ടെക്സാസ്: ലോകത്തെ കാർന്നു തിന്നുന്ന ക്യാൻസർ രോഗത്തിന് പ്രതിവിധി ഉണ്ടാകുമെന്ന പ്രതീക്ഷയേകി ഒറാക്കിൾ ചെയർമാൻ ലാറി എല്ലിസൺ. ആർട്ടിഫിഷ്യൽ ഇന്റലിജൻസിന് (AI) ക്യാൻസർ കണ്ടെത്താനും വാക്സിൻ വികസിപ്പിക്കാനും കഴിയുമെന്ന് മാത്രമല്ല, 48 മണിക്കൂറിനുള്ളിൽ ഓരോ വ്യക്തിക്കും ആ വാക്സിൻ ലഭ്യമാക്കാനും കഴിയുമെന്നാണ് ഒറാക്കിൾ ചെയർമാൻ്റെ വാഗ്ദാനം. ആഗോള ആരോഗ്യ രംഗത്ത് വൻ ചലനങ്ങൾ ഉണ്ടാക്കുന്ന പ്രസ്താവനയാണ് അദ്ദേഹം നടത്തിയത്. സാങ്കേതിക വിദ്യ ലോകാരോഗ്യ രംഗത്തെ അടിമുടി മാറ്റിമറിക്കുമെന്നതിൻ്റെ സൂചന കൂടിയാണിത്.
വൈറ്റ് ഹൗസിൽ സോഫ്റ്റ്ബാങ്ക് സിഇഒ മസയോഷി സോൺ, ഓപ്പൺഎഐ സിഇഒ സാം ആൾട്ട്മാൻ എന്നിവരുടെ സാന്നിധ്യത്തിൽ നടന്ന യോഗത്തിലാണ് ഒറാക്കിൾ ചെയർമാൻ്റെ വെളിപ്പെടുത്തൽ. ശാസ്ത്രം വൻ പുരോഗതി കൈവരിച്ചിട്ടും ക്യാൻസറിന് മരുന്നു കണ്ടുപിടിക്കാനായില്ലെന്ന ന്യൂനത ഇതിലൂടെ പരിഹരിക്കപ്പെടുമെന്നാണ് പ്രതീക്ഷിക്കുന്നത്.
Related Post
“ട്യൂമറുകളുടെ ചെറിയ ശകലങ്ങൾ നിങ്ങളുടെ രക്തത്തിൽ ഉണ്ടാകും. അതിനാൽ നിങ്ങൾക്ക് നേരത്തെ കാൻസർ കണ്ടെത്താം. എഐ ഉപയോഗിച്ച് രക്തപരിശോധന നടത്തിയാൽ, കാൻസറിന്റെ തുടക്കത്തിൽ തന്നെ കണ്ടെത്താനും കഴിയും. കാൻസർ ട്യൂമർ ജീൻ സീക്വൻസ് ചെയ്തുകഴിഞ്ഞാൽ, ആ വ്യക്തിക്ക് പ്രതിരോധ കുത്തിവയ്പ്പ് നൽകാം. ഓരോ വ്യക്തിക്കും ആ കാൻസറിനെതിരെ പ്രതിരോധ കുത്തിവയ്പ്പ് നൽകുന്ന ഒരു വാക്സിൻ രൂപകൽപ്പന ചെയ്യാൻ കഴിയും. ആ എംആർഎൻഎ വാക്സിൻ, എഐ ഉപയോഗിച്ച് നിങ്ങൾക്ക് റോബോട്ടിക് ആയി നിർമ്മിക്കാനും കഴിയും. അതും, ഏകദേശം 48 മണിക്കൂറിനുള്ളിൽ, “എല്ലിസൺ പറഞ്ഞു.
“അതിനാൽ നിങ്ങൾക്ക് ഇനി സങ്കൽപ്പിക്കാം…, നേരത്തെ കാൻസർ കണ്ടെത്തുന്നതും അതിന് ആവശ്യമായ വാക്സിൻ വികസിപ്പിക്കുന്നതും 48 മണിക്കൂറിനുള്ളിൽ ആ വാക്സിൻ നിങ്ങൾക്ക് ലഭ്യമാവുന്നതും-ഇതാണ് എഐ-യുടെ വാഗ്ദാനവും ഭാവിയുടെ വാഗ്ദാനവും”, എല്ലിസൺ പറഞ്ഞു.
ഓപ്പൺഎഐ, സോഫ്റ്റ്ബാങ്ക്, ഒറാക്കിൾ എന്നിവ സ്റ്റാർഗേറ്റ് എന്നിവ സംയുക്തമായാണ് ഇത് ആസൂത്രണം ചെയ്യുന്നത്, ഇത് വിവിധയിടങ്ങളിൽ ഡാറ്റാ സെന്ററുകൾ നിർമ്മിക്കുകയും യുഎസിൽ 100,000-ലധികം തൊഴിലവസരങ്ങൾ സൃഷ്ടിക്കുകയും ചെയ്യും. ഈ കമ്പനികളും സ്റ്റാർഗേറ്റിന്റെ മറ്റ് ഇക്വിറ്റി പിന്തുണക്കാരും അടുത്ത നാല് വർഷത്തിനുള്ളിൽ 100 ബില്യൺ ഡോളർ നിക്ഷേപം നടത്തുമെന്നാണ് പ്രഖ്യാപിച്ചിട്ടുള്ളത്.
പദ്ധതിയുടെ ആദ്യ ഡാറ്റാ സെന്ററുകൾ ഇതിനകം ടെക്സാസിൽ നിർമ്മാണത്തിലാണെന്ന് എല്ലിസൺ പറഞ്ഞു. അര ദശലക്ഷം ചതുരശ്ര അടി വീതമുള്ള ഇരുപത് ഡാറ്റാ സെൻ്ററുകൾ നിർമ്മിക്കുമെന്നും അദ്ദേഹം പറഞ്ഞു. ഡോക്ടർമാരെ അവരുടെ രോഗികളെ പരിപാലിക്കാൻ സഹായിക്കുകയും ഇലക്ട്രോണിക് ഹെൽത്ത് റെക്കോർഡുകൾ വിശകലനം ചെയ്യുകയും ചെയ്യുന്ന എഐയും ശക്തിപ്പെടുത്താൻ ഈ പദ്ധതിക്ക് കഴിയുമെന്ന് എല്ലിസൺ പറഞ്ഞു.
keywords: Oracle’s Larry Ellison says AI can make cancer vaccine available in 48 hrs
