സിറിയ: സ്ത്രീകളുടേയും പുരുഷന്മാരുടേയും വസ്ത്രധാരണത്തിൽ കർശന നിർദേശങ്ങൾ പുറത്തിറക്കി സിറിയ. ബീച്ചുകളിലും നീന്തൽക്കുളങ്ങളിലും സ്ത്രീകൾ ശരീരം മൂടുന്ന ബുർഖ ധരിക്കണമെന്നാണ് ജൂൺ ഒമ്പതിന് പുറത്തിറക്കിയ ഉത്തരവിൽ വ്യക്തമാക്കിയിരിക്കുന്നത്. സുന്നി ഇസ്ലാമിസ്റ്റുകളുടെ നേതൃത്വത്തിലുള്ള വിമതർ അസദ് ഭരണകൂടത്തെ അട്ടിമറിച്ചതിനുശേഷം സ്ത്രീകൾ മുഖം മൂടണമെന്ന് ആഹ്വാനം ചെയ്യുന്ന ലഘുലേഖകൾ പുറത്തിറങ്ങിയിരുന്നു. ഇതിന് പിന്നാലെയാണ് കർശന നിർദേശങ്ങളുമായി ഭരണകൂടത്തിന്റെ ഉത്തരവ് പുറത്തിറങ്ങിയിരിക്കുന്നത്.
അതേസമയം വേനൽക്കാലത്തിന് മുന്നോടിയായി ബീച്ചുകൾക്കും നീന്തൽക്കുളങ്ങൾക്കുമുള്ള പൊതു സുരക്ഷാ മാർഗനിർദ്ദേശങ്ങളുടെ ഒപ്പമാണ് ഇക്കാര്യങ്ങൾ നിർദേശിച്ചിരിക്കുന്നത്. ബീച്ചിൽ പോകുന്നവരും പൊതുകുളങ്ങൾ സന്ദർശിക്കുന്നവരും മാന്യതയെയും സമൂഹത്തിലെ വിവിധ വിഭാഗങ്ങളുടെ വികാരങ്ങളെയും ബഹുമാനിക്കുന്ന ഉചിതമായ നീന്തൽ വസ്ത്രങ്ങൾ’ ധരിക്കണമെന്നും ശരീരം കൂടുതൽ മൂടുന്ന ബുർക്ക പോലുള്ള വസ്ത്രങ്ങൾ ധരിക്കണമെന്നും ഉത്തരവിൽ പറയുന്നു.
അതുപോലെ നീന്തൽ ഇല്ലാത്ത സമയത്ത് പുരുഷന്മാർ ഷർട്ട് ധരിക്കണമെന്നും ഹോട്ടൽ ലോബികളിലോ റെസ്റ്റോറന്റുകളിലോ പൊതുസ്ഥലങ്ങളിലോ മറ്റും നഗ്‌നമായ നെഞ്ച് കാട്ടി പുരുഷൻമാർ നടക്കരുതെന്നും ഉത്തരവിൽ വ്യക്തമാക്കുന്നു.
Related Post
