Related Post
തിരുവനന്തപുരം∙ ക്രിസ്മസ് ദിനത്തിലും അതിന്റെ തലേന്നുമായി കേരളം കുടിച്ചുവറ്റിച്ചത് 152.06 കോടിരൂപയുടെ മദ്യമെന്ന് റിപ്പോർട്ട്. ബവ്റിജസ് കോർപറേഷൻ നടത്തിയ മദ്യവിൽപനയുടെ കണക്കാണിത്. 24ന് 97.42 കോടിരൂപയുടെ മദ്യവും 25ന് 54.64 കോടിരൂപയുടെ മദ്യവും വിറ്റു. കഴിഞ്ഞ വർഷം 24ന് 71 കോടിരൂപയുടെയും 25ന് 51.14 കോടിരൂപയുടെയും മദ്യമാണ് വിറ്റത്. ഇതോടെ ഇത്തവണ ബവ്കോ റെക്കോർഡിട്ടു.
24ന് ഏറ്റവും കൂടുതൽ മദ്യം വിറ്റത് ബവ്റിജസ് കോർപറേഷന്റെ ചാലക്കുടിയിലെ ഷോപ്പിലാണ്. 78 ലക്ഷത്തിന്റെ മദ്യമാണ് ഇവിടെ വിറ്റത്. ചങ്ങനാശേരിയിൽ 66.88 ലക്ഷംരൂപയുടെയും തിരുവനന്തപുരത്തെ പഴയഉച്ചക്കടയിൽ 64.15ലക്ഷംരൂപയുടെയും മദ്യ വിൽപ്പന നടന്നു.
