ദുബായ്: മോര്ച്ചറിയില് ആരും അവകാശപ്പെടാനില്ലാതെ മലയാളി. മുപ്പത് വര്ഷത്തിലേറെയായി ദുബായ് പോലീസില് സേവനം അനുഷ്ഠിച്ച മലയാളിയുടെ മൃതദേഹം ഏറ്റെടുക്കാന് ഇതുവരെ ഉറ്റവരെത്തിയില്ല. മുപ്പത് വര്ഷത്തിലേറെയായി ദുബായ് പോലീസില് സേവനം അനുഷ്ഠിച്ച തിരുവനന്തപുരം വെള്ളറട സ്വദേശി വിജയൻ മാത്യു തോമസിന്റെ (61) മൃതദേഹമാണ് ദിവസങ്ങളായി മോർച്ചറിയിൽ സൂക്ഷിച്ചിരിക്കുന്നത്.
അവകാശികളെത്തിയാൽ മാത്രമേ മൃതദേഹം വിട്ടുനൽകുകയുള്ളു. അതിനാല്, ഇദ്ദേഹത്തിന്റെ സഹപ്രവർത്തകർ ബന്ധുക്കളെ തേടാനുള്ള ശ്രമത്തിലാണ്. 13 വർഷത്തിലേറെയായി വിജയൻ നാട്ടിൽ പോയിട്ടെന്ന് സഹപ്രവർത്തകർ പറഞ്ഞു. ബന്ധുക്കളുമായി ഇയാള്ക്ക് അടുത്ത ബന്ധമുണ്ടായിരുന്നില്ല.
ഒരുമാസം മുന്പ് ജോലിയിൽ നിന്ന് വിരമിച്ച ഇദ്ദേഹത്തിന്റെ വിസ കാൻസൽ ചെയ്തിരുന്നു. എന്നാല്, നാട്ടിലേക്ക് മടങ്ങിയിരുന്നില്ലെന്നും സഹപ്രവര്ത്തകര് പറഞ്ഞു. ദുബായ് പോലീസിലെ കുക്കായിരുന്നു വിജയൻ. ബന്ധുക്കളെ സംബന്ധിച്ച് വിവരം ലഭിക്കുന്നവർ +971 55 294 5937 എന്ന നമ്പറിൽ ബന്ധപ്പെടണം.
Related Post
