മോദിയും മാക്രോണും ചിൽ ചിൽ! ധുരന്ധറിലെ ‘ആരി ആരി’ ഗാനത്തിന്റെ അകമ്പടിയിൽ വീഡിയോ പങ്കുവച്ച് ഫ്രഞ്ച് പ്രസിഡന്റ്

ഫ്രാൻസ്: ഇന്ത്യൻ പ്രധാനമന്ത്രി നരേന്ദ്ര മോദിയും ഫ്രഞ്ച് പ്രസിഡന്റ് ഇമ്മാനുവൽ മാക്രോണും ഫ്രാൻസിലെ നൈസ് നഗരത്തിൽ നടത്തിയ കൂടിക്കാഴ്ച ആഗോള ശ്രദ്ധ നേടുന്നു. ഇരുനേതാക്കളും തമ്മിലുള്ള സെൽഫിക്കൊപ്പം ബോളിവുഡ് ഹിറ്റ് ഗാനമായ ‘ആരി ആരി’ ഉൾപ്പെടുത്തി മാക്രോൺ പങ്കുവെച്ച വീഡിയോ സോഷ്യൽ മീഡിയയിൽ വലിയ വൈറലായി.

നൈസിലെ ചരിത്രപ്രസിദ്ധമായ വില്ല കെറിലോസിൽ വെച്ചായിരുന്നു ഇരുനേതാക്കളുടെയും വിശദമായ ഉഭയകക്ഷി ചർച്ചകൾ നടന്നത്. തുടർന്ന് പുറത്തിറങ്ങിയ വീഡിയോയിൽ മോദിയുടെ ഫ്രാൻസ് സന്ദർശന ദൃശ്യങ്ങളും, മാക്രോണുമായുള്ള ഇടപഴകലുകളും, വിവിധ നയതന്ത്ര–സാങ്കേതിക പരിപാടികളിലെ പങ്കാളിത്തവും ഉൾപ്പെടുത്തിയിട്ടുണ്ട്.

ഇന്ത്യയും ഫ്രാൻസും തമ്മിലുള്ള ബന്ധം ഈ വർഷം ‘സ്പെഷ്യൽ ഗ്ലോബൽ സ്ട്രാറ്റജിക് പാർട്ണർഷിപ്പ്’ നിലയിലേക്ക് ഉയർത്തിയിരുന്നു. ഇതിന്റെ ഭാഗമായി ‘ഇന്നൊവേഷൻ റോഡ്മാപ്പ് 2030’ ഇരുനേതാക്കളും അംഗീകരിച്ചു. സാങ്കേതികവിദ്യ, പ്രതിരോധം, ബഹിരാകാശ ഗവേഷണം, ആർട്ടിഫിഷ്യൽ ഇന്റലിജൻസ് തുടങ്ങിയ മേഖലകളിൽ ദീർഘകാല സഹകരണം ഉറപ്പാക്കുകയാണ് ലക്ഷ്യം.

Related Post

‘പൂച്ചെണ്ടും ലഡുവും മാത്രമേയുള്ളു, അല്ലേ സാറേ’… കെഎസ്ആർടിസിയിൽ യാത്ര ചെയ്തത് പോക്കറ്റിൽ നിന്ന് കാശെടുത്തുകൊടുത്ത്!!… ചോദിച്ചപ്പോൾ ‘സിസ്റ്റം അപ്ഡേറ്റ് ചെയ്തില്ലെ’ന്ന മുട്ടാപ്പോക്ക് ന്യായം, ജനപ്രതിനിധികൾ ഫോട്ടോയും വീഡിയോയുമെടുക്കുന്ന തിരക്കിൽ- ആഭ്യന്തര മന്ത്രി ഫ്‌ളാഗ് ഓഫ് ചെയ്ത റൂട്ടിൽ ആദ്യ പ്രിയദർശിനി യാത്രയിലെ ദുരനുഭവം വിവരിച്ച് വിദ്യാർഥിനികൾ

June 15, 2026

കര്‍ഷകനെ വടികൊണ്ട് ക്രൂരമായി മര്‍ദിച്ചു, പിന്നാലെ ശരീരത്തിലൂടെ ട്രാക്ടര്‍ കയറ്റിക്കൊന്നു, സ്ത്രീകള്‍ ഉള്‍പ്പെടെ എട്ട് പേര്‍ അറസ്റ്റില്‍

June 15, 2026

“ഈ പദ്ധതി എനിക്ക് വളരെ ഇഷ്ടപ്പെട്ടു!! ഗതാഗതത്തേക്കാൾ കൂടുതൽ വിരുത് സാമ്പത്തികത്തിൽ ഉള്ളയാളാണ് സി.പി. ജോൺ, തെറ്റുകാണുമ്പോൾ എതിർക്കാം, ശബ്ദിക്കാം, പക്ഷെ സർക്കാർ തിരുത്താൻ തയ്യാറാകുമ്പോൾ ആ തിരുത്തലിന്റെ കൂടെ തിരുത്തൽ ശക്തിയായികൂടി പ്രതിപക്ഷം മാറണം”- സുരേഷ് ഗോപി

June 15, 2026

മറ്റൊരു മുഖ്യന്‍ പത്തുകൊല്ലം രാജഭരണം നടത്തിയതല്ലാതെ നയാ പൈസയുടെ ഗുണമുണ്ടായിട്ടില്ല, വാഗ്ദാനങ്ങള്‍ നടപ്പിലാക്കാനുള്ളതാണ്. അല്ലാതെ വോട്ട് കിട്ടാനുള്ള തട്ടിപ്പല്ല, ‘കാരണഭൂതന്‍ പുച്ഛിച്ചാലും സഖാത്തികള്‍ ബഹിഷ്‌കരിച്ചാലും വി ഡി സതീശന്‍ നയിക്കുന്ന ഈ യാത്ര ലക്ഷ്യം കാണുകതന്നെ ചെയ്യും- ജോയ് മാത്യു

June 15, 2026

പ്രതിരോധ മേഖലയിൽ സംയുക്തമായി അത്യാധുനിക സൈനിക ഉപകരണങ്ങൾ രൂപകൽപ്പന ചെയ്യാനും നിർമ്മിക്കാനും ധാരണയായി. ബഹിരാകാശ ഗവേഷണത്തിൽ സഹകരണം വർധിപ്പിക്കാനും മനുഷ്യ ബഹിരാകാശ ദൗത്യങ്ങളിൽ പങ്കാളിത്തം ഉറപ്പാക്കാനും തീരുമാനിച്ചു. ചെറുകിട ആണവ റിയാക്ടറുകളുടെ വികസനത്തിൽ ഫ്രാൻസിന്റെ സഹകരണം കൂടി ഉറപ്പാക്കാൻ പദ്ധതിയുണ്ട്.

ഇന്ത്യൻ സ്റ്റാർട്ടപ്പുകളെ യൂറോപ്യൻ നിക്ഷേപകരുമായി ബന്ധിപ്പിക്കുന്ന പുതിയ പദ്ധതികൾക്കും തുടക്കമായി. ഫ്രാൻസിൽ യുപിഐ പേയ്മെന്റ് സംവിധാനം കൂടുതൽ വ്യാപകമാക്കുന്നതിനെ മാക്രോൺ സ്വാഗതം ചെയ്തു. കൂടാതെ ആർട്ടിഫിഷ്യൽ ഇന്റലിജൻസ് മേഖലയിൽ സംയുക്ത വർക്കിംഗ് ഗ്രൂപ്പ് രൂപീകരിക്കാനും തീരുമാനിച്ചു.

വിദ്യാഭ്യാസ മേഖലയിൽ ഫ്രഞ്ച് സർവകലാശാലകൾക്ക് ഇന്ത്യയിൽ കാമ്പസുകൾ തുറക്കാൻ മോദി ക്ഷണം നൽകി. വിമാനയാന മേഖലയിൽ നൈപുണ്യ വികസനത്തിനായി പ്രത്യേക കേന്ദ്രം സ്ഥാപിക്കാനും ധാരണയായി. യുക്രെയ്ൻ, പശ്ചിമേഷ്യയിലെ സംഘർഷങ്ങൾ ഉൾപ്പെടെ ആഗോള വിഷയങ്ങളും ചർച്ചയായി. ജി7 ഉച്ചകോടിയിലേക്ക് ഇന്ത്യയെ പങ്കാളിയാക്കിയതിന് പ്രധാനമന്ത്രി നന്ദി അറിയിച്ചു.

🇮🇳🇫🇷 pic.twitter.com/MD1gMC04dp

— Emmanuel Macron (@EmmanuelMacron) June 14, 2026