Related Post
കോഴിക്കോട്: ബസ് ജീവനക്കാർക്കു നേരെ തോക്കു ചൂണ്ടിയ സംഭവത്തിൽ വ്ലോഗർ തൊപ്പിയെ (നിഹാദ്) വടകര പൊലീസ് കസ്റ്റഡിയിലെടുത്തു. വടകര ബസ് സ്റ്റാൻഡിൽ വച്ചാണു സംഭവം. ലൈസന്സ് ആവശ്യമില്ലാത്ത എയര് പിസ്റ്റളാണു ചൂണ്ടിയത്. വൈകിട്ട് 5.30നായിരുന്നു സംഭവം. വടകര-കൈനാട്ടി ദേശീയപാതയില് കോഴിക്കോട്ടേക്ക് പോകുകയായിരുന്നു മുഹമ്മദ് നിഹാദ്.
ബസ് ഇടതു വശത്തുകൂടി ഓവർടേക്ക് ചെയ്യാൻ ശ്രമിച്ചു എന്നാരോപിച്ച് ബസിന് പിന്നാലെ തൊപ്പിയും കാര് യാത്രക്കാരായ രണ്ടു പേരും വടകര ബസ് സ്റ്റാൻഡിൽ എത്തി. തുടര്ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു. കാറുമായി രക്ഷപെടാന് ശ്രമിക്കുന്നതിനിടെ ബസ് തൊഴിലാളികള് തൊപ്പിയെ തടഞ്ഞു വച്ച് പൊലീസില് ഏല്പ്പിക്കുകയായിരുന്നു. എന്നാൽ ബസ് ജീവനക്കാർ പരാതി ഇല്ലെന്ന് അറിയിച്ചു. കേസ് റജിസ്റ്റർ ചെയ്തിട്ടില്ല.
