Related Post
നാഗ്പുര് : നരേന്ദ്ര മോദി പ്രധാനമന്ത്രി സ്ഥാനം ഒഴിയുന്നതായി വെളിപ്പെടുത്തല്. നരേന്ദ്ര മോദി ആര്എസ്എസ് ആസ്ഥാനത്ത് എത്തി മോഹന് ഭാഗവതിനെ കണ്ടത് അദ്ദേഹത്തിന്റെ വിരമിക്കല് തീരുമാനം അറിയിക്കാനാണെന്ന് ശിവസേന നേതാവ് സഞ്ജയ് റാവുത്ത്. നരേന്ദ്ര മോദി പ്രധാനമന്ത്രി സ്ഥാനം ഒഴിയുകയാണ്. മോദി ആര്എസ്എസ് ആസ്ഥാനത്തെത്തി 24 മണിക്കൂര് പിന്നിടുമ്പോഴാണ് സഞ്ജയ് റാവുത്തിന്റെ വെളിപ്പെടുത്തല്.
അടുത്ത നേതാവ് മഹാരാഷ്ട്രയില് നിന്നായിരിക്കുമെന്നാണ് തനിക്ക് അറിയാനായത്. 2029 ലെ തിരഞ്ഞെടുപ്പിനു മുന്പ് മോദി വിരമിക്കുന്നുവെന്നാണ് സൂചന. സെപ്റ്റംബറിലാണ് നരേന്ദ്ര മോദി വിരമിക്കാന് പദ്ധതിയിടുന്നതെന്നും സഞ്ജയ് റാവുത്ത് പറയുന്നു.
അതേസമയം, നരേന്ദ്ര മോദിയുടെ പിന്ഗാമിയെ അന്വേഷിക്കേണ്ട ആവശ്യമില്ലെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു. മോദി തങ്ങളുടെ നേതാവാണെന്നും അദ്ദേഹം തുടരുമെന്നും ഫഡ്നാവിസ് പറഞ്ഞു. ”നമ്മുടെ സംസ്കാരത്തില് അച്ഛന് ജീവിച്ചിരിക്കുമ്പോള് അനന്തരാവകാശിയെ കുറിച്ച് ചര്ച്ച ചെയ്യുന്നത് തെറ്റാണ്. മറ്റേത് മുഗള് പാരമ്പര്യമാണ്. ആ ചര്ച്ചയ്ക്ക് സമയമായിട്ടില്ല. 2029 ല് മോദി വീണ്ടും പ്രധാനമന്ത്രിയാവുന്നത് നാം കാണും” ഫഡ്നാവിസ് പറഞ്ഞു.
വെട്ടാത്ത എമ്പുരാന് കാണാന് തിരക്കു കൂട്ടണ്ട; കത്തിവെയ്ക്കാത്ത എമ്പുരാന്റെ പ്രദര്ശനം തുടരും
