പാലക്കാട്: വടക്കഞ്ചേരിയിൽ സ്‌കൂട്ടറിൽ പോവുകയായിരുന്ന യുവതിയെ ബൈക്കുകൊണ്ട് പിന്നിൽ നിന്നു ഇടിച്ചുവീഴ്ത്തി പീഡിപ്പിക്കാൻ ശ്രമിച്ച കേസിൽ യുവാവ് അറസ്റ്റിൽ. പട്ടിക്കാട് പൂവഞ്ചിറ സ്വദേശി വിഷ്ണു (25) ആണ് അറസ്റ്റിലായത്. ഇന്നലെ അർധരാത്രിയോടെയാണ് സംഭവം. സ്വകാര്യ സ്ഥാപനത്തിലെ ജീവനക്കാരിയായ യുവതി രാത്രി ജോലി കഴിഞ്ഞ് വീട്ടിലേക്കു പോവുന്നതിനിടെയായിരുന്നു ആക്രമണം.
യുവതിയെ ബൈക്കിൽ പിന്തുടർന്ന വിഷ്ണു പിന്നിൽ നിന്ന് ഇടിച്ചുവീഴ്ത്തുക ആയിരുന്നു. നിലത്തുവീണ യുവതിക്ക് പരുക്കേറ്റിരുന്നു. ഇതിനിടെ ബൈക്കിൽ നിന്നിറങ്ങിയ വിഷ്ണു യുവതിയെ ലൈംഗികമായി ഉപദ്രവിക്കാൻ ശ്രമിച്ചു. യുവതി ബഹളം വച്ചതോടെ വിഷ്ണു കടന്നുകളയുകയായിരുന്നു.
സംഭവത്തിൽ പോലീസ് സിസി ടിവികൾ കേന്ദ്രീകരിച്ച് നടത്തിയ അന്വേഷണത്തിനൊടുവിൽ വിഷ്ണു ഇന്ന് പിടിയിലായത്. ഇയാൾ എറണാകുളം ജില്ലയിൽ റജിസ്റ്റർ ചെയ്ത മറ്റൊരു ഒരു പോക്സോ കേസിലും പ്രതിയാണെന്നാണു അറിയുന്നത്.
Related Post
