രാജ്യത്തിൻറെ സാമ്പത്തിക രംഗത്തെ ഉടച്ചുവാർത്ത ധനമന്ത്രി, ‘‘സിദ്ധാന്തങ്ങൾ നന്നായി മനസിലാക്കുന്ന തല, രാജീവ് ​ഗാന്ധിക്ക് അത്രകണ്ട് മതിപ്പില്ലാത്ത വ്യക്തി, ഒരു ഫോൺ കോളിൽ രാജ്യത്തിന്റെ തലവരതന്നെ മാറ്റിമറിച്ചു

ഡൽഹി: ‘‘സിദ്ധാന്തങ്ങൾ നന്നായി മനസിലാക്കുന്ന തല. എന്നാൽ, കാലുകൾ ഭൂമിയിൽത്തന്നെ’’ –– ഓക്സ്ഫഡ് സർവകലാശാലയിലെ നഫീൽഡ് കോളജിൽ ഗവേഷണവിദ്യാർഥിയായിരുന്ന മൻമോഹൻ സിങ്ങിനെപ്പറ്റി അധ്യാപികയും സാമ്പത്തികശാസ്ത്ര വിദഗ്ധയുമായ ജോവൻ റോബിൻസൻ ഫയലിൽ എഴുതിയതിങ്ങനെ…
രാജ്യം കണ്ട ഏറ്റവും മികച്ച സാമ്പത്തിക വിദഗ്ധൻ ആരെന്ന ചോദ്യത്തിനു കണ്ണടച്ചു എഴുതാവുന്ന ഉത്തരങ്ങളിൽ ഒന്നായിരുന്നു മൻമോഹൻ സിങ്.

രാജ്യത്തിൻറെ സാമ്പത്തിക രംഗത്തെ ഉടച്ചുവാർത്ത ധനമന്ത്രിയായും ലൈസൻസ് രാജ് ഇല്ലാതാക്കിയ ധനമന്ത്രിയെന്നും പേരെടുത്ത അദ്ദേഹം സാമ്പത്തിക ഉദാരവത്കരണ നയങ്ങൾ നടപ്പാക്കിയതിലൂടെ ശ്രദ്ധേയനായി. 1991ൽ നരസിംഹറാവു സർക്കാരിൽ ധനമന്ത്രിയാകാനുള്ള അവസരം അപ്രതീക്ഷിതമായാണ് മൻമോഹൻ സിംഗിനെ തേടിയെത്തിയത്. പരിചയം ആസൂത്രണ കമ്മീഷൻ ഉപാധ്യക്ഷൻ, റിസർവ് ബാങ്ക് ഗവർണർ എന്നീ പദവികളിൽ പ്രവർത്തിച്ചത്.

പഞ്ചാബ് സർവകലാശാലയിൽ നിന്നും സാമ്പത്തിക ശാസ്ത്രത്തിൽ 1952ൽ ബിരുദവും 1954ൽ മാസ്റ്റർ ബിരുദവും ഒന്നാം റാങ്കിൽ പാസായി കേംബ്രിഡ്ജിൽ ഉപരിപഠനവും കഴിഞ്ഞ് 1957ൽ കേംബ്രിഡ്ജ് സർവകലാശാലയിലെ സെൻറ് ജോൺസ് കോളേജിൽ നിന്നും എക്കണോമിക്സ് ട്രിപ്പോസ് നേടിയതിന് ശേഷം ഇന്ത്യയിലെത്തി. തുടർന്ന് പഞ്ചാബ് സർവകലാശാലയിൽ അധ്യാപകനായി ജോലിക്ക് ചേർന്നു.

Related Post

വെള്ളാപ്പള്ളിയുടെ അതേ സംസ്കാരത്തില്‍ തനിക്ക് മറുപടി പറയാനാകില്ല, അയാളുടെ നിലപാടുകള്‍ ഈഴവര്‍ക്ക് ദോഷം ചെയ്യുന്നു, എല്ലാ സമുദായങ്ങളെയും ശത്രുതലത്തിലാക്കി, ഇപ്പോള്‍ പിന്നാക്കസമുദായ സ്ഥാനാർഥികൾക്ക് മറ്റ് സമുദായക്കാര്‍ വോട്ട് കൊടുക്കാതെയായി- ശിവഗിരി മഠാധിപതി സച്ചിദാനന്ദ സ്വാമികൾ

March 22, 2026

കോൺഗ്രസിൽ നിന്ന് നേരിട്ടത് വളരെ മോശം അനുഭവം, സുരേഷ് ഗോപിയുടെ മകളുടെ വിവാഹ ഫോട്ടോ സ്റ്റോറിയിട്ടതിന്റെ പേരിൽ പോലും അധിക്ഷേപിച്ചു, മഹിളാ കോൺഗ്രസ് നേതാവ് ബിജെപിയില്‍, കുടുംബത്തെ പോലും വേട്ടയാടുന്ന നെറികെട്ട രാഷ്ട്രീയമാണ് ഇപ്പൊഴെന്ന് സുരേഷ് ഗോപി

March 22, 2026

കേരള മുഖ്യമന്ത്രിയും പൊലീസും ഞങ്ങളെ സഹായിക്കണം, വധിക്കുമെന്നും അംഗഭംഗം വരുത്തുമെന്നും അവർ ഞങ്ങളെ പരസ്യമായി ഭീഷണിപ്പെടുത്തുകയാണ്, സഹായമഭ്യര്‍ത്ഥിച്ച് മൊണാലിസയും ഭര്‍ത്താവും

March 22, 2026

നുണ പറയുന്നതിനുള്ള നൊബേൽ സമ്മാനം വിഡി സതീശന് തന്നെ, രാവിലെ മുതൽ രാത്രിവരെ എട്ടും ഒൻപതും നുണയാണ് അയാള്‍ പറഞ്ഞുകൊണ്ടിരിക്കുന്നത്, കോൺഗ്രസിൽ ഇനി ആരും പോകാൻ ബാക്കിയില്ല, സിപിഎമ്മില്‍ നിന്നും പുറത്തുപോയ നാലോ അഞ്ചോ ആളുകളല്ല പാര്‍ട്ടിയെ നയിക്കുന്നത്- എം വി ഗോവിന്ദന്‍

March 22, 2026

തുടർന്ന് 1969-71 കാലത്ത് ഡൽഹി സ്കൂൾ ഓഫ് എക്കണോമിക്സിൽ പ്രൊഫസറായി. ഇതേ കാലത്ത് വിദേശ വ്യാപാര മന്ത്രാലയത്തിൽ ഉപദേശകനുമായിരുന്നു. 1972ൽ ധനകാര്യ മന്ത്രാലയത്തിൽ മുഖ്യ സാമ്പത്തിക ഉപദേഷ്ടാവായി. 1976 ൽ ധനകാര്യ മന്ത്രാലയ സെക്രട്ടറിയായി. 1980-82 – ആസൂത്രണ കമ്മീഷൻ അംഗമായി. 1982 ൽ ഇന്ദിര ഗാന്ധി മന്ത്രിസഭയിൽ പ്രണബ് മുഖർജി ധനകാര്യ മന്ത്രിയായിരിക്കെ റിസർവ് ബാങ്ക് ഗവർണറായി നിയമനം. പിന്നീട് 1985 വരെ റിസർവ് ബാങ്ക് ഗവർണർ ആയി തുടർന്നു.

1985-87 കാലത്ത് ആസൂത്രണ കമ്മീഷൻ ഉപാധ്യക്ഷനായി ചുമതലയേറ്റു. എന്നാൽ അന്നത്തെ പ്രധാനമന്ത്രിയായിരുന്ന രാജീവ് ഗാന്ധിക്ക് മൻമോഹൻ സിങിനോട് അത്രകണ്ട് മതിപ്പില്ലായിരുന്നു. ആസൂത്രണ കമ്മീഷനെ കോമാളി സംഘം എന്ന് രാജീവ് ഗാന്ധി വിമർശിച്ചതിൽ പ്രതിഷേധിച്ച് രാജിവെക്കാൻ ഒരുങ്ങിയ മൻമോഹൻ സിങിനെ ഏറെ പണിപെട്ടാണ് പിൻതിരിപ്പിച്ചതെന്ന് മുൻ ആഭ്യന്തര സെക്രട്ടറിയും സിഎജിയുമായിരുന്ന സി ജി സോമയ്യ തന്റെ ആത്മകഥയിൽ പറയുന്നു. പിന്നീട് 1987-90 കാലത്ത് ജനീവ ആസ്ഥാനമായി പ്രവർത്തിക്കുന്ന, സ്വതന്ത്ര സാമ്പത്തിക നയം പിൻതുടരുന്ന ബൗദ്ധിക കൂട്ടായ്മ, സൗത്ത് കമ്മീഷൻറെ സെക്രട്ടറി ജനറലായും പ്രവർത്തിച്ചു.

എന്നാൽ 1991 ജൂണിൽ കേന്ദ്രത്തിൽ കോൺഗ്രസ് അധികാരത്തിൽ തിരിച്ചെത്തിയപ്പോൾ ധനമന്ത്രിയാവാൻ പുതിയ പ്രധാനമന്ത്രി നരസിംഹ റാവുവിൽ നിന്ന് അപ്രതീക്ഷിത ഫോൺ കോൾ മൻമോഹൻ സിങിനെ തേടിയെത്തി. ഇതോടെ മൻമോഹൻ സിങിൻറെ രാഷ്ട്രീയ ജീവിതം മാത്രമല്ല ആരംഭിച്ചത്, രാജ്യത്തിന്റെ തലവര തന്നെ മാറിമറിയുകയായിരുന്നു. അസമിൽ നിന്നുള്ള രാജ്യസഭാംഗമായതാണ് കേന്ദ്ര സർക്കാരിൽ അദ്ദേഹമെത്തിയത്. പിന്നീട് തുടർച്ചയായി 4 തവണ അസമിൽ നിന്നുള്ള രാജ്യസഭാംഗമായി.

മൻമോ​ഹൻ ധനമന്ത്രിയാകുന്ന കാലത്ത് രാജ്യം കടുത്ത സാമ്പത്തിക പ്രതിസന്ധിയെ നേരിടുകയായിരുന്നു. ധനകമ്മി ജിഡിപിയുടെ 8.5 % , വിദേശനാണ്യ കരുതൽ ശേഖരം കഷ്ടിച്ച് രണ്ട് ആഴ്ചത്തേക്കുകൂടി മാത്രം എന്ന സ്ഥിതിയായിരുന്നു അന്ന്. അന്താരാഷ്ട്ര നാണയ നിധിയിൽ നിന്ന് വായ്പയെടുക്കാൻ രാജ്യം നിർബന്ധിതമായപ്പോൾ കടുത്ത സാമ്പത്തിക നടപടികളാണ് തിരികെ ഐഎംഎഫ് ആവശ്യപ്പെട്ടത്. ലൈസൻസ് രാജ് നീക്കാനും വിപണി വിദേശ നിക്ഷേപത്തിനായി തുറന്നുകൊടുക്കാനും മൻമോഹൻ സിങ് നിർബന്ധിതനായി. ഇറക്കുമതി ചുങ്കം കുറച്ചു. പൊതുമേഖല സ്ഥാപനങ്ങളുടെ സ്വകാര്യവൽക്കരണം അടക്കം സാമ്പത്തിക പരിഷ്കാരങ്ങളോട് മുഖം തിരിച്ച നേതാക്കളോട് പ്രവർത്തിക്കുക അല്ലെങ്കിൽ മരിക്കുക എന്നായിരുന്നു അദ്ദേഹത്തിൻറെ മറുപടി.

സാമ്പത്തിക രം​ഗത്ത് പത്ത് തലയുള്ള തനി രാവണൻ, രാജ്യം സാമ്പത്തിക മാന്ദ്യം കൊണ്ട് ബുദ്ധിമുട്ടിയപ്പോൾ പൊതുമേഖല സ്ഥാപനങ്ങളുടെ സ്വകാര്യവൽക്കരണമെന്ന ആശയവുമായി രം​ഗത്ത്, കേട്ടവർ കേട്ടവർ നെറ്റി ചുളിച്ചു, മറുപടി ‘DO OR DIE’- പിന്നെ കണ്ടത് ഇന്ത്യയുടെ തിരിച്ചുവരവ്

ഡോ. മൻമോഹൻ സിങിന് രാജ്യത്തിന്റെ അന്ത്യാഞ്ജലി, സംസ്കാരം നാളെ, ഭാരതത്തിന്റെ ഏറ്റവും മഹത്തായ പുത്രന്മാരിൽ ഒരാളെയാണ് നഷ്ടമായതെന്ന് രാഷ്ട്രപതി, ജനാധിപത്യത്തിന്റേയും മതനിരപേക്ഷതയുടേയും മൂല്യങ്ങൾ ഉയർത്തിപ്പിടിച്ച് ഇന്ത്യയെ നയിച്ച പ്രധാനമന്ത്രി-പ്രധാനമന്ത്രി

മുന്‍ പ്രധാനമന്ത്രി മന്‍മോഹന്‍ സിംഗ് അന്തരിച്ചു; മരണം ഡല്‍ഹി എയിംസില്‍; ഇന്ത്യയുടെ തലവരമാറ്റിയ സാമ്പത്തിക വിദഗ്ധന്‍; സോണിയയുടെ വിശ്വസ്തന്‍
അക്കാലത്തെ വാണിജ്യ സഹമന്ത്രി പി ചിദംബരം, മൻമോഹൻ സിങിനെ ഉപമിച്ചത് ഡെൻ സിയാവോപിങിനോടായിരുന്നു. പിന്നീട് ലോക രാജ്യങ്ങൾക്ക് കാണാൻ സാധിച്ചത് ഇന്ത്യയുടെ ഉയർത്തെഴുന്നേൽപ്പായിരുന്നു. 1992-93 കാലത്ത് ഇന്ത്യയുടെ ജിഡിപി വളർച്ച നിരക്ക് 5.1 % ലേക്കും 1993-94 കാലത്ത് വളർച്ച നിരക്ക് 7.3 % ലേക്കും ഉയർന്നു. ആർഎൻ മൽഹോത്ര കമ്മിറ്റി റിപ്പോർട്ട് ഈ കാലത്ത് ഇൻഷുറൻസ് മേഖലയിൽ നടപ്പിലാക്കിയതും മൻമോഹൻ സിംഗ് ആണ്.

2007ൽ ഏറ്റവും വലിയ സാമ്പത്തിക വളർച്ച നിരക്ക് 9 % ആയി ഉയർന്നു. ലോകത്ത് അതിവേഗ വളർച്ചയുടെ പാതയിൽ രണ്ടാം സ്ഥാനത്തേക്ക് ഇന്ത്യ ഉയർന്നു. 2008ലെ ആഗോള സാമ്പത്തിക മാന്ദ്യത്തിലും തകരാതെ, മൻമോഹൻ- ചിദംബരം കൂട്ടുകെട്ട് രാജ്യത്തെ സാമ്പത്തിക സ്ഥിതിയെ താങ്ങി നിർത്തി.