന പയ്യനല്ലെയെന്നു കരുതിക്കാണും മുൻ ലോകചാമ്പ്യൻ, എന്നാൽ ബുദ്ധിയിൽ തനി രാവണനാണെന്നു കാണിച്ചുകൊടുത്തു ആ 18 കാരൻ. അതോടെ ഇന്ത്യൻ ഗ്രാൻഡ്മാസ്റ്റർ ഗുകേഷ് ദൊമ്മരാജു ചതുരംഗക്കളത്തിലെ രാജാവായി പുതുചരിത്രമെഴുതി. നിലവിലെ ലോക ചാമ്പ്യൻ ഡിങ് ലിറനെ അവസാന ഗെയിംസിൽ അട്ടിമറിച്ചാണ് വെറും18 വയസ് മാത്രം പ്രായമുള്ള ഗുകേഷ് കിരീടം സ്വന്തമാക്കിയത്. കൃത്യമായി പറഞ്ഞാൽ 18 വയസും എട്ട് മാസവും 14 ദിവസവുമാണ് ലോക ചാമ്പ്യനാകുമ്പോൾ ഗുകേഷിന്റെ പ്രായം. ചരിത്രത്തിലെ ഏറ്റവും പ്രായം കുറഞ്ഞ ലോക ചാമ്പ്യൻ.

‍14 ഗെയിമുകളുടെ പോരാട്ടത്തിൽ ആദ്യം പിന്നിൽ, പിന്നെ ഒപ്പം പിടിച്ചു, പിന്നെ ഒരിഞ്ചുപോലും വിടാതെ സമനിലകൾ, പതിനൊന്നാം ഗെയിമിൽ വിജയിച്ച് ലീഡ്, തൊട്ടടുത്ത കളിയിൽ തോൽവി, 13 ാം ഗെയിമിൽ സമനില. സസ്പെൻസിലേക്ക് നീണ്ട പതിനാലാം ഗെയിമിൽ വെള്ളക്കരുക്കളുടെ ആനുകൂല്യം ലിറനുണ്ടായിരുന്നെങ്കിലും മനസാന്നിധ്യം കൈവിടാതെ ഗുകേഷ് വിജയം കൈപ്പിടിയിൽ.

സമനിലയിലേക്ക് പോകുമെന്ന് കരുതിയ മത്സരത്തിൽ ലിറന് സംഭവിച്ച ഒരു പിഴവ് മുതലെടുത്താണു ഗുകേഷിന്റെ വിജയം. നിർണായകമായ പതിനാലാം ഗെയിമിൽ വിജയിച്ചതോടെ ചാമ്പ്യനാകാനുള്ള കൃത്യം 7.5 പോയന്റ് ഗുകേഷ് സ്വന്തമാക്കി. ലിറന് 6.5 പോയന്റ്

Related Post

വീട്ടമ്മയെ കടന്നു പിടിച്ചത് തടഞ്ഞ ഭർത്താവിനെ വെട്ടി പരിക്കേൽപ്പിച്ചു; പോലീസിനെ കണ്ടതും പ്രതി ആറ്റിലേയ്ക്ക് ‘മുങ്ങി‘; നീന്തി അവശനായി കുഴഞ്ഞപ്പോൾ രക്ഷിച്ച് അറസ്റ്റ് ചെയ്തു

April 23, 2026

കണ്ണൂരിൽ കിണർ നിർമ്മാണ പണിയ്ക്കിടെ സൂര്യാഘാതമേറ്റ യുവാവ് മരിച്ചു; കോഴിക്കോട് അം​ഗനവാടി ടീച്ചർക്കും കൂത്താട്ടുകുളത്ത് ഇതര സംസ്ഥാന തൊഴിലാളിയ്ക്കും സൂര്യാതപമേറ്റു; തൊഴിലാളിയുടെ നില ​ഗുരുതരം

April 23, 2026

‘ഇവിടെ ഒരു കുഞ്ഞ് ജനിച്ചാൽ പൗരത്വം ലഭിക്കുന്നു; പിന്നീട് അവർ ചൈനയിൽ നിന്നോ ഇന്ത്യയിൽ നിന്നോ മറ്റേതെങ്കിലും നരകത്തിൽ നിന്നോ മുഴുവൻ കുടുംബത്തെയും കൊണ്ടുവരും‘: ജന്മാവകാശ പൗരത്വത്തെ വിമർശിച്ച് ട്രംപ്; വംശീയാധിക്ഷേപമെന്ന് ആരോപണമുയരുന്നു

April 23, 2026

വെടിക്കെട്ട് ഇല്ല, കുടമാറ്റം ഒഴിവാക്കാനാകില്ലെന്ന് ദേവസ്വങ്ങൾ!! ഒരു മണിക്കൂർ കുടമാറ്റം 15 മിനിറ്റിലേക്ക് ചുരുക്കി, തൃശ്ശൂർ പൂരത്തിൽ ചടങ്ങുകൾ മുറപോലെ തന്നെ… ഉന്നതതല യോ​ഗത്തിൽ തീരുമാനം

April 23, 2026

ഇതോടെ ചെസ് ഇതിഹാസം ഗാരി കാസ്പറോവിന്റെ 22-ാം വയസിലെ (1985) ലോകകിരീടനേട്ടം പഴങ്കഥയായി. ഒന്നാം പോരാട്ടം ഡിങ് ലിറൻ ജയിച്ചപ്പോൾ മൂന്നാം പോരിൽ ജയം പിടിച്ച് ഗുകേഷ് തിരിച്ചടിച്ചിരുന്നു. പത്താം മത്സരവും സമനിലയിൽ പിരിഞ്ഞതോടെ തുടരെ ഏഴ് പോരാട്ടങ്ങളാണ് ഒപ്പത്തിനൊപ്പമായത്. പിന്നീട് 11-ാം റൗണ്ട് മത്സരത്തിൽ ഡിങ് ലിറനെതിരേ നിർണായക ജയം ഗുകേഷ് സ്വന്തമാക്കി.

വിശ്വനാഥൻ ആനന്ദിലൂടെ തുടങ്ങിയ ചതുരംഗക്കളത്തിലെ ഇന്ത്യൻ അശ്വമേധം ഗുകേഷിലൂടെ പുതിയൊരു അധ്യായം കുറിക്കപ്പെട്ടു. 24 വർഷം മുമ്പ് ഇതുപോലെ 2000 ത്തിലെ ഡിസംബറിൽ ക്രിസ്മസ് തലേന്നാണ് വിശ്വനാഥൻ ആനന്ദ് വിശ്വ വിജയിയായത്. അലക്സി ഷിറോവിനെ തോൽപിച്ച് ചാമ്പ്യനായപ്പോൾ ഏഷ്യയിലെ ആദ്യ ലോക ചാമ്പ്യനും ആനന്ദായിരുന്നു.

ചെസിൽ ഇന്ത്യയുടെ സുവർണ വർഷമാണിത്. മൂന്നു മാസം മുമ്പ് ചെസ് ഒളിമ്പ്യാഡിൽ ഇരട്ടസ്വർണവുമായി ലോക ചെസിന്റെ നെറുകയിലേക്ക് ഇന്ത്യ തുടങ്ങിയ പ്രയാണമാണ് ഗുകേഷിലൂടെ പൂർണമാകുന്നത്. ഓപ്പൺ വിഭാഗത്തിലും വനിതാ വിഭാഗത്തിലും ഇന്ത്യ സ്വർണമണിഞ്ഞു. ഓപ്പൺ വിഭാഗത്തിൽ ഗുകേഷിനൊപ്പം അർജുൻ എരിഗാസി, ആർ പ്രഗ്‌നാനന്ദ, വിദിത്ത് ഗുജറാത്തി, പി ഹരികൃഷ്ണ എന്നിവരടങ്ങുന്ന ടീമാണ് ചെസ് ഒളിമ്പ്യാഡിൽ സ്വർണം നേടിയത്.
പനയമ്പാടം സ്ഥിരം ബ്ലാക്ക് സ്‌പോട്ട്, ഇതുവരെയുണ്ടായിട്ടുള്ളത് 55 അപകടങ്ങൾ, ഒക്ടോബർ അവസാനം ഇവിടെ പൊലിഞ്ഞത് അഞ്ചു ജീവനുകൾ, മഴ പെയ്താൽ അപകടം ഉറപ്പ്, ശക്തമായ പ്രതിഷേധവുമായി നാട്ടുകാർ, ഇവിടം ബ്ലാക് സ്പോട്ടാണെന്നു അറിയില്ലെന്നു ഗതാ​ഗത മന്ത്രി