BREAKING NEWS

‘പോലീസ് നിങ്ങളുടെ തറവാട് സ്വത്താണോ? മിസ്റ്റർ പിണറായി വിജയൻ ആരെയാണ് പേടിപ്പിക്കാൻ നോക്കുന്നത്, ഞങ്ങളെയാണോ? ഇത് കേരളമാണ്, സ്റ്റാലിന്റെ റഷ്യയല്ല!! ഞാൻ അടക്കമുള്ളവർ ഡാൻസ് കളിക്കുന്ന വീഡിയോയും ബോക്‌സിംഗ് ചെയ്യുന്ന വീഡിയോകളും എഐയിൽ സിപിഎം പ്രവർത്തകർ പ്രചരിപ്പിച്ചു, കേസെടുത്തോ?- വിഡി സതീശൻ

· · 1 min read
Share: Copied!

തിരുവനന്തപുരം: കെപിസിസി രാഷ്ട്രീയ കാര്യസമിതി അംഗം എൻ സുബ്രഹ്‌മണ്യനെ കസ്റ്റഡിയിൽ എടുത്തത് ഏകാധിപതിയുടെ നടപടിയാണെന്ന് പ്രതിപക്ഷ നേതാവ് വിഡി സതീശൻ. ഇത് കേരളമാണെന്നും സ്റ്റാലിന്റെ റഷ്യയല്ല, ഉണ്ണികൃഷ്ണൻ പോറ്റിയും മുഖ്യമന്ത്രിയും നിൽക്കുന്ന ഫോട്ടോ സോഷ്യൽ മീഡിയയിൽ പങ്കുവെച്ചതാണോ പ്രശ്‌നം. അങ്ങനെയെങ്കിൽ പ്രവർത്തകരോട് മുഖ്യമന്ത്രിയും പോറ്റിയും നിൽക്കുന്ന പടം സോഷ്യൽ മീഡിയയിൽ ഇടാൻ പറഞ്ഞിട്ടുണ്ടെന്നും വിഡി സതീശൻ പറഞ്ഞു.

‘മിസ്റ്റർ പിണറായി വിജയൻ ആരെയാണ് പേടിപ്പിക്കാൻ നോക്കുന്നത്? ഞങ്ങളെയാണോ? ഭരണം അവസാനിക്കാൻ പോകുമ്പോഴുള്ള അഹങ്കാരമാണിത്. പേടിപ്പിക്കാൻ വരേണ്ട, അങ്ങനെ യുഡിഎഫ് പിൻമാറില്ല. പിണറായി വിജയൻ കേരളത്തിന് അപമാനമാണ്. എന്തും ചെയ്യാമെന്ന ധാരണ വേണ്ട’- വിഡി സതീശൻ പറഞ്ഞു.

താൻ അടക്കമുള്ളവർ ഡാൻസ് കളിക്കുന്ന വീഡിയോയും ബോക്‌സിംഗ് ചെയ്യുന്ന വീഡിയോകളും എഐയിൽ സിപിഎം പ്രവർത്തകർ പ്രചരിപ്പിച്ചു. എന്നിട്ടു കേസെടുത്തോയെന്നും പോലീസ് നിങ്ങളുടെ തറവാട് സ്വത്താണോയെന്നും സിപിഎമ്മിനോട് പ്രതിപക്ഷ നേതാവ് ചോദിച്ചു. ഈ പേടിപ്പിക്കലൊക്കെ കഴിയാറായല്ലോയെന്നും സതീശൻ കൂട്ടിച്ചേർത്തു.

അതേസമയം ഇന്ന് രാവിലെയാണ് സുബ്രഹ്‌മണ്യത്തിനെ പോലീസ് കസ്റ്റഡിയിലെടുത്തത്. ചോദ്യം ചെയ്യാൻ വിളിപ്പിച്ചിരുന്നെങ്കിലും ഹാജരായിരുന്നില്ല. പിന്നാലെയാണ് കസ്റ്റഡിയിലെടുത്തത്. ബിഎൻഎസ് 122 വകുപ്പ് പ്രകാരം ചേവായൂർ പോലീസായിരുന്നു സുബ്രഹ്‌മണ്യത്തിനെതിരെ സ്വമേധയാ കേസെടുത്തത്.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026