BREAKING NEWS

അനധികൃത മദ്യശേഖരം, റിപ്പോർട്ടർ ടിവി ഉടമ ആന്റോ അഗസ്റ്റിൻ അറസ്റ്റിൽ; എഫ്ഐആറിന്റെ ഡിജിറ്റൽ കോപ്പി പോരാ ഒറിജിനൽ തന്നെ കാണിച്ചാലേ അറസ്റ്റിന് വഴങ്ങൂവെന്ന് ഒരേ വാശി, ഒടുവിൽ എത്തിച്ചു ബോധ്യപ്പെടുത്തി; അബ്കാരി നിയമപ്രകാരം കേസ്

· · 1 min read
Share: Copied!

കൊച്ചി: അളവിൽ കവിഞ്ഞ മദ്യം കൈവശംവെച്ച കേസിൽ റിപ്പോർട്ടർ ടിവി ഉടമ ആന്റോ അഗസ്റ്റിനെ എക്സൈസ് അറസ്റ്റ് ചെയ്തു. വയനാട് വാഴവറ്റയിലെ വീട്ടിൽ നിന്ന് അനധികൃതമായി സൂക്ഷിച്ച മദ്യശേഖരം കണ്ടെത്തിയതിനെ തുടർന്നാണ് നടപടി. എക്സൈസ് എസി ബൈജുവിന്റെ നേതൃത്വത്തിലുള്ള സംഘമാണ് കൊച്ചിയിലെ റിപ്പോർട്ടർ ടിവി ഓഫീസിലെത്തി ആന്റോയെ അറസ്റ്റ് ചെയ്തത്.

അറസ്റ്റിനിടെ ഓഫീസിൽ നാടകീയ രംഗങ്ങളും അരങ്ങേറി. എഫ്ഐആർ കാണിക്കാതെ അറസ്റ്റിന് വഴങ്ങില്ലെന്ന നിലപാടിലായിരുന്നു ആന്റോ. എഫ്ഐആറിന്റെ ഡിജിറ്റൽ കോപ്പി ഉദ്യോഗസ്ഥർ കാണിച്ചെങ്കിലും ഹാർഡ് കോപ്പി വേണമെന്നായിരുന്നു ആവശ്യം. തുടർന്ന് പെരുമ്പാവൂർ എക്സൈസ് സർക്കിൾ ഇൻസ്പെക്ടർ മനോജ് കുമാർ എഫ്ഐആർ കോപ്പിയുമായി ഓഫീസിലെത്തി.

ഒരാൾക്ക് നിയമപരമായി കൈവശംവെക്കാവുന്നതിലും അധികം അളവിലുള്ള വിവിധ തരത്തിലുള്ള മദ്യമാണ് വാഴവറ്റയിലെ വീട്ടിൽ നിന്ന് കണ്ടെത്തിയത്. സംഭവത്തിൽ അബ്കാരി നിയമപ്രകാരമാണ് എക്സൈസ് നടപടി സ്വീകരിച്ചത്. 43 ലിറ്റർ വിദേശമദ്യം, ഏഴ് ലിറ്റർ വിദേശവൈൻ, 13 ലിറ്റർ വീട്ടിലുണ്ടാക്കിയ വൈൻ എന്നിവയാണ് പിടിച്ചെടുത്തത്. മറ്റൊരു മുറിയിൽ നിന്ന് ഇന്ത്യയിൽ വിൽപനാനുമതിയില്ലാത്ത മദ്യക്കുപ്പികളും കണ്ടെത്തിയതായി എക്സൈസ് അറിയിച്ചു.

അതേസമയം, മെസിയുടെ പേരിൽ നടന്ന തട്ടിപ്പുമായി ബന്ധപ്പെട്ട അന്വേഷണത്തിന്റെ ഭാഗമായി റിപ്പോർട്ടർ ടിവി ഓഫീസിൽ നടത്തിയ എസ്ഐടി റെയ്ഡും ഇതിനിടെ പൂർത്തിയായി. റെയ്ഡ് അവസാനിപ്പിച്ച് എസ്ഐടി സംഘം മടങ്ങുന്നതിന് മുമ്പാണ് എക്സൈസ് സംഘം ഓഫീസിലെത്തിയത്.

തൃക്കാക്കര എസിപി ബിജോയ് ചന്ദ്രന്റെ നേതൃത്വത്തിലുള്ള പൊലീസ് സംഘമാണ് ബുധനാഴ്ച രാവിലെ ആറുമണിയോടെ റെയ്ഡ് ആരംഭിച്ചത്. വ്യാഴാഴ്ച പുലർച്ചെ 2.30ഓടെയാണ് റെയ്ഡ് അവസാനിച്ചത്. ഏകദേശം 20 മണിക്കൂർ നീണ്ട പരിശോധനയിൽ നിരവധി രേഖകൾ എസ്ഐടി സംഘം കസ്റ്റഡിയിലെടുത്തു. മെമ്മറി കാർഡുകളും കലൂർ സ്റ്റേഡിയവുമായി ബന്ധപ്പെട്ട രേഖകളും പിടിച്ചെടുത്തിട്ടുണ്ട്. 6300 അമേരിക്കൻ ഡോളറും പരിശോധനയിൽ കണ്ടെത്തി.

BREAKING NEWS
'മനഃപൂർവം ചെയ്തതാണ്, ആരെയും കൊല്ലാനല്ല, ഷോപ്പ് നശിപ്പിക്കാൻ'; കോഴിക്കോട് ഹ്യൂണ്ടായി ഷോറൂമിലേക്ക് അതിവേ​ഗത്തിൽ കാർ ഇടിച്ചു കയറ്റി; ഒഴിവായത് വൻ ദുരന്തം; ജീവനക്കാരെ ആക്രമിച്ചു; ഇടിപ്പിച്ച വാഹനത്തിൽ നാലുപേർ; മൂന്നുപേർ ഓടി രക്ഷപ്പെട്ടു; ഒരാൾ പിടിയിൽ
18 Nov 2026
BREAKING NEWS
ആശുപത്രിക്കെതിരെ വ്യാജവാർത്ത; പിൻവലിക്കാൻ 10 ലക്ഷം വാങ്ങി, ദൃശ്യങ്ങളും ശബ്ദരേഖയും പുറത്ത്; തിരുവനന്തപുരം ഡിസിസി അം​ഗം സുഹൈൽ ഷാജഹാൻ അറസ്റ്റിൽ; പിന്നാലെ നെഞ്ചുവേദന, അഭിനയമെന്ന് പോലീസ്
18 Nov 2026
BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026