കണ്ണൂർ: കാണാതായ അമ്മയെയും രണ്ട് ആൺമക്കളെയും കിണറ്റിൽ മരിച്ച നിലയിൽ കണ്ടെത്തി. കണ്ണൂർ അഴീക്കോട് മീൻകുന്നിലാണ് സംഭവം. സത്യഭാമ (45), മക്കളായ ശിവനന്ദ് (14), അശ്വന്ത് (ഒമ്പത്) എന്നിവരാണ് മരിച്ചത്.
വ്യാഴാഴ്ച രാത്രി മുതൽ മൂന്നുപേരേയും കാണാനില്ലായിരുന്നു. ഇതോടെ നാട്ടുകാർ പലയിടത്തും ഇവർക്കായി തെരച്ചിൽ നടത്തിയെങ്കിലും കണ്ടെത്താനായില്ല. ഇന്ന് രാവിലെയാണ് മൂന്നുപേരുടെയും മൃതദേഹം വീട്ടുമുറ്റത്തെ കിണറ്റിൽ കണ്ടതെന്ന് സമീപവാസികൾ പറയുന്നു.
പോലീസ് സ്ഥലത്തെത്തി മൃതദേഹങ്ങൾ പുറത്തെടുത്തു. പോസ്റ്റ്മോർട്ടത്തിനായി പരിയാരം മെഡിക്കൽ കോളേജിലേക്ക് മാറ്റിയിട്ടുണ്ട്. ആത്മഹത്യ എന്നാണ് പ്രാഥമിക നിഗമനം. കുടുംബപ്രശ്നമാകാം ആത്മഹത്യയിലേക്ക് നയിച്ചതെന്നാണ് നാട്ടുകാർ പറയുന്നത്. പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.
Related Post
